https://arm.sputniknews.ru/20261105/hajastany-nakhapatrastakan-voch-mi-qajl-chi-sksel-eatmic-durs-galu-hamar-pashinjan-108954858.html
Հայաստանը նախապատրաստական ոչ մի քայլ չի սկսել ԵԱՏՄ–ից դուրս գալու համար. Փաշինյան
Հայաստանը նախապատրաստական ոչ մի քայլ չի սկսել ԵԱՏՄ–ից դուրս գալու համար. Փաշինյան
Sputnik Արմենիա
Փաշինյանը ևս մեկ անգամ ընդգծեց, որ ՀՀ–ն չի պատրաստվում դուրս գալ ԵԱՏՄ–ից, թեև միության գործընկերները բարձրացնում են հանրաքվե անցկացնելու հարցը։ 05.11.2026, Sputnik Արմենիա
2026-11-05T12:49+0400
2026-11-05T12:49+0400
2026-11-05T14:22+0400
եվրասիական տնտեսական միություն (եատմ)
հայաստան և եատմ
նիկոլ փաշինյան
https://cdn.am.imgsputniknews.ru/img/07ea/0b/05/108955589_0:0:1280:721_1920x0_80_0_0_4e6e8f1c08f797b857166cd5f2a14cb4.jpg
ԵՐԵՎԱՆ, 5 նոյեմբերի – Sputnik․ Հայաստանը նախապատրաստական ոչ մի քայլ չի սկսել ԵԱՏՄ–ից դուրս գալու համար։ Այդ մասին ճեպազրույցի ժամանակ հայտարարաեց ՀՀ վարչապետ Նիկոլ Փաշինյանը։Լրագրողը նրան հիշեցրեց, որ Բրյուսելում Euronews-ին տված հարցազրույցի ժամանակ Փաշինյանն անդրադարձել է Եվրոպական միությանը և ԵԱՏՄ-ին` նշելով, որ ԵՄ անդամակցության համար դիմելը իրատեսական կարող է լինել 2027 կամ 2028 թվականին: Փաշինյանը միաժամանակ նշել է, որ լավ հասկանում է, որ միաժամանակ հնարավոր չէ լինել ԵՄ և ԵԱՏՄ կազմում, և որ ապագայում Հայաստանը պետք է ընտրություն կատարի:Լրագրողը հետաքրքրվեց՝ արդյոք սա նշանակում է, որ ՀՀ կառավարությունը գործնականում սկսել է ԵԱՏՄ–ից դուրս գալու քաղաքական նախապատրաստությունը և արդյոք կա գործընթացի հստակ ճանապարհային քարտեզ։ Փաշինյանը ևս մեկ անգամ ընդգծեց, որ ՀՀ–ն չի պատրաստվում դուրս գալ ԵԱՏՄ–ից, թեև միության գործընկերները բարձրացնում են «ԵԱՏՄ կամ ԵՄ» հանրաքվե անցկացնելու հարցը։«Ակնհայտ է, որ պրոցեսը տանում է դեպի դա, որ 2027 կամ 2028 թվականին պաշտոնապես դիմենք ԵՄ լիարժեք անդամ դառնալու գործընթաց սկսելու հարցով, մանավանդ մենք արդեն ունենք գործող օրենք»,– հայտարարեց Փաշինյանը։Հիշեցնենք՝ ՌԴ-ն հայտարարել է, որ Եվրամիությանն ինտեգրվելու ձգտումը Հայաստանի ինքնիշխան իրավունքն է, բայց Երևանը չի կարող և չպետք է իրականացնի այդ քաղաքականությունը ԵԱՏՄ երկրների հաշվին: Դրան հաջորդեցին դեպի Ռուսաստան հայկական արտադրանքի արտահանման սահմանափակումները։Մայիսի 9-ին ՌԴ նախագահ Վլադիմիր Պուտինն ասուլիսի ժամանակ ասաց՝ կարծում է, որ թե՛ ՀՀ քաղաքացիների, թե՛ Մոսկվայի՝ գլխավոր տնտեսական գործընկերոջ հանդեպ ճիշտ կլիներ, որ պաշտոնական Երևանը հնարավորինս արագ կողմնորոշվեր ԵՄ-ին անդամակցելու հարցում։ Նա նաև ընդգծեց՝ թեպետ դա Ռուսաստանի գործը չէ, բայց կարելի է հանրաքվե անցկացնել, ՀՀ քաղաքացիների կարծիքն իմանալ անդամակցության վերաբերյալ։ Ըստ նրա՝ դրա արդյունքներից կախված՝ Մոսկվան էլ հետևություններ կաներ, չբացառեց, որ կարող է փափուկ, քաղաքակիրթ բաժանում լինել։ Պուտինը նշեց, որ Ռուսաստանը կաջակցի Հայաստանի ցանկացած որոշմանը, որն օգուտ կբերի երկրին։Նիկոլ Փաշինյանը մայիսի 11-ին լրագրողներին ասաց, որ Հայաստանը մնում է ԵԱՏՄ լիարժեք անդամ, իսկ հանրաքվեն կանցկացվի այն ժամանակ, երբ օբյեկտիվ անհրաժեշտություն առաջանա:Դրանից հետո ՌԴ փոխվարչապետ Ալեքսեյ Օվերչուկը հայտարարեց, որ Հայաստանում ինչ-որ աշխատանք է տարվում ԵՄ չափանիշներին անցնելու ուղղությամբ, և եթե ՀՀ–ն սկսի փոփոխություններ մտցնել տեխնիկական կանոնակարգերում, դա արդեն որոշակի սպառնալիքներ կստեղծի ԵԱՏՄ-ի համար:Մայիսի 29-ին Աստանայում կայացած ԵԱՏՄ գագաթնաժողովում միավորման անդամ պետությունների ղեկավարները հանդես եկան համատեղ հայտարարությամբ, որում մասնավորապես ընդգծեցին Հայաստանի հետագա ինտեգրման հարցում հնարավորինս շուտ կողմնորոշվելու անհրաժեշտությունը: Գագաթնաժողովից հետո Պուտինը հայտարարեց, որ ԵԱՏՄ-ից դուրս գալը կարող է հանգեցնել ՀՆԱ-ի մոտ 14% կորստի:Վիճակագրական տվյալների համաձայն՝ Հայաստանը Եվրասիական տնտեսական միությունից դուրս գալու դեպքում կկորցնի ապրանքաշրջանառության գրեթե 40%-ը:
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Հայաստանը չի պատրաստվում դուրս գալ ԵԱՏՄ–ից, բայց 2027–28 թթ կարող է դիմել ԵՄ-ին անդամակցելու հարցով
Sputnik Արմենիա
Հայաստանը չի պատրաստվում դուրս գալ ԵԱՏՄ–ից, բայց 2027–28 թթ կարող է դիմել ԵՄ-ին անդամակցելու հարցով
2026-11-05T12:49+0400
true
PT1M02S
Sputnik Արմենիա
media@sputniknews.com
+74956456601
MIA „Rossiya Segodnya“
եվրասիական տնտեսական միություն (եատմ), հայաստան և եատմ, նիկոլ փաշինյան, видео
եվրասիական տնտեսական միություն (եատմ), հայաստան և եատմ, նիկոլ փաշինյան, видео
Հայաստանը նախապատրաստական ոչ մի քայլ չի սկսել ԵԱՏՄ–ից դուրս գալու համար. Փաշինյան
12:49 05.11.2026 (Թարմացված է: 14:22 05.11.2026) Փաշինյանը ևս մեկ անգամ ընդգծեց, որ ՀՀ–ն չի պատրաստվում դուրս գալ ԵԱՏՄ–ից, թեև միության գործընկերները բարձրացնում են հանրաքվե անցկացնելու հարցը։
ԵՐԵՎԱՆ, 5 նոյեմբերի – Sputnik․ Հայաստանը նախապատրաստական ոչ մի քայլ չի սկսել ԵԱՏՄ–ից դուրս գալու համար։ Այդ մասին ճեպազրույցի ժամանակ հայտարարաեց ՀՀ վարչապետ Նիկոլ Փաշինյանը։
Լրագրողը նրան հիշեցրեց, որ Բրյուսելում Euronews-ին տված հարցազրույցի ժամանակ Փաշինյանն անդրադարձել է Եվրոպական միությանը և ԵԱՏՄ-ին` նշելով, որ ԵՄ անդամակցության համար դիմելը իրատեսական կարող է լինել 2027 կամ 2028 թվականին: Փաշինյանը միաժամանակ նշել է, որ լավ հասկանում է, որ միաժամանակ հնարավոր չէ լինել ԵՄ և ԵԱՏՄ կազմում, և որ ապագայում Հայաստանը պետք է ընտրություն կատարի:
Լրագրողը հետաքրքրվեց՝ արդյոք սա նշանակում է, որ ՀՀ կառավարությունը գործնականում սկսել է ԵԱՏՄ–ից դուրս գալու քաղաքական նախապատրաստությունը և արդյոք կա գործընթացի հստակ ճանապարհային քարտեզ։
«Ոչ, չի նշանակում, որ նախապատրաստություն ենք սկսել։ Սկսել ենք նախապատրաստություն, ինչպես ժողովրդին ենք խոստացել, այլընտրանքի ձևավորման, որպեսզի ժողովուրդը որոշում կայացնելու հնարավորություն ունենա»,– ընդգծեց նա։
Փաշինյանը ևս մեկ անգամ ընդգծեց, որ ՀՀ–ն չի պատրաստվում դուրս գալ ԵԱՏՄ–ից, թեև միության գործընկերները բարձրացնում են «ԵԱՏՄ կամ ԵՄ» հանրաքվե անցկացնելու հարցը։
«Ակնհայտ է, որ պրոցեսը տանում է դեպի դա, որ 2027 կամ 2028 թվականին պաշտոնապես դիմենք ԵՄ լիարժեք անդամ դառնալու գործընթաց սկսելու հարցով, մանավանդ մենք արդեն ունենք գործող օրենք»,– հայտարարեց Փաշինյանը։
Հիշեցնենք՝ ՌԴ-ն հայտարարել է, որ Եվրամիությանն ինտեգրվելու ձգտումը Հայաստանի ինքնիշխան իրավունքն է, բայց Երևանը չի կարող և չպետք է իրականացնի այդ քաղաքականությունը ԵԱՏՄ երկրների հաշվին: Դրան հաջորդեցին դեպի Ռուսաստան հայկական արտադրանքի արտահանման սահմանափակումները։
Մայիսի 9-ին ՌԴ նախագահ Վլադիմիր Պուտինն ասուլիսի ժամանակ ասաց՝ կարծում է, որ թե՛ ՀՀ քաղաքացիների, թե՛ Մոսկվայի՝ գլխավոր տնտեսական գործընկերոջ հանդեպ ճիշտ կլիներ, որ պաշտոնական Երևանը հնարավորինս արագ կողմնորոշվեր ԵՄ-ին անդամակցելու հարցում։ Նա նաև ընդգծեց՝ թեպետ դա Ռուսաստանի գործը չէ, բայց կարելի է հանրաքվե անցկացնել, ՀՀ քաղաքացիների կարծիքն իմանալ անդամակցության վերաբերյալ։ Ըստ նրա՝ դրա արդյունքներից կախված՝ Մոսկվան էլ հետևություններ կաներ, չբացառեց, որ կարող է փափուկ, քաղաքակիրթ բաժանում լինել։ Պուտինը նշեց, որ Ռուսաստանը կաջակցի Հայաստանի ցանկացած որոշմանը, որն օգուտ կբերի երկրին։ Նիկոլ Փաշինյանը մայիսի 11-ին լրագրողներին ասաց, որ Հայաստանը մնում է ԵԱՏՄ լիարժեք անդամ, իսկ հանրաքվեն կանցկացվի այն ժամանակ, երբ օբյեկտիվ անհրաժեշտություն առաջանա: Դրանից հետո ՌԴ փոխվարչապետ Ալեքսեյ Օվերչուկը հայտարարեց, որ Հայաստանում ինչ-որ աշխատանք է տարվում ԵՄ չափանիշներին անցնելու ուղղությամբ, և եթե ՀՀ–ն սկսի փոփոխություններ մտցնել տեխնիկական կանոնակարգերում, դա արդեն որոշակի սպառնալիքներ կստեղծի ԵԱՏՄ-ի համար: Մայիսի 29-ին Աստանայում կայացած ԵԱՏՄ գագաթնաժողովում միավորման անդամ պետությունների ղեկավարները հանդես եկան համատեղ հայտարարությամբ, որում մասնավորապես ընդգծեցին Հայաստանի հետագա ինտեգրման հարցում հնարավորինս շուտ կողմնորոշվելու անհրաժեշտությունը: Գագաթնաժողովից հետո Պուտինը հայտարարեց, որ ԵԱՏՄ-ից դուրս գալը կարող է հանգեցնել ՀՆԱ-ի մոտ 14% կորստի: Վիճակագրական տվյալների համաձայն՝ Հայաստանը Եվրասիական տնտեսական միությունից դուրս գալու դեպքում կկորցնի ապրանքաշրջանառության գրեթե 40%-ը:
