ԵՐԵՎԱՆ, 30 հոկտեմբերի — Sputnik. Հատուկ քննչական ծառայությունը հարցաքննելու իրավունք ունի ցանկացած անձի։ Այս մասին Ազգային ժողովում լրագրողների հետ զրույցում ասաց ՀՔԾ պետ Սասուն Խաչատրյանը` անդրադառնալով Սահմանադրական դատարանի նախագահ Հրայր Թովմասյանին հարցաքննելու խնդրին։
«Քրեական գործը երեկ ենք ստացել, դեռևս ուսումնասիրում ենք։ Իսկ ինչ վերաբերում է Թովմասյանին հարցաքննել–չհարցաքննելու իրավունքին, ապա մենք հարցաքննելու իրավունք ունենք ցանկացած անձի»,–ասաց նա։
Հարցին, թե հարցաքննության համար չպե՞տք է ստանան ՍԴ-ի թույլտվությունը, Սասուն Խաչատրյանը պատասխանեց, որ ընդամենը հարցաքննելու համար կարող են և չդիմել ՍԴ–ին։
Մեկ այլ հարցի, թե կարո՞ղ է Հրայր Թովմասյանը ներգրավվել որպես մեղադրյալ, ՀՔԾ պետը պատասխանեց, որ այդ հարցն այժմ չի մեկնաբանի, չնայած ունի իր անձնական տեսակետն այդ առնչությամբ։
Արսեն Բաբայանը համաներման ցանկություն չի հայտնել. Սասուն Խաչատրյան
Անդրադառնալով լուրերին, թե Թովմասյանի դեմ քաղաքական ճնշում է գործադրվում` Խաչատրյանը նշեց, որ ՀՔԾ–ն քաղաքական վերահսկողություններից դուրս է աշխատում և ղեկավարվում է միայն օրենքով։
Հիշեցնենք, որ Հատուկ քննչական ծառայությունը վարույթ է ընդունել Սահմանադրական դատարանի նախագահ Հրայր Թովմասյանի հետ առնչվող քրեական գործը։
Ավելի վաղ Քննչական կոմիտեն հաղորդագրություն էր տարածել, որ տվյալներ են ձեռք բերվել Թովմասյանի՝ որպես արդարադատության նախարար պաշտոնավարման ընթացքում պաշտոնեական լիազորությունները առերևույթ չարաշահելու վերաբերյալ: Մասնավորապես, Թովմասյանի` նախարար եղած ընթացքում, ՀՀ ԱՆ աշխատակազմի օրինականության վերահսկողության տեսչության պետի պաշտոնը զբաղեցրած Նորայր Փանոսյանի և ՀՀ ԱՆ ու Երևանի քաղաքապետարանի այլ պաշտոնատար անձանց կողմից իրենց պաշտոնեական լիազորությունները չարաշահելու դեպքերի առթիվ քննվող քրգործով նախաքննության ընթացքում տվյալներ են ձեռք բերվել` առերևույթ կատարված հանցագործություններին Թովմասյանի ուղղակի մասնակցության վերաբերյալ։
Վենետիկի հանձնաժողովի նախագահը Հայաստանի ՍԴ–ի հետ կապված հայտարարություն է արել
Հիմնավորվել է Բաղրամյան 1 փկղ. 14 շենքի թիվ 162 տարածքը Երևանի քաղաքապետարանի կողմից կազմակերպված աճուրդի արդյունքներով` փաստացի նրա կողմից ձեռք բերված լինելու հանգամանքը: