Երևանում սպանության մեջ մեղադրվողը Վրաստանից տեղափոխվել է Հայաստան և կալանավորվել. ՆԳՆ
© Photo : press office of the police of RA
Բաժանորդագրվել
ՀՀ ՆԳՆ ոստիկանության քրեական ոստիկանության գլխավոր վարչության ծառայողները 37-ամյա տղամարդուն այսօր Վրաստանից տեղափոխել են Հայաստան։
ԵՐԵՎԱՆ, 9 նոյեմբերի – Sputnik. Այս տարվա փետրվարին երևանում սպանության մեղադրանքով հետախուզվող 37–ամյա տղամարդը կալանավորվել է։ Տեղեկությունը հայտնում է ՀՀ ՆԳՆ ոստիկանությունը։
Ոստիկանությունից հայտնում են, որ սպանության մեղադրանքով հետախուզվող 37-ամյա տղամարդը հոկտեմբերի 8-ին Թբիլիսիում հայտնաբերվել և ձերբակալվել է Հայաստանի և Վրաստանի ՆԳՆ–ների` ամիսներ տևած համատեղ օպերատիվ-հետախուզական միջոցառումների արդյունքում։
ՀՀ ՆԳՆ ոստիկանության քրեական ոստիկանության գլխավոր վարչության ծառայողները նրան այսօր տեղափոխել են Հայաստան։
Տղամարդու նկատմամբ որպես խափանման միջոց է ընտրվել կալանքը։
Ոստիկանությունից նաև տեղեկացնում են, որ դեպքի առնչությամբ հետախուզվող մյուս անձանց ՆԳՆ ոստիկանության ծառայողները հայտնաբերել էին դեռևս հուլիսին։
Հիշեցնենք` փետրվարի 18–ին` ժամը 16:00-ի սահմաններում, կրակոցներ էին հնչել Երևանի Աբելյան փողոցում։ Իրավապահները դեպքի վայրում հայտնաբերել էին ատրճանակից ու ինքնաձիգից արձակված կրակոցի հետքեր, դանակ և արյան հետքեր։ «Արմենիա» ԲԿ տեղափոխված 7 վիրավորներից մեկը վիրահատության ժամանակ մահացել է, մյուս 6-ին վիրահատել են, որևէ մեկի կյանքին վտանգ չի սպառնում։
Դեպքով մեկ անձի նկատմամբ նախաձեռնվել է հանրային քրեական հետապնդում` սպանության, սպանության փորձի, խուլիգանության, հրազենի ապօրինի շրջանառության հոդվածներով։
Հոկտեմբերի 8–ին տղամարդը հայտնաբերվել էր Վրաստանում և ձերբակալվել։
ՀՀ ՆԳՆ ոստիկանության քրեական ոստիկանության գլխավոր վարչության ծառայողները նրան այսօր տեղափոխել են Հայաստան։
Տղամարդու նկատմամբ որպես խափանման միջոց է ընտրվել կալանքը։
Ոստիկանությունից նաև տեղեկացնում են, որ դեպքի առնչությամբ հետախուզվող մյուս անձանց ՆԳՆ ոստիկանության ծառայողները հայտնաբերել էին դեռևս հուլիսին։
Հիշեցնենք` փետրվարի 18–ին` ժամը 16:00-ի սահմաններում, կրակոցներ էին հնչել Երևանի Աբելյան փողոցում։ Իրավապահները դեպքի վայրում հայտնաբերել էին ատրճանակից ու ինքնաձիգից արձակված կրակոցի հետքեր, դանակ և արյան հետքեր։ «Արմենիա» ԲԿ տեղափոխված 7 վիրավորներից մեկը վիրահատության ժամանակ մահացել է, մյուս 6-ին վիրահատել են, որևէ մեկի կյանքին վտանգ չի սպառնում։
Դեպքով մեկ անձի նկատմամբ նախաձեռնվել է հանրային քրեական հետապնդում` սպանության, սպանության փորձի, խուլիգանության, հրազենի ապօրինի շրջանառության հոդվածներով։
Հոկտեմբերի 8–ին տղամարդը հայտնաբերվել էր Վրաստանում և ձերբակալվել։
