ԵՐԵՎԱՆ, 12 հոկեմբերի - Sputnik. Ռուսաստանն ԱՄՆ-ին առաջարկել է հանել բոլոր սահմանափակումները, որոնք կողմերը մտցրել են վերջին մի քանի տարիների ընթացքում։ Տեղեկությունը իր Telegram ալիքում հայտնել է Ռուսաստանի ԱԳՆ պաշտոնական ներկայացուցիչ Մարիա Զախարովան՝ անդրադառնալով ԱՄՆ-ի պետական քարտուղարի քաղաքական հարցերով տեղակալ Վիկտորյա Նուլանդի` Ռուսաստան կատարած այցի արդյունքներին:
Զախարովայի խոսքով՝ Ռուսաստանի արտգործնախարարի տեղակալի ու Նուլանդի հանդիպման ժամանակ հատուկ ուշադրություն է դարձվել հարցերին, որոնք վերաբերում են միմյանց տարածքներում գործող Ռուսաստանի ու ԱՄՆ-ի արտասահմանյան ներկայացուցչությունների գործունեությանը։
Մարիա Զախարովան գրում է` ռուսական կողմն ընդգծել է, որ թշնամական հակառուսական գործողություններն անպատասխան չեն մնա, սակայն Մոսկվայում չեն ձգտում հարաբերությունների հետագա սրացման: Դրա հետ կապված՝ Ռուսաստանն առաջարկում է հանել բոլոր սահմանափակումները, որոնք երկու կողմերից մտցվել են վերջին մի քանի տարիների ընթացքում։
Ռուս դիվանագետը նաև հայտնել է, որ «Նուլանդին հասցվել է, որ Վաշինգտոնի կողմից առճակատման գծի շարունակումը երկկողմ օրակարգի ու միջազգային և տարածաշրջանային սուր խնդիրների համատեքստում կարող է հանգեցնել միայն ռուս-ամերիկյան հարաբերությունների հետագա դեգրադացիայի»։
ԱՄՆ-ին կոչ են հարաբերությունների կառուցումը հիմնել իրավահավասարության և միմյանց շահերը հաշվի առնելու սկզբունքների վրա: