Հայտնի է՝ ինչ են քննարկել Փաշինյանն ու Ալիևը Դուբլինում
21:05 12.11.2026 (Թարմացված է: 21:51 12.11.2026)
Բաժանորդագրվել
Հայաստանի և Ադրբեջանի ղեկավարների հանդիպումը կայացել է Եվրոպական քաղաքական համայնքի 9-րդ գագաթնաժողովի շրջանակներում։
ԵՐԵՎԱՆ, 12 նոյեմբերի – Sputnik. Հայաստանի և Ադրբեջանի ղեկավարները կարևորել են անդրսահմանային գետերի կառավարման հարցերով աշխատանքային խմբերի ստեղծումը։ Տեղեկությունը հայտնում են ՀՀ վարչապետի աշխատակազմից։
ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը հանդիպել են Եվրոպական քաղաքական համայնքի 9-րդ գագաթնաժողովի շրջանակներում Դուբլինում։
Կողմերը մտքեր են փոխանակել Ադրբեջանի և Հայաստանի միջև խաղաղության օրակարգի առաջմղման շուրջ` Վաշինգտոնյան համատեղ հռչակագրի հիման վրա։
ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը հանդիպել են Եվրոպական քաղաքական համայնքի 9-րդ գագաթնաժողովի շրջանակներում Դուբլինում։
Կողմերը մտքեր են փոխանակել Ադրբեջանի և Հայաստանի միջև խաղաղության օրակարգի առաջմղման շուրջ` Վաշինգտոնյան համատեղ հռչակագրի հիման վրա։
«Քննարկումները կենտրոնացած էին 2 երկրի միջև խաղաղության հետագա ամրապնդմանն ուղղված գործնական քայլերի վրա, այդ թվում՝ տրանսպորտային և տարանցիկ կապերի զարգացման, տնտեսական ու առևտրային հարաբերությունների, սահմանների սահմանազատման, ինչպես նաև վստահության ամրապնդման միջոցառումների իրականացման շուրջ»,– ասված է հաղորդագրությունում։
Այս համատեքստում, Փաշինյանը և Ալիևը քննարկել են TRIPP նախագծի զարգացման ընթացքը, այդ թվում՝ դրա երկաթուղային և ավտոճանապարհային բաղադրիչների պլանավորումն ու նախագծումը, ինչպես նաև TRIPP-ի երթուղով տարանցիկ կապերի հեռանկարները։
Փաշինյանն ու Ալիևը Դուբլինում
© Photo : press office of the Government of RA
Որպես դրական զարգացում նշվել է Ադրբեջանի տարածքով դեպի Հայաստան և Հայաստանից ապրանքների տարանցումը։ Անցյալ տարվա նոյեմբերից ի վեր Ադրբեջանի տարածքով Հայաստան է տեղափոխվել, ընդհանուր առմամբ, 105 000 տոննա բեռ (2026 թվականին Հայաստանի Ադրբեջան արտահանվել է ալյումինե փայլաթիթեղ և ծաղիկներ` ընդհանուր շուրջ 96 460 դոլար արժողությամբ-խմբ.)։ Կողմերը նաև մտքեր են փոխանակել տնտեսական ու առևտրային հարաբերությունների հետագա զարգացման հնարավորությունների, այդ թվում՝ էլեկտրաէներգետիկ ցանցերի առաջիկա փոխկապակցման շուրջ։
Քննարկման հարցերից մեկն էլ անդրսահմանային գետերի կառավարմանն է առնչվել։ Ընդգծվել է շրջակա միջավայրի և անդրսահմանային ջրային ռեսուրսների ոլորտում համագործակցության կարևորությունը։
Ի դեպ, դեռ 2024 թվականին ՀՀ արտաքին գործերի նախարարությունը հայտարարել էր, որ Հայաստանի և Ադրբեջանի միջև անդրսահմանային գետերի ջրերի կառավարման ոլորտում պաշտոնական համագործակցություն առկա չէ` մեկնաբանելով Բաքվում ԱՄՆ դեսպան Մարկ Լիբբիի հայտարարությունները։
Ի դեպ, դեռ 2024 թվականին ՀՀ արտաքին գործերի նախարարությունը հայտարարել էր, որ Հայաստանի և Ադրբեջանի միջև անդրսահմանային գետերի ջրերի կառավարման ոլորտում պաշտոնական համագործակցություն առկա չէ` մեկնաբանելով Բաքվում ԱՄՆ դեսպան Մարկ Լիբբիի հայտարարությունները։
Վերջինը նշել էր, որ Հայաստանից և Ադրբեջանի ջրաբանների խումբ է աշխատում անդրսահմանային գետերի ջրային ռեսուրսների կառավարման համալիր սխեմայի ստեղծման ուղղությամբ։
Հավելենք, որ վերջին անգամ ՀՀ վարչապետը և Ադրբեջանի նախագահը հանդիպել էին օգոստոսի 31-ին, Բիշքեկում՝ Շանհայի համագործակցության կազմակերպության գագաթնաժողովի ՇՀԿ+ ձևաչափի շրջանակում։
