https://arm.sputniknews.ru/20261028/yntanekan-brnutjan-dem-anna-hakvobjani-nakhagitsy-azhn-yndunec-1in-yntercmamb--108610056.html
Ընտանեկան բռնության դեմ Աննա Հակոբյանի նախագիծը ԱԺ–ն ընդունեց 1–ին ընթերցմամբ
Ընտանեկան բռնության դեմ Աննա Հակոբյանի նախագիծը ԱԺ–ն ընդունեց 1–ին ընթերցմամբ
Sputnik Արմենիա
Օրենքի փոփոխություններով նախատեսվում են մի շարք կարգավորումներ, մասնավորապես տուժողի քրեական պաշտպանություն ու բռնարարի պատասխանատվություն։ 28.10.2026, Sputnik Արմենիա
2026-10-28T13:20+0400
2026-10-28T13:20+0400
2026-10-28T13:57+0400
ընտանեկան բռնություն
աննա հակոբյան
զարուհի բաթոյան
https://cdn.am.imgsputniknews.ru/img/07e5/09/0d/28993402_0:0:1601:901_1920x0_80_0_0_7a22434164275c31b05b1cc14eb13587.jpg
ԵՐԵՎԱՆ, 28 հոկտեմբերի — Sputnik. ՀՀ վարչապետի կնոջ` Աննա Հակոբյանի նախաձեռնած ընտանեկան բռնության դեմ պայքարի մասին օրենսդրական փոփոխությունների փաթեթն Ազգային ժողովը 62 կողմ, 0 դեմ, 34 ձեռնպահ ձայներով ընդունեց 1–ին ընթերցմամբ։ Ընդդիմությունը ձեռնպահ է քվեարկել ու հայտարարել, որ վերջնական դիրքորոշումը կհայտնի երկրորդ ընթերցմամբ քննարկման ժամանակ՝ հաշվի առնելով, թե որքանով իրենց առաջարկները կընդունվեն։Օրենսդրական փոփոխությունների նախագիծը հեղինակել են «Քաղաքացիական պայմանագիր» խմբակցության մի խումբ կին պատգամավորներ, որոնցից Զարուհի Բաթոյանը ԱԺ–ում ներկայացրեց նախագծի մանրամասները։Օրենսդրական փոփոխություններով` առաջարկվում է ուժեղացնել տուժողի պաշտպանությունը, բացառել հաշտության պրոցեսը և բռնարարին պատասխանատվության ենթարկել, բացառել տուժողի կրկնակի հարցաքննությունը, արգելել բռնարարի տնային կալանքը, մանավանդ երբ նա տուժողի հետ միևնույնն տանն է ապրում` նոր տրավմայից խուսափելու համար։ Կապահովվի նաև բռնարարի ռեաբիլիտացիա։Նախագծով նախատեսվում է, որ ոստիկանը հենց ժամանի դեպքի վայր, իր կրծքին ամրացված կունենա տեսախցիկ, որպեսզի հետագա վարույթի համար անհրաժեշտ փաստեր, ապացույցներ հնարավոր լինի հավաքել։Նշենք, որ Աննա Հակոբյանն առաջարկել էր փոփոխություններ կատարել Քրեական օրենսգրքում և ընտանեկան բռնությունը որպես առանձին հանցագործություն ճանաչել։ Այս թեմայով նա ցանկանում էր հանդիպել ԱԺ ընդդիմադիր խմբակցությունների ղեկավարների և կին պատգամավորների հետ, սակայն նրանք մերժեցին։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ընտանեկան բռնություն, աննա հակոբյան, զարուհի բաթոյան
ընտանեկան բռնություն, աննա հակոբյան, զարուհի բաթոյան
Ընտանեկան բռնության դեմ Աննա Հակոբյանի նախագիծը ԱԺ–ն ընդունեց 1–ին ընթերցմամբ
13:20 28.10.2026 (Թարմացված է: 13:57 28.10.2026) Օրենքի փոփոխություններով նախատեսվում են մի շարք կարգավորումներ, մասնավորապես տուժողի քրեական պաշտպանություն ու բռնարարի պատասխանատվություն։
ԵՐԵՎԱՆ, 28 հոկտեմբերի — Sputnik. ՀՀ վարչապետի կնոջ` Աննա Հակոբյանի նախաձեռնած ընտանեկան բռնության դեմ պայքարի մասին
օրենսդրական փոփոխությունների փաթեթն Ազգային ժողովը 62 կողմ, 0 դեմ, 34 ձեռնպահ ձայներով ընդունեց 1–ին ընթերցմամբ։
Ընդդիմությունը ձեռնպահ է քվեարկել ու հայտարարել, որ վերջնական դիրքորոշումը կհայտնի երկրորդ ընթերցմամբ քննարկման ժամանակ՝ հաշվի առնելով, թե որքանով իրենց առաջարկները կընդունվեն։
Օրենսդրական փոփոխությունների նախագիծը հեղինակել են «Քաղաքացիական պայմանագիր» խմբակցության մի խումբ կին պատգամավորներ, որոնցից Զարուհի Բաթոյանը ԱԺ–ում ներկայացրեց նախագծի մանրամասները։
«Ընտանեկան և կենցաղային բռնության կանխարգելման ու ընտանեկան և կենցաղային բռնության ենթարկված անձանց պաշտպանության մասին» օրենքի փոփոխություններով նախատեսվում են մի շարք կարգավորումներ, մասնավորապես տուժողի քրեական պաշտպանություն ու բռնարարի պատասխանատվություն։
Օրենսդրական փոփոխություններով` առաջարկվում է ուժեղացնել տուժողի պաշտպանությունը, բացառել հաշտության պրոցեսը և բռնարարին պատասխանատվության ենթարկել, բացառել տուժողի կրկնակի հարցաքննությունը, արգելել բռնարարի տնային կալանքը, մանավանդ երբ նա տուժողի հետ միևնույնն տանն է ապրում` նոր տրավմայից խուսափելու համար։ Կապահովվի նաև բռնարարի ռեաբիլիտացիա։
Նախագծով նախատեսվում է, որ ոստիկանը հենց ժամանի դեպքի վայր, իր կրծքին ամրացված կունենա տեսախցիկ, որպեսզի հետագա վարույթի համար անհրաժեշտ փաստեր, ապացույցներ հնարավոր լինի հավաքել։
Նշենք, որ Աննա Հակոբյանն առաջարկել էր փոփոխություններ կատարել Քրեական օրենսգրքում և ընտանեկան բռնությունը որպես առանձին հանցագործություն ճանաչել։ Այս թեմայով նա ցանկանում էր հանդիպել ԱԺ ընդդիմադիր խմբակցությունների ղեկավարների և կին պատգամավորների հետ, սակայն նրանք մերժեցին։
