https://arm.sputniknews.ru/20261022/inchu-cmah-chen-uzel-pashtpany-katvoghikvosi-eghbvor-ev-eghbvorvordu-hamar-pahanjats-patzhi-masin-108432062.html
Ինչո՞ւ ցմահ չեն ուզել․ պաշտպանը՝ կաթողիկոսի եղբոր և եղբորորդու համար պահանջած պատժի մասին
Ինչո՞ւ ցմահ չեն ուզել․ պաշտպանը՝ կաթողիկոսի եղբոր և եղբորորդու համար պահանջած պատժի մասին
Sputnik Արմենիա
Դատական նիստը հետաձգվեց շուրջ 20 օրով, այն կշարունակվի նոյեմբերի 12-ին։ 22.10.2026, Sputnik Արմենիա
2026-10-22T16:06+0400
2026-10-22T16:06+0400
2026-10-22T16:07+0400
ամենայն հայոց կաթողիկոս գարեգին բ
եղբայր
որդի
դատ
https://cdn.am.imgsputniknews.ru/img/07ea/02/19/99212194_0:78:1500:922_1920x0_80_0_0_97058e23287c81199731d98d6fa249f6.jpg
ԵՐԵՎԱՆ, 22 հոկտեմբերի – Sputnik․ Պաշտպանական կողմն առաջարկում է Ամենայն հայոց կաթողիկոսի եղբոր՝ Գևորգ Ներսիսյանի և նրա որդու՝ Համբարձում Ներսիսյանի նկատմամբ պայմանական ազատազրկում կիրառել։Նշենք, որ նրանց մեղադրում են խուլիգանության և քարոզչությունը խոչընդոտելու մեջ, ինչի համար դատախազը 3-7 տարի ազատազրկում պահանջում Ներսիսյանների համար։Այսօր լրացուցիչ դատալսման ժամանակ փաստաբան Սմբատ Մինասյանը մի շարք մեղմացուցիչ հանգամանքներ նշեց, մասնավորապես՝ Գևորգ Ներսիսյանի առողջական վիճակը, ինչպես նաև Համբարձում Ներսիսյանի՝ 3 անչափահաս երեխա ունենալը։Պաշտպանի համար անհասկանալի է, թե ինչու՞ է դատախազը 3-7 տարի ազատազրկում պահանջում Ներսիսյանների համար։ Կատակեց՝ իսկ ինչո՞ւ, օրինակ, ցմահ ազատազրկում չի ուզել։Կողմերի դիրքորոշումները լսելուց հետո և հաշվի առնելով այն հանգամանքը, որ դատավճիռ կայացնելու համար անհրաժեշտ է ուսումնասիրել փաստական տվյալները, դատավոր Գևորգ Մանուկյանը որոշեց հետաձգել դատական նիստը։Այն կշարունակվի նոյեմբերի 12-ին՝ 15։00-ին։Հիշեցնենք, որ նախորդ դատական նիստի ժամանակ Արմավիրի մարզի դատախազ Նարեկ Բարեկյանն Ամենայն հայոց կաթողիկոսի եղբայր Գևորգ Ներսիսյանի համար պահանջեց 3 տարի 6 ամիս ժամկետով ազատազրկում (նշանակված պատժի ժամկետին հաշվանցելով սույն վարույթով Ներսիսյանի՝ փաստացի անազատության մեջ գտնվելու ամբողջ ժամանակահատվածը), եղբորորդու՝ Համբարձում Ներսիսյանի համար՝ 7 տարի 6 ամիս ժամկետով՝ տվյալ քրեական գործով հնարավոր պատժաչափին ավելացնելով ավելի վաղ այլ գործով նրա նկատմամբ պայմանականորեն չկիրառված պատիժը։Հիշեցնենք նաև` Ամենայն հայոց կաթողիկոսի եղբայրը` Գևորգ Ներսիսյանն ու նրա որդին` Համբարձում Ներսիսյանը, ձերբակալվեցին2025 թվականի նոյեմբերի 2-ին: Նրանց մեղադրում են խուլիգանության և քարոզչությունը խոչընդոտելու մեջ։ Կաթողիկոսի եղբայրն ու եղբորորդին կալանավորվեցին նոյեմբերի 3-ին։ Նոյեմբերի 29-ին նրանց կալանքը երկարաձգվեց 3 ամսով։ 2026 թվականի փետրվարի 17-ին դատարանը բավարարեց կալանքն այլընտրանքային խափանման միջոցներով փոխարինելու միջնորդությունը և կիրառեց տնային կալանք (3 ամիս ժամկետով), գրավ (1 միլիոն դրամի չափով) և բացակայելու արգելք։Մայիսի 7–ին նրանք ազատվեցին տնային կալանքից, դատարանը որոշեց կիրառել վարչական հսկողություն։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ամենայն հայոց կաթողիկոս գարեգին բ, եղբայր, որդի, դատ
ամենայն հայոց կաթողիկոս գարեգին բ, եղբայր, որդի, դատ
Ինչո՞ւ ցմահ չեն ուզել․ պաշտպանը՝ կաթողիկոսի եղբոր և եղբորորդու համար պահանջած պատժի մասին
16:06 22.10.2026 (Թարմացված է: 16:07 22.10.2026) Դատական նիստը հետաձգվեց շուրջ 20 օրով, այն կշարունակվի նոյեմբերի 12-ին։
ԵՐԵՎԱՆ, 22 հոկտեմբերի – Sputnik․ Պաշտպանական կողմն առաջարկում է Ամենայն հայոց կաթողիկոսի եղբոր՝ Գևորգ Ներսիսյանի և նրա որդու՝ Համբարձում Ներսիսյանի նկատմամբ պայմանական ազատազրկում կիրառել։
Նշենք, որ նրանց մեղադրում են խուլիգանության և քարոզչությունը խոչընդոտելու մեջ, ինչի համար դատախազը 3-7 տարի ազատազրկում պահանջում Ներսիսյանների համար։
Այսօր լրացուցիչ դատալսման ժամանակ փաստաբան Սմբատ Մինասյանը մի շարք մեղմացուցիչ հանգամանքներ նշեց, մասնավորապես՝ Գևորգ Ներսիսյանի առողջական վիճակը, ինչպես նաև Համբարձում Ներսիսյանի՝ 3 անչափահաս երեխա ունենալը։
«Պատժի, ըստ էության, կրման դեպքում ընտանիքը կհայտնվի սոցիալական ծանր վիճակում»,- նշեց փաստաբանը։
Պաշտպանի համար անհասկանալի է, թե ինչու՞ է դատախազը 3-7 տարի ազատազրկում պահանջում Ներսիսյանների համար։ Կատակեց՝ իսկ ինչո՞ւ, օրինակ, ցմահ ազատազրկում չի ուզել։
Կողմերի դիրքորոշումները լսելուց հետո և հաշվի առնելով այն հանգամանքը, որ դատավճիռ կայացնելու համար անհրաժեշտ է ուսումնասիրել փաստական տվյալները, դատավոր Գևորգ Մանուկյանը որոշեց հետաձգել դատական նիստը։
Այն կշարունակվի նոյեմբերի 12-ին՝ 15։00-ին։
Հիշեցնենք, որ նախորդ դատական նիստի ժամանակ Արմավիրի մարզի դատախազ Նարեկ Բարեկյանն Ամենայն հայոց կաթողիկոսի եղբայր Գևորգ Ներսիսյանի համար պահանջեց 3 տարի 6 ամիս ժամկետով ազատազրկում (նշանակված պատժի ժամկետին հաշվանցելով սույն վարույթով Ներսիսյանի՝ փաստացի անազատության մեջ գտնվելու ամբողջ ժամանակահատվածը), եղբորորդու՝ Համբարձում Ներսիսյանի համար՝ 7 տարի 6 ամիս ժամկետով՝ տվյալ քրեական գործով հնարավոր պատժաչափին ավելացնելով ավելի վաղ այլ գործով նրա նկատմամբ պայմանականորեն չկիրառված պատիժը։
Հիշեցնենք նաև` Ամենայն հայոց կաթողիկոսի եղբայրը` Գևորգ Ներսիսյանն ու նրա որդին` Համբարձում Ներսիսյանը,
ձերբակալվեցին2025 թվականի նոյեմբերի 2-ին: Նրանց մեղադրում են խուլիգանության և քարոզչությունը խոչընդոտելու մեջ։ Կաթողիկոսի եղբայրն ու եղբորորդին
կալանավորվեցին նոյեմբերի 3-ին։ Նոյեմբերի 29-ին նրանց
կալանքը երկարաձգվեց 3 ամսով։ 2026 թվականի փետրվարի 17-ին դատարանը
բավարարեց կալանքն այլընտրանքային խափանման միջոցներով փոխարինելու միջնորդությունը և կիրառեց տնային կալանք (3 ամիս ժամկետով), գրավ (1 միլիոն դրամի չափով) և բացակայելու արգելք։
Մայիսի 7–ին նրանք
ազատվեցին տնային կալանքից, դատարանը որոշեց կիրառել վարչական հսկողություն։
