https://arm.sputniknews.ru/20261117/rdamn-shpman-aktivacumy-anaknkali-berec-evrvopajin-eahk-um-rd-mshtakan-nerkajacucich-109422714.html
ՌԴ–ԱՄՆ շփման ակտիվացումը անակնկալի բերեց Եվրոպային. ԵԱՀԿ-ում ՌԴ մշտական ներկայացուցիչ
ՌԴ–ԱՄՆ շփման ակտիվացումը անակնկալի բերեց Եվրոպային. ԵԱՀԿ-ում ՌԴ մշտական ներկայացուցիչ
Sputnik Արմենիա
Ռուսաստանցի դիվանագետը նշել է, որ եվրոպական հռետորաբանությունը պակաս լպիրշ է դարձել։ 17.11.2026, Sputnik Արմենիա
2026-11-17T09:49+0400
2026-11-17T09:49+0400
2026-11-17T10:10+0400
եահկ
https://cdn.am.imgsputniknews.ru/img/07e7/09/15/66262074_0:0:1280:720_1920x0_80_0_0_fa6215d19a53b49abebec08f3cb11d1d.jpg
ԵՐԵՎԱՆ, 17 նոյեմբերի – Sputnik. ԵԱՀԿ-ում եվրոպական պատվիրակությունների հռետորաբանությունը պակաս ագրեսիվ է դարձել Մոսկվայի և Վաշինգտոնի միջև շփումների ակտիվացումից հետո, ինչը անակնկալի բերեց եվրոպացիներին։ Այս մասին ՌԻԱ Նովոստիին ասել է ԵԱՀԿ-ում Ռուսաստանի մշտական ներկայացուցիչ Դմիտրի Պոլյանսկին։«Ես կասեի, որ եվրոպական հռետորաբանությունը պակաս լպիրշ է դարձել։ Որովհետև ամեն դեպքում լուրջ երկխոսության վերսկսումը և ԱՄՆ վարչակազմի հետ Մոսկվայի պայմանավորվածությունները անակնկալի բերեցին նրանց», – ասել է դիվանագետը՝ պատասխանելով այն հարցին, թե ինչպես է փոխվել ԵԱՀԿ-ում եվրոպական պատվիրակությունների դիրքորոշումը Ուկրաինայի հարցում Ռուսաստանի և ԱՄՆ–ի շփումների ակտիվացումից հետո։Նրա խոսքով՝ եվրոպացիները, մասնավորապես, զարմացած էին Մոսկվայի և Վաշինգտոնի միջև ինտենսիվ երկխոսության բուն փաստից։Ռուսաստանցի դիվանագետը նշել է, որ իրենք ամենից շատ մտահոգված են նրանով, որ իրենց դիրքորոշումը հաշվի չի առնվի։ Նրանք ավելի զգույշ են սկսել արտահայտվել ուկրաինական կարգավորման հեռանկարների, խաղաղության հասնելու պայմանների և կողմերի պատասխանատվության վերաբերյալ։«Վիեննայի հարթակում Ռուսաստանի դեմ ակնհայտորեն ագրեսիվ հարձակումները ևս քչացել են», – հավելել է նա։Ավելի վաղ ՌԴ արտգործնախարար Սերգեյ Լավրովը հայտարարել էր, որ եվրոպացիներն այժմ չեն հասկանում, թե ինչ դեր կարող են խաղալ Ուկրաինայի բանակցություններում, և նրանց հայտարարությունները հաստատում են դա։ Նախարարը ենթադրել է, որ նրանք հասկանում են, որ «գնացքը մեկնում է» և փորձում են ցատկել վերջին գնացքի ոտնակին։Նոյեմբերին ՌԴ նախագահ Վլադիմիր Պուտինը Կրեմլում հանդիպել է ԱՄՆ նախագահի հատուկ բանագնացներ Սթիվ Ուիտկոֆի և Ջարեդ Քուշների հետ։ Մոսկվայում կայացած հանդիպումից հետո ՌԴ նախագահի օգնական Յուրի Ուշակովը հայտարարել է, որ եվրոպական երկրները փորձում են միանալ Ուկրաինայի հարցով բանակցային գործընթացին, սակայն նրանք պետք է որոշեն՝ պատերա՞զմ են ուզում, թե՞ խաղաղություն։ Միևնույն ժամանակ նա նշել է, որ Եվրոպայի բոլոր գործնական գործողությունները դեռ վկայում են հենց հակամարտությունը շարունակելու ձգտման մասին։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.imgsputniknews.ru/img/07e7/09/15/66262074_175:0:1135:720_1920x0_80_0_0_43ce7672f023baebd21bd5e744d42527.jpgSputnik Արմենիա
media@sputniknews.com
+74956456601
MIA „Rossiya Segodnya“
եահկ
ՌԴ–ԱՄՆ շփման ակտիվացումը անակնկալի բերեց Եվրոպային. ԵԱՀԿ-ում ՌԴ մշտական ներկայացուցիչ
09:49 17.11.2026 (Թարմացված է: 10:10 17.11.2026) Ռուսաստանցի դիվանագետը նշել է, որ եվրոպական հռետորաբանությունը պակաս լպիրշ է դարձել։
ԵՐԵՎԱՆ, 17 նոյեմբերի – Sputnik. ԵԱՀԿ-ում եվրոպական պատվիրակությունների հռետորաբանությունը պակաս ագրեսիվ է դարձել Մոսկվայի և Վաշինգտոնի միջև շփումների ակտիվացումից հետո, ինչը անակնկալի բերեց եվրոպացիներին։ Այս մասին ՌԻԱ Նովոստիին ասել է ԵԱՀԿ-ում Ռուսաստանի մշտական ներկայացուցիչ Դմիտրի Պոլյանսկին։
«Ես կասեի, որ եվրոպական հռետորաբանությունը պակաս լպիրշ է դարձել։ Որովհետև ամեն դեպքում լուրջ երկխոսության վերսկսումը և ԱՄՆ վարչակազմի հետ Մոսկվայի պայմանավորվածությունները անակնկալի բերեցին նրանց», – ասել է դիվանագետը՝ պատասխանելով այն հարցին, թե ինչպես է փոխվել ԵԱՀԿ-ում եվրոպական պատվիրակությունների դիրքորոշումը Ուկրաինայի հարցում Ռուսաստանի և ԱՄՆ–ի շփումների ակտիվացումից հետո։
Նրա խոսքով՝ եվրոպացիները, մասնավորապես, զարմացած էին Մոսկվայի և Վաշինգտոնի միջև ինտենսիվ երկխոսության բուն փաստից։
Ռուսաստանցի դիվանագետը նշել է, որ իրենք ամենից շատ մտահոգված են նրանով, որ իրենց դիրքորոշումը հաշվի չի առնվի։ Նրանք ավելի զգույշ են սկսել արտահայտվել ուկրաինական կարգավորման հեռանկարների, խաղաղության հասնելու պայմանների և կողմերի պատասխանատվության վերաբերյալ։
«Վիեննայի հարթակում Ռուսաստանի դեմ ակնհայտորեն ագրեսիվ հարձակումները ևս քչացել են», – հավելել է նա։
Ավելի վաղ ՌԴ արտգործնախարար Սերգեյ Լավրովը հայտարարել էր, որ եվրոպացիներն այժմ չեն հասկանում, թե ինչ դեր կարող են խաղալ Ուկրաինայի բանակցություններում, և նրանց հայտարարությունները հաստատում են դա։ Նախարարը ենթադրել է, որ նրանք հասկանում են, որ «գնացքը մեկնում է» և փորձում են ցատկել վերջին գնացքի ոտնակին։
Նոյեմբերին ՌԴ նախագահ Վլադիմիր Պուտինը Կրեմլում հանդիպել է ԱՄՆ նախագահի հատուկ բանագնացներ Սթիվ Ուիտկոֆի և Ջարեդ Քուշների հետ։ Մոսկվայում կայացած հանդիպումից հետո ՌԴ նախագահի օգնական Յուրի Ուշակովը հայտարարել է, որ եվրոպական երկրները փորձում են միանալ Ուկրաինայի հարցով բանակցային գործընթացին, սակայն նրանք պետք է որոշեն՝ պատերա՞զմ են ուզում, թե՞ խաղաղություն։ Միևնույն ժամանակ նա նշել է, որ Եվրոպայի բոլոր գործնական գործողությունները դեռ վկայում են հենց հակամարտությունը շարունակելու ձգտման մասին։