ԱՄՆ–ն ու Իսրայելը համաձայնեցրել են Իրանի ուղղությամբ հարվածները վերսկսելու ծրագիրը. ԶԼՄ
© Sputnik / Stringer
Բաժանորդագրվել
Տարածաշրջանային միջնորդները փորձում են կանխել Իրանի դեմ նոր հարվածները:
ԵՐԵՎԱՆ, 28 հոկտեմբերի – Sputnik. ԱՄՆ-ն և Իսրայելը համաձայնեցրել են Իրանի ուղղությամբ հարվածները վերսկսելու ծրագիրը, որը կսկսվի նոյեմբերին Ամերիկայի միջանկյալ ընտրություններից անմիջապես հետո, եթե դիվանագիտական բանակցությունները ձախողվեն։ Այս մասին գրում է «Axios»–ը` հղում անելով իր աղբյուրներին։
«The New York Times»-ը հոկտեմբերի 22-ին հայտնել էր, որ Միացյալ Նահանգներն ու Իսրայելը մանրամասն ծրագիր են մշակել ԱՄՆ-ում նոյեմբերի 3-ին կայանալիք միջանկյալ ընտրություններից հետո Իրանի դեմ ռազմական հարվածները վերսկսելու համար: Ավելի ուշ CNN–ը հայտնեց` ԱՄՆ վարչակազմը Իսրայելին հայտնել է, որ ամերիկացի զինվորականները դեռ պատրաստ չեն Իրանի ուղղությամբ հարվածների վերսկսմանը, նրանց ավելի շատ ժամանակ է հարկավոր նախապատրաստվելու համար:
Ըստ «Axios»–ի՝ Իրանի միջուկային և էներգետիկ օբյեկտների, ինչպես նաև բարձրագույն ղեկավարության դեմ զանգվածային հարվածների մեկշաբաթյա արշավ է պատրաստվում:
«Միաժամանակ տարածաշրջանային միջնորդները` Կատարի գլխավորությամբ, ինչպես նաև Սաուդյան Արաբիան, Թուրքիան, Պակիստանը և Եգիպտոսը փորձում են կանխել Իրանի դեմ նոր հարվածները»,– գրում է լրատվամիջոցը:
Ըստ «Axios»–ի՝ Իրանի միջուկային և էներգետիկ օբյեկտների, ինչպես նաև բարձրագույն ղեկավարության դեմ զանգվածային հարվածների մեկշաբաթյա արշավ է պատրաստվում:
«Միաժամանակ տարածաշրջանային միջնորդները` Կատարի գլխավորությամբ, ինչպես նաև Սաուդյան Արաբիան, Թուրքիան, Պակիստանը և Եգիպտոսը փորձում են կանխել Իրանի դեմ նոր հարվածները»,– գրում է լրատվամիջոցը:
Հիշեցնենք` Թեհրանն ու Վաշինգտոնը հունիսի 18-ի գիշերը հուշագիր ստորագրեցին, որը փետրվարի 28-ին սկսված հակամարտության ավարտ էր ենթադրում, սակայն ԱՄՆ զինվորականները հուլիսի 8-ի լույս 9-ի գիշերը հզոր հարվածների շարք սկսեցին Իրանի ուղղությամբ։ ԱՄՆ ԶՈւ կենտրոնական հրամանատարությունը հայտարարեց, թե դա իբր արվել է ի պատասխան Հորմուզի նեղուցով անցնող առևտրային նավերի դեմ Իրանի գործողությունների։
Հուլիսի 8-ին Անկարայում ՆԱՏՕ-ի գագաթնաժողովի ժամանակ ԱՄՆ նախագահ Դոնալդ Թրամփը հայտարարեց, որ Իրանի հետ հրադադարն ավարտվել է: Հուլիսի 12-ի գիշերը ամերիկյան ուժերը հարձակվեցին Իրանում, Պարսից ծոցի ափերի երկայնքով և Հորմուզի նեղուցում գտնվող շուրջ 140 թիրախների վրա։ Իրանի Մեջլիսի խոսնակ Բաղեր Ղալիբաֆն իր հերթին հայտարարեց, որ միակողմանի գործարքների դարաշրջանն ավարտվել է, և զգուշացրեց` եթե ԱՄՆ–ն չպահպանի հրադադարի համաձայնագրի պայմանները, պատասխանը չի ուշանա։ Իրանցի զինվորականները սկսեցին հարվածներ հասցնել Մերձավոր Արևելքի մի շարք երկրներում գտնվող ամերիկյան ռազմակայաններին։ Հակամարտությունը մինչ այս պահը չի կարգավորվել։
