https://arm.sputniknews.ru/20261116/21-orja-buzhumic-hetvo-khnamqi-institut-chka-avanesjany-hvogekan-khndirnervov-andzanc-masin-109387119.html
21-օրյա բուժումից հետո խնամքի ինստիտուտ չկա. Ավանեսյանը՝ հոգեկան խնդիրներով անձանց մասին
21-օրյա բուժումից հետո խնամքի ինստիտուտ չկա. Ավանեսյանը՝ հոգեկան խնդիրներով անձանց մասին
Sputnik Արմենիա
Վերջին օրերին հայտնի դարձավ, որ Երևանի Բաղրամյան պողոտայում սպանություն է տեղի ունեցել, ու հանցանքը կատարելու մեջ կասկածվողը հաշվառված է հոգեկան առողջության... 16.11.2026, Sputnik Արմենիա
2026-11-16T13:52+0400
2026-11-16T13:52+0400
2026-11-16T14:15+0400
հոգեկան
հիվանդ
հիվանդանոց
անահիտ ավանեսյան
https://cdn.am.imgsputniknews.ru/img/07ea/08/18/106045638_0:0:1600:901_1920x0_80_0_0_de209b864d1ffec1ab6e974a8c56f2da.jpg
ԵՐԵՎԱՆ, 16 նոյեմբերի – Sputnik. Հոգեկան առողջության խնդիր ունեցող անձանց հնարավոր չէ մշտապես մեկուսացրած պահել, ու խնդրի լուծումը հետբուժական խնամքի կենտրոններ ստեղծելն է։ Այս մասին ԱԺ–ում լրագրողների հետ զրույցում ասաց ՀՀ առողջապահության նախարար Անահիտ Ավանեսյանը` անդրադառնալով հոգեկան առողջության խնդիր ունեցողների կողմից կատարվող սպանություններին։Ի դեպ, ըստ օրենքի, հոգեկան առողջության խնդիր ունեցող անձն ինքը պետք է ասի, որ ցանկանում է բուժվել։ Դեպքեր են լինում, երբ քաղաքացիներն ահազանգում են, որ իրենց հարազատը նման խնդիր ունի, բայց իրավապահները նշում են` պետք է ինչ–որ արարք կատարած լինի, որպեսզի նրան տեղափոխեն Հոգեկան առողջության կենտրոն։ Խնդիրն այն է, որ այնտեղ էլ մոտ 3-4 օր են պահում։Ըստ նախարարի` պետք է տարբերակել անձի բուժօգնությունը նրան խնամք տրամադրելուց։ Ավանեսյանը շեշտեց` բուժման ընթացքը 21 օր է տևում, բայց դրանից հետո չկան համապատասխան ինստիտուտներ, որպեսզի անձն ուղարկվի հետագա խնամքը կազմակերպելու։Նա ընդգծեց` ՀՀ–ում հետբուժական խնամքի կենտրոնների պակասը մեծ խնդիր է և պետք է առանձնահատուկ տեղ զբաղեցնի կառավարության 5-ամյա ծրագրում։Հիշեցնենք, որ նոյեմբերի 7-ին, ցերեկը Երևանում դանակահարություն էր եղել, ինչի հետևանքով մահացել էր 29-ամյա Էրիկ Կակոյանը։ Պարզվել է, որ դանակահարողն ու Էրիկն առհասարակ միմյանց չեն էլ ճանաչել ու մինչև դեպքը երբևէ չեն հանդիպել։ Հանցանք կատարած անձը հաշվառված է հոգեբուժարանում։Հոգեկան առողջության խնդիր ունեցող անձի կողմից սպանություն կատարելու դեպք եղել էր նաև 2025 թվականի հոկտեմբերին։ Անձը հոկտեմբերի 12-ին Կոտայքի մարզի Արամուս գյուղի դաշտում հրազենով և եղանով սպանել էր ամուսիններ Արմենուհի Ղ.–ին և Գևորգ Ղ.–ին։ 2 օր անց նույն անձը Զովաշենում սպանել է ևս 2 անձի` Մարինե Հայրապետյանին և Վահե Մարտիրոսյանին։ Դեկտեմբերի 16-ին նշանակված փորձաքննության եզրակացությամբ անձը անմեղսունակ էր ճանաչվել, ինչի հիման վրա էլ 4 անձի սպանության առթիվ նախաձեռնված քրեական վարույթը փոխակերպվել էր բժշակակա հարկադրանքի վարույթի։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.imgsputniknews.ru/img/07ea/08/18/106045638_177:0:1600:1067_1920x0_80_0_0_0b0b442a54ee319cd6bd149ce2edc994.jpgSputnik Արմենիա
media@sputniknews.com
+74956456601
MIA „Rossiya Segodnya“
հոգեկան, հիվանդ, հիվանդանոց, անահիտ ավանեսյան
հոգեկան, հիվանդ, հիվանդանոց, անահիտ ավանեսյան
21-օրյա բուժումից հետո խնամքի ինստիտուտ չկա. Ավանեսյանը՝ հոգեկան խնդիրներով անձանց մասին
13:52 16.11.2026 (Թարմացված է: 14:15 16.11.2026) Վերջին օրերին հայտնի դարձավ, որ Երևանի Բաղրամյան պողոտայում սպանություն է տեղի ունեցել, ու հանցանքը կատարելու մեջ կասկածվողը հաշվառված է հոգեկան առողջության կենտրոնում։
ԵՐԵՎԱՆ, 16 նոյեմբերի – Sputnik. Հոգեկան առողջության խնդիր ունեցող անձանց հնարավոր չէ մշտապես մեկուսացրած պահել, ու խնդրի լուծումը հետբուժական խնամքի կենտրոններ ստեղծելն է։ Այս մասին ԱԺ–ում լրագրողների հետ զրույցում ասաց ՀՀ առողջապահության նախարար Անահիտ Ավանեսյանը` անդրադառնալով հոգեկան առողջության խնդիր ունեցողների կողմից կատարվող սպանություններին։
Ի դեպ, ըստ օրենքի, հոգեկան առողջության խնդիր ունեցող անձն ինքը պետք է ասի, որ ցանկանում է բուժվել։ Դեպքեր են լինում, երբ քաղաքացիներն ահազանգում են, որ իրենց հարազատը նման խնդիր ունի, բայց իրավապահները նշում են` պետք է ինչ–որ արարք կատարած լինի, որպեսզի նրան տեղափոխեն Հոգեկան առողջության կենտրոն։ Խնդիրն այն է, որ այնտեղ էլ մոտ 3-4 օր են պահում։
«Երբ հանցագործությունը կատարում է հոգեկան առողջության խնդիր ունեցող անձը, դա շատ ավելի մեծ հանրային ուշադրության է արժանանում որպես առանձին երևույթ։ Առաջին հերթին, պետք չէ շեշտադրումը դնել մարդու ախտորոշման վրա, առողջական խնդիր չունեցող անձինք էլ են նման հանցագործություններ կատարում։ Երկրորդը` ՀՀ–ում մոտ 100 000 անձ ունի նման ախտորոշում, ի՞նչ եք կարծում` պետք է նրանց միշտ մեկուսացվա՞ծ պահենք։ Երբ սրացումներ են լինում անձի մոտ, պետք է կա՛մ անձն ինքնակամ որոշի գնալ կենտրոն, կա՛մ դատարանը որոշի»,– նշեց Ավանեսյանը։
Ըստ նախարարի` պետք է տարբերակել անձի բուժօգնությունը նրան խնամք տրամադրելուց։ Ավանեսյանը շեշտեց` բուժման ընթացքը 21 օր է տևում, բայց դրանից հետո չկան համապատասխան ինստիտուտներ, որպեսզի անձն ուղարկվի հետագա խնամքը կազմակերպելու։
Նա ընդգծեց` ՀՀ–ում հետբուժական խնամքի կենտրոնների պակասը մեծ խնդիր է և պետք է առանձնահատուկ տեղ զբաղեցնի կառավարության 5-ամյա ծրագրում։
Հիշեցնենք, որ նոյեմբերի 7-ին, ցերեկը Երևանում դանակահարություն էր եղել, ինչի հետևանքով մահացել էր
29-ամյա Էրիկ Կակոյանը։ Պարզվել է, որ դանակահարողն ու Էրիկն առհասարակ միմյանց չեն էլ ճանաչել ու մինչև դեպքը երբևէ չեն հանդիպել։ Հանցանք կատարած անձը հաշվառված է հոգեբուժարանում։
Հոգեկան առողջության խնդիր ունեցող անձի կողմից սպանություն կատարելու դեպք եղել էր նաև 2025 թվականի հոկտեմբերին։ Անձը հոկտեմբերի 12-ին Կոտայքի մարզի Արամուս գյուղի դաշտում հրազենով և եղանով սպանել էր ամուսիններ Արմենուհի Ղ.–ին և Գևորգ Ղ.–ին։ 2 օր անց նույն անձը Զովաշենում սպանել է ևս 2 անձի` Մարինե Հայրապետյանին և Վահե Մարտիրոսյանին։ Դեկտեմբերի 16-ին նշանակված փորձաքննության եզրակացությամբ
անձը անմեղսունակ էր ճանաչվել, ինչի հիման վրա էլ 4 անձի սպանության առթիվ նախաձեռնված քրեական վարույթը փոխակերպվել էր բժշակակա հարկադրանքի վարույթի։