ԵՐԵՎԱՆ, 21 մարտի — Sputnik. Այսօր Մոսկվայում հուղարկավորեցին ռուս երգչուհի Յուլյա Նաչալովային։
Super պարբերականը սգո արարողությունից տեսանյութ է հրապարակել համացանցում։
Դագաղի մոտ Նաչալովայի ծնողներն են, նրա նախկին ամուսինը` Եվգենի Ալդոնինն ու երգչուհի Լարիսա Դոլինան, որը Յուլյայի դստեր` Վերա Ալդոնինայի կնքամայրն է։
Դահլիճում մեծ էկրան է եղել, որի վրա երգչուհու լուսանկարներն են ցուցադրել։
Յուլյային հրաժեշտ են տվել Ֆիլիպ Կիրկորովը, Բարի Ալիբասովը, Զառան, Անաստասիա Ստոցկայան, Կատյա Լելը, Իննա Մալիկովան, Վլադ Տոպալովը, Վյաչեսլավ Մանուչարովը և բազում այլ արտիստներ, ինչպես նաև երկրպագուները։
Յուլյայի մամուլի քարտուղար Աննա Իսաևան լրագրողներին հայտնել է, որ երգչուհին քաղցկեղից չի մահացել։ Նա հաստատել է, որ Յուլյան շաքարախտ է ունեցել։ Դիահերձումը ցույց է տվել, որ Նաչալովան մահացել է արյան վարակից։
Յուլյային հրաժեշտ են տվել ծափերի ու «բրավոների» ներքո։
38 տարեկան երգչուհին մահացել է մարտի 16–ին։