Կառավարությունը 600 միլիոն դրամ կտրամադրի «Հրազդան» մարզադաշտի վերակառուցման համար
© Photo : official site of the FFA
Բաժանորդագրվել
Վերակառուցման աշխատանքները կիրականացնի այն նույն ընկերությունը, որը ներկայում կառուցում է Արթուր Աբրահամի անվան մարզական համալիրը։
ԵՐԵՎԱՆ, 24 սեպտեմբերի – Sputnik․«Հրազդան» մարզադաշտի վերակառուցման համար 600 միլիոն դրամ կտրամադրվի։ Համապատասխան որոշումն ընդունվել է կառավարության այսօրվա նիստում։
Ըստ որոշման հիմնավորման՝ 2027թ․-ին Հայաստանում Ֆրանկոֆոնիայի խաղերի անցկացման շրջանակներում «Հրազդան» մարզադաշտում պետք է ապահովվեն անհրաժեշտ ենթակառուցվածքները։
ՀՀ քաղաքաշինության կոմիտեի պատվիրակությունը կատարել է մարզադաշտի տեխնիկական վիճակի զննություն, և արդյունքում պարզվել է, որ մարզադաշտում կարող է նստել 21566 մարդ։
Նախատեսվում է մարզադաշտում ապահովել միջազգային չափանիշներին համապատասխան թեթև ատլետիկայի և պարաատլետիկայի մրցաձևեր անցկացնելու համար վազքուղի, անհրաժեշտ ենթակառուցվածքներ: Կիրականացվի նաև մարզումային մարզադաշտի աթլետիկական վազքուղու վերակառուցում, հանդերձարանների և սանհանգույցների վերանորոգում և բակային և սպասարկող տարածքների բարեկարգում։
Նշենք, որ Ֆրանկոֆոնիայի խաղերն անցկացվելու են 2027 թվականի հուլիսի 23-ից օգոստոսի 1-ը։ Հավելենք, որ «Հրազդան» մարզադաշտում իրականացվելիք աշխատանքների կապալառու ընտրվել է «Ջի ԹԻ ԷՍ Քնսթրաքշն» ՍՊԸ-ն (ներկայում Արթուր Աբրահամի անվան մարզական համալիրի կառուցման աշխատանքներն իրականացնող կազմակերպությունն է): Ըստ բաց աղբյուրների՝ շինարարական ընկերության սեփականատերը փաստաբան, գործարար և նախկին քաղաքական գործիչ Տավրոս Գևորգյանն է, որը 2017թ․ խորհրդարանական ընտրություններում ՀՀԿ ցուցակով առաջադրված էր որպես ռեյտինգային թեկնածու։
Նշենք, որ Ֆրանկոֆոնիայի խաղերն անցկացվելու են 2027 թվականի հուլիսի 23-ից օգոստոսի 1-ը։ Հավելենք, որ «Հրազդան» մարզադաշտում իրականացվելիք աշխատանքների կապալառու ընտրվել է «Ջի ԹԻ ԷՍ Քնսթրաքշն» ՍՊԸ-ն (ներկայում Արթուր Աբրահամի անվան մարզական համալիրի կառուցման աշխատանքներն իրականացնող կազմակերպությունն է): Ըստ բաց աղբյուրների՝ շինարարական ընկերության սեփականատերը փաստաբան, գործարար և նախկին քաղաքական գործիչ Տավրոս Գևորգյանն է, որը 2017թ․ խորհրդարանական ընտրություններում ՀՀԿ ցուցակով առաջադրված էր որպես ռեյտինգային թեկնածու։
