«Արա, համբալ», «այ, լակոտ». Շիրանարների փողոցում կրկին իրավիճակը լարվեց
11:30 13.10.2026 (Թարմացված է: 12:33 13.10.2026)
© Sputnik
Բաժանորդագրվել
Վարձակալները խնդրում են իրենց ժամանակ տալ՝ տեղափոխվելու համար, իսկ կրպակատերերը վստահեցնում են՝ իրենց գույքն օրինական է:
ԵՐԵՎԱՆ, 13 հոկտեմբերի — Sputnik. Երևանի Աջափնյակ վարչական շրջանի Շինարարների փողոցում կրպակների ապամոնտաժման ընթացքում վիճակը մի քանի անգամ լարվեց, նաև միմյանց հասցեին վիրավորանքներ հնչեցին: Հիմնականում վիճաբանություն էր սկսվում կրպակատերերին ու վարձակալներին աջակցելու համար եկած «Հայաստան» խմբակցության պատգամավոր Մեսրոպ Մանուկյանի և աշխատանքներին հետևող Աջափնյակ վարչական շրջանի ղեկավար Սերոբ Սարգսյանի միջև:
Երևանի Շիրանարների փողոցում քանդում են կրպակները
© Sputnik
Նշենք, որ արդեն մի քանի օր է տվյալ տարածքում կրպակատերերն ու վարձակալները պայքարում են, որպեսզի իրենց խանութները չքանդեն: Վարձակալները խնդրում են իրենց ժամանակ տալ՝ տեղափոխվելու համար, իսկ կրպակատերերը վստահեցնում են՝ իրենց գույքն օրինական է: Երկու խանութի սեփականատեր արդեն դիմել են դատարան, որտեղ որոշում է կայացվել, որ հենց այդ տարածքների քանդումն ապօրինի է:
Երևանի Շիրանարների փողոցում քանդում են կրպակները
Աջափնյակի թաղապետն ընդդիմադիր պատգամավորին մեղադրեց այն բանում, թե նա եկել է, որովհետև իր աներորդու բենզալցակայանն են քանդում: Մանուկյանը վստահեցրեց՝ ինքը այսօր պայքարող տնտեսվարողների կողքին կանգնելու համար է այնտեղ: Նա նաև ի պատասխան բղավեց՝ աներոջ բենզալցակայանն օրինական է, սեփականության վկայական ունեն և թաղապետի արածն էժան մանիպուլյացիա է։ Նրանք սկսեցին իրար վիրավորել։ Մանուկյանը իրավիճակի հանդարտվելուց հետո ցույց տվեց բենզալցակայանի սեփականության վկայականը, բայց Սարգսյանը վստահեցրեց՝ դա էլ է քանդվելու:
Երևանի Շիրանարների փողոցում քանդում են կրպակները
© Sputnik
Լեզվակռիվ եղավ նաև թաղապետի և կրպակատերերից մեկի՝ Դավիթ Նահապետյանի միջև:
«Քո տարածքի 6 մետրը չափագրման արդյունքում ապօրինի է ճանաչվել: Մնացածը չենք քանդում, բայց 6 մետրը քանդելու ենք»,- ասաց Սարգսյանը:
«Քո տարածքի 6 մետրը չափագրման արդյունքում ապօրինի է ճանաչվել: Մնացածը չենք քանդում, բայց 6 մետրը քանդելու ենք»,- ասաց Սարգսյանը:
Ապամոնտաժման տարածք եկել էր նաև Աջափնյակ վարչական շրջանի քաղաքաշինության և հողօգտագործման բաժնի պետ Ումուշատյանը։ Նա նշեց, որ ուսումնասիրություն են կատարել և զեկուցագիր պատրաստել, որ Շինարարների փողոցում 15 կառույցի գեոդեզիական աշխատանքներ չեն համապատասխանում սեփականության վկայագրերին:
Ապամոնտաժման տարածք եկել էր նաև Աջափնյակ վարչական շրջանի քաղաքաշինության և հողօգտագործման բաժնի պետ Ումուշատյանը
© Sputnik
«Պարզվել է, որ թվով 15 շինություն և՛ տեղադիրքով, և՛ մակերեսով չեն համապատասխանում այն սեփականության վկայականներին: Աշխատանքներն իրականացվել են մոտ 1 ամիս առաջ»,- ասաց վարչության պետը՝ ներկայացնելով փաստաթղթերը Մեսրոպ Մանուկյանին:
Պատգամավորն էլ նշեց՝ կեղծ թեզ է այն, որ կանաչապատ տարածք պետք է արվի այդ հատվածում: Պնդեց՝ խնդիր է դրված առանց սպասելու քանդել տարածքները՝ մարդկանց վատություն անելով, քանի որ մի մասը չի քանդվելու ու այդպես փոշոտ մնալու է տարածքը:
Երևանի Շինարարների փողոցի կրպակներն ապամոնտաժում են. կրպակատերերը շարունակում են բողոքել
Երևանի Շինարարների փողոցի կրպակներն ապամոնտաժում են. կրպակատերերը շարունակում են բողոքել
