ԵՐԵՎԱՆ, 5 դեկտեմբերի - Sputnik. Սկանդալային գաղտնալսման դեպքի առթիվ հարուցված քրեական գործով ձերբակալվածներ չկան։ Այս մասին Facebook-ի իր էջում գրել էՀայաստանի քննչական կոմիտեի մամուլի քարտուղար Նաիրա Հարությունյանը:
Խոսքն Ազգային անվտանգության ծառայության նախկին պետ Արթուր Վանեցյանի և Հատուկ քննչական ծառայության պետ Սասուն Խաչատրյանի սկանդալային հեռախոսազրույցի ձայնագրության հրապարակման մասին է:
Ավելի վաղ լրատվամիջոցներից մեկը, վկայակոչելով իր աղբյուրներին, հաղորդել էր, որ այն անձը, որը գաղտնալսել է երկու պաշտոնյաների հեռախոսային խոսակցությունները, իբր ձերբակալված է և Ռուսաստանի քաղաքացի է:
Մինչդեռ Հարությունյանը նշել է, որ այս քրեական գործի շրջանակում կասկածյալի կարգավիճակ ունեցողներ չկան:
Սերժ Սարգսյանը չի ընդունում իրեն առաջադրված մեղադրանքը, նրա հետ առերեսում է եղել
«Քրեական գործով ոչ ոք չի կալանավորվել», - գրում է ՔԿ ներկայացուցիչը՝ հորդորելով մամուլին չտարածել կեղծ տեղեկություններ:
Հիշեցնենք, որ 2018 թվականի սեպտեմբերի 11-ին համացանցում հայտնվեց Ազգային անվտանգության ծառայության այն ժամանակվա ղեկավար Արթուր Վանեցյանի և Հատուկ քննչական ծառայության պետ Սասուն Խաչատրյանի հեռախոսազրույցի ձայնագրությունը:
Հայտնի է` ում են բերման ենթարկել փոխնախարար Լոռեցյանի հետ
Նրանք քննարկում էին նախկին նախագահ Ռոբերտ Քոչարյանի ձերբակալությունը: 2018 թվականի դեկտեմբերի 5-ին համացանցում հայտնվեց նաև Վանեցյանի և վարչապետ Նիկոլ Փաշինյանի հեռախոսազրույցի ձայնագրությունը:
Կառավարության ղեկավարն այդ արտահոսքերը որակել էր որպես հակահեղափոխական փորձ: