https://arm.sputniknews.ru/20261026/ajapnjak-kajarani-karucman-hamar-anhrazhesht-taratsqnery-geraka-shah-en-tshanachvelu-avinjan-108538709.html
«Աջափնյակ» կայարանի կառուցման համար անհրաժեշտ տարածքները գերակա շահ են ճանաչվելու. Ավինյան
«Աջափնյակ» կայարանի կառուցման համար անհրաժեշտ տարածքները գերակա շահ են ճանաչվելու. Ավինյան
Sputnik Արմենիա
Երևանի քաղաքաետի խոսքով` տարածքները հանրային գերակա շահ ճանաչելու որոշումը կընդունվի մեկ ամսվա ընթացքում։ 26.10.2026, Sputnik Արմենիա
2026-10-26T10:43+0400
2026-10-26T10:43+0400
2026-10-26T10:47+0400
տիգրան ավինյան
երևանի քաղաքապետարան
մետրո
աջափնյակ
հանրային գերակա շահ
https://cdn.am.imgsputniknews.ru/img/07ea/04/06/100679988_0:0:1100:619_1920x0_80_0_0_bf2b3db277477605328cfeed2bbef9a5.jpg
ԵՐԵՎԱՆ, 26 հոկտեմբերի – Sputnik. Մետրոյի «Աջափնյակ» կայարանի կառուցման համար անհրաժեշտ տարածքները գերակա շահ են ճանաչվելու։ Այս մասին Երևանի քաղաքապետարանի գործակարգավարական նիստում հայտարարեց քաղաքապետ Տիգրան Ավինյանը` ընդգծելով, որ գերակա շահ ճանաչելու համար լսումներն անցկացվել են հաջողությամբ։Ավինյանի խոսքով` տարածքները գերակա շահ ճանաչելու որոշումը կընդունվի մեկ ամսվա ընթացքում։«Մենք հաջորդ տարի պետք է սկսենք շինարարությունը։ Սա պետք է իրականացնի հայկական ընկերություն»,- շեշտեց նա։Ավինյանի խոսքով` հայկական ընկերությունն ունենալու է հայ մասնագետներ, որոնք խորանալու են այդ պրոցեսների մեջ։Հիշեցնենք, որ 2022 թվականի մարտի սկզբին Հայաստանի կառավարությունը 1,1 մլրդ դրամ է հատկացրել մետրոյի «Աջափնյակ» կայարանի կառուցման նախագծային աշխատանքների համար։ Այս կայարանը դեռևս խորհրդային տարիներին մասամբ կառուցվել է. մետրոյի «Բարեկամություն» կայարանից թունել է կառուցվել դեպի Հրազդանի կիրճ։ Կայարանի շուրջ կառուցվել են նաև քաղաքացիական պաշտպանության օբյեկտներ, որոնք նույնպես պետք է ավարտին հասցվեն։Դեռ 2023 թվականին Երևանի քաղաքապետ Տիգրան Ավինյանը հայտարարել էր, որ «Աջափնյակ» կայարանի նախագիծը լիովին պատրաստ է։ Նա վստահեցնում էր, որ կառուցումը կտևի չորս տարի և մոտ 20%-ով կավելացնի մետրոյով ուղևորափոխադրումները։2026 թվականի սեպտեմբերին Փաշինյանը հայտարարեց, որ ծրագրերում կա առնվազն 4 նոր մետրոյի կայարան կառուցելու տեսլական։ Նա հայտնեց, թե մետրոյի ճյուղը «Աջափնյակ» կայարանով պետք է գնա դեպի Ակադեմիական քաղաք, միանա «Չարբախ» կայարանին, և արդյունքում ունենանք շրջանաձև երթևեկության հնարավորություն։Հավելենք` նախատեսվում է կայարանը կառուցել ձորին մոտ՝ Հալաբյան-Աբելյան փողոցների խաչմերուկում, «Թումո» ստեղծարար տեխնոլոգիաների կենտրոնի մոտ։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
տիգրան ավինյան, երևանի քաղաքապետարան, մետրո, աջափնյակ, հանրային գերակա շահ
տիգրան ավինյան, երևանի քաղաքապետարան, մետրո, աջափնյակ, հանրային գերակա շահ
«Աջափնյակ» կայարանի կառուցման համար անհրաժեշտ տարածքները գերակա շահ են ճանաչվելու. Ավինյան
10:43 26.10.2026 (Թարմացված է: 10:47 26.10.2026) Երևանի քաղաքաետի խոսքով` տարածքները հանրային գերակա շահ ճանաչելու որոշումը կընդունվի մեկ ամսվա ընթացքում։
ԵՐԵՎԱՆ, 26 հոկտեմբերի – Sputnik. Մետրոյի «Աջափնյակ» կայարանի կառուցման համար անհրաժեշտ տարածքները գերակա շահ են ճանաչվելու։ Այս մասին Երևանի քաղաքապետարանի գործակարգավարական նիստում հայտարարեց քաղաքապետ Տիգրան Ավինյանը` ընդգծելով, որ գերակա շահ ճանաչելու համար լսումներն անցկացվել են հաջողությամբ։
«Գերակա շահ են ճանաչվելու այն տարածքները, որոնք պետք են Աջափնյակի կայարանի կառուցման համար»,- ասաց նա։
Ավինյանի խոսքով` տարածքները գերակա շահ ճանաչելու որոշումը կընդունվի մեկ ամսվա ընթացքում։
«Մենք հաջորդ տարի պետք է սկսենք շինարարությունը։ Սա պետք է իրականացնի հայկական ընկերություն»,- շեշտեց նա։
Ավինյանի խոսքով` հայկական ընկերությունն ունենալու է հայ մասնագետներ, որոնք խորանալու են այդ պրոցեսների մեջ։
Հիշեցնենք, որ 2022 թվականի մարտի սկզբին Հայաստանի կառավարությունը 1,1 մլրդ դրամ է հատկացրել մետրոյի «Աջափնյակ» կայարանի կառուցման նախագծային աշխատանքների համար։ Այս կայարանը դեռևս խորհրդային տարիներին մասամբ կառուցվել է. մետրոյի «Բարեկամություն» կայարանից թունել է կառուցվել դեպի Հրազդանի կիրճ։ Կայարանի շուրջ կառուցվել են նաև քաղաքացիական պաշտպանության օբյեկտներ, որոնք նույնպես պետք է ավարտին հասցվեն։
Դեռ 2023 թվականին Երևանի քաղաքապետ Տիգրան Ավինյանը հայտարարել էր, որ «Աջափնյակ» կայարանի նախագիծը լիովին պատրաստ է։ Նա վստահեցնում էր, որ կառուցումը կտևի չորս տարի և մոտ 20%-ով կավելացնի մետրոյով ուղևորափոխադրումները։ 2026 թվականի սեպտեմբերին Փաշինյանը հայտարարեց, որ ծրագրերում կա առնվազն 4 նոր մետրոյի կայարան կառուցելու տեսլական։ Նա հայտնեց, թե մետրոյի ճյուղը «Աջափնյակ» կայարանով պետք է գնա դեպի Ակադեմիական քաղաք, միանա «Չարբախ» կայարանին, և արդյունքում ունենանք շրջանաձև երթևեկության հնարավորություն։
Հավելենք` նախատեսվում է կայարանը կառուցել ձորին մոտ՝ Հալաբյան-Աբելյան փողոցների խաչմերուկում, «Թումո» ստեղծարար տեխնոլոգիաների կենտրոնի մոտ։
