https://arm.sputniknews.ru/20260903/hh-karavarutjuny-havanutjun-tvec-anna-hakvobjani-nakhadzernats-arshavin-106420551.html

ՀՀ կառավարությունը հավանություն տվեց Աննա Հակոբյանի նախաձեռնած արշավին

ՀՀ կառավարությունը հավանություն տվեց Աննա Հակոբյանի նախաձեռնած արշավին

Sputnik Արմենիա

ՆԳ նախարարի խոսքով` օրենսդրական փոփոխությունները ենթադրում են մի շարք կարգավորումներ, մասնավորապես տուժողի քրեական պաշտպանություն ու բռնարարի... 03.09.2026, Sputnik Արմենիա

2026-09-03T12:38+0400

2026-09-03T12:38+0400

2026-09-03T12:51+0400

հայաստան

աննա հակոբյան

հհ կառավարություն

https://cdn.am.sputniknews.ru/img/07e9/02/0b/85674981_0:48:1089:662_1920x0_80_0_0_6af75f290c993dfdc7bea0fecca62a02.jpg

ԵՐԵՎԱՆ, 3 սեպտեմբերի – Sputnik. ՀՀ ներքին գործերի նախարարությունը միացել է ՀՀ վարչապետի կնոջ` Աննա Հակոբյանի նախաձեռնած ընտանեկան բռնության դեմ պայքարի արշավին և կառավարությանը ներկայացրել ՔՊ–ի մի շարք կին պատգամավորների նախաձեռնած օրենսդրական փոփոխությունների նախագիծը, որն այսօր հավանության արժանացավ գործադիր մարմնի նիստի ժամանակ։ՀՀ ներքին գործերի նախարար Արփինե Սարգսյանն ասաց, որ Աննա Հակոբյանի սկսած լայնամասշտաբ արշավը նպատակ ունի արգելելու բռնությունը ընտանիքում, ընթացիկ դեպքերի համար քննություն իրականացնել, ընտանեկան բռնության նկատմամբ անհանդուրժողականություն ձևավորել հասարակության մեջ։Նախարարի խոսքով` օրենսդրական փոփոխությունները ենթադրում են մի շարք կարգավորումներ, մասնավորապես տուժողի քրեական պաշտպանություն ու բռնարարի պատասխանատվություն։Նախարարը տեղեկացրեց նաև, որ ոստիկանը հենց ժամանի դեպքի վայր, իր կրծքին ամրացված կունենա տեսախցիկ, որպեսզի հետագա վարույթի համար անհրաժեշտ փաստեր, ապացույցներ հնարավոր լինի հավաքել։Նշենք, որ Աննա Հակոբյանն առաջարկել էր փոփոխություններ կատարել Քրեական օրենսգրքում և ընտանեկան բռնությունը որպես առանձին հանցագործություն ճանաչել։ Այս թեմայով նա ցանկանում էր հանդիպել ԱԺ ընդդիմադիր խմբակցությունների ղեկավարների և կին պատգամավորների հետ, սակայն նրանք մերժեցին։

2026

Լուրեր

am_HY

հայաստան, աննա հակոբյան, հհ կառավարություն