Դավիթ Գրիգորյանին պետությունը կփոխհատուցի 6 մլն դրամ` հոգեկան տառապանք պատճառելու համար
19:09 14.11.2026 (Թարմացված է: 19:15 14.11.2026)
© Sputnik / Aram Nersesyan
Բաժանորդագրվել
Գրիգորյանի հայցադիմումը դատավոր Հովհաննես Ղազարյանը մասնակի է բավարարել։
ԵՐԵՎԱՆ, 14 նոյեմբերի – Sputnik. Ավելի քան վեց տարի քրեական հետապնդման ենթարկված, ապա արդարացված դատավոր Դավիթ Գրիգորյանին պետությունը կփոխհատուցի 6 մլն դրամ՝ հոգեկան տառապանք պատճառելու համար: Տեղեկությունը հայտնում է «Փաստինֆոն»։
Նշվում է, որ Դավիթ Գրիգորյանը հայցադիմում էր ներկայացրել Երևանի ընդհանուր իրավասության քաղաքացիական դատարան ընդդեմ ՀՀ-ի (ի դեմս ֆինանսների նախարարության)` պահանջելով բռնագանձել 8 մլն դրամ՝ որպես ազատ տեղաշարժվելու իրավունքի արգելքի առաջացած վնասի փոխհատուցում, ինչպես նաև 6 մլն դրամ՝ որպես հոգեկան տառապանքի արդյունքում առաջացած վնասի փոխհատուցում։
Այս հայցադիմումը դատավոր Հովհաննես Ղազարյանը մասնակի է բավարարել։
Հիշեցնենք` Գրիգորյանն այն դատավորն է, որը 2019թ մայիսի 18-ին ՀՀ 2–րդ նախագահ Ռոբերտ Քոչարյանի նկատմամբ որպես խափանման միջոց էր ընտրել անձնական երաշխավորությունը, իսկ մայիսի 20-ին որոշում կայացրել քրեական գործի վարույթը կասեցնելու և ՍԴ դիմելու մասին։ Դատավոր Գրիգորյանի որոշումներին հաջորդեց վարչապետ Նիկոլ Փաշինյանի կողմից դատարանների մուտքերն ու ելքերը շրջափակելը, դատավորի նկատմամբ սկսվեց քրեական հետապնդում պաշտոնեական լիազորությունները չարաշահելու հոդվածով։ Գործն անցավ դատական տարբեր ատյաններով, և ի վերջո Հակակոռուպցիոն դատարանը 2025թ․ հունվարի 22-ին արդարացման վճիռ կայացրեց` ճանաչելով Դավիթ Գրիգորյանի անմեղությունը։
Այս հայցադիմումը դատավոր Հովհաննես Ղազարյանը մասնակի է բավարարել։
Հիշեցնենք` Գրիգորյանն այն դատավորն է, որը 2019թ մայիսի 18-ին ՀՀ 2–րդ նախագահ Ռոբերտ Քոչարյանի նկատմամբ որպես խափանման միջոց էր ընտրել անձնական երաշխավորությունը, իսկ մայիսի 20-ին որոշում կայացրել քրեական գործի վարույթը կասեցնելու և ՍԴ դիմելու մասին։ Դատավոր Գրիգորյանի որոշումներին հաջորդեց վարչապետ Նիկոլ Փաշինյանի կողմից դատարանների մուտքերն ու ելքերը շրջափակելը, դատավորի նկատմամբ սկսվեց քրեական հետապնդում պաշտոնեական լիազորությունները չարաշահելու հոդվածով։ Գործն անցավ դատական տարբեր ատյաններով, և ի վերջո Հակակոռուպցիոն դատարանը 2025թ․ հունվարի 22-ին արդարացման վճիռ կայացրեց` ճանաչելով Դավիթ Գրիգորյանի անմեղությունը։
Հակակոռուպցիոն դատարանի վճիռը բողոքարկվել է թե Վերաքննիչ, թե՛ Վճռաբեկ դատարաններ և մնացել անփոփոխ, և, ըստ այդմ, արդարացման դատական ակտը մտել է օրինական ուժի մեջ։
