https://arm.sputniknews.ru/20260709/frankvofvoniaji-khagheri-nakhapatrastman-hamar-hrazdan-marzadashtin-khatkacvi-63-mln-dram-104398721.html
Ֆրանկոֆոնիայի խաղերի նախապատրաստման համար «Հրազդան» մարզադաշտին կհատկացվի 63 մլն դրամ
Ֆրանկոֆոնիայի խաղերի նախապատրաստման համար «Հրազդան» մարզադաշտին կհատկացվի 63 մլն դրամ
Sputnik Արմենիա
Ժամկետների խիստ սղության պատճառով գումարը նախատեսվել է հատկացնել հրատապ մեկ անձից գնման ընթացակարգով։ 09.07.2026, Sputnik Արմենիա
2026-07-09T11:23+0400
2026-07-09T11:23+0400
2026-07-09T11:23+0400
«հրազդան» մարզահամալիր
ֆրանկոֆոնիա
բյուջե
https://cdn.am.sputniknews.ru/img/07e8/02/0e/72280156_0:79:1498:922_1920x0_80_0_0_4516ad82e22b72e9ef32772a4aa72eab.jpg
ԵՐԵՎԱՆ, 9 հուլիսի – Sputnik. Կառավարությունը վերաբաշխում կկատարի 2026 թվականի պետական բյուջեում՝ «Հրազդան» մարզադաշտի և հարակից մարզումային տարածքների վերակառուցման նախագծանախահաշվային փաստաթղթերի ձեռքբերման նպատակով։ Կրթության, գիտության, մշակույթի և սպորտի նախարարության կապիտալ ծախսերի շրջանակներում կիրականացվի 63 միլիոն 135 հազար դրամի վերաբաշխում, ինչը թույլ կտա սկսել մարզադաշտի հարմարեցումը թեթև ատլետիկայի և պարաատլետիկայի միջազգային չափանիշներին։Կառավարությունը պարզաբանել է, որ հրատապ որոշման հիմքում ընկած է 2027 թվականին Հայաստանում կայանալիք Ֆրանկոֆոնիայի խաղերի պատշաճ անցկացման անհրաժեշտությունը։ Ըստ նախագծի` ՀՀ քաղաքաշինության կոմիտեի պատվիրատվությամբ արդեն իսկ իրականացվել է «Հրազդան» մարզադաշտի տեխնիկական վիճակի հատուկ զննություն և ակտավորում, որի արդյունքում սահմանվել են հստակ սահմանափակումներ։Այսպիսով, ըստ կառավարության, ներկայիս տեխնիկական վիճակով մարզադաշտը կարող է ընդունել ընդհանուր առմամբ մոտ 21,566 հանդիսատես։ Մինչև միջազգային մրցաշարի մեկնարկը, սակայն, պարտադիր պետք է կատարվեն հանդերձարանների, սանհանգույցների, վազքուղիների հիմնանորոգման և տարածքի լիարժեք բարեկարգման շինարարական աշխատանքներ։Նախագծում նշվում է, որ Ֆրանկոֆոնիայի խաղերն անցկացվելու են 2027 թվականի հուլիսի 23-ից օգոստոսի 1-ը, շինարարական աշխատանքների ժամանակին մեկնարկի համար պատրաստի նախագծերը պետք է ձեռքի տակ լինեն ամենաուշը 2026 թվականի հոկտեմբերին։ Ժամկետների խիստ սղության պատճառով գումարը նախատեսվել է հատկացնել հրատապ մեկ անձից գնման («ՀՄԱ») ընթացակարգով։Ըստ կառավարության` տեխնիկական բնութագրի հիման վրա գնային առաջարկներ են ստացվել հենց մարզադաշտի հեղինակ «Հայնախագիծ» ԲԲԸ-ից, ինչպես նաև այլ մասնագիտացված ընկերություններից։ Ստացված առաջարկների և օրենսդրական հաշվարկների միջինացման արդյունքում հատկացվող ընդհանուր բյուջեն բաշխվել է հետևյալ կերպ. 61.0 միլիոն դրամ՝ նախագծանախահաշվային փաստաթղթերի անմիջական մշակման համար, 2.135 միլիոն դրամ՝ այդ փաստաթղթերի պարտադիր փորձաքննության իրականացման համար։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
«հրազդան» մարզահամալիր, ֆրանկոֆոնիա, բյուջե
«հրազդան» մարզահամալիր, ֆրանկոֆոնիա, բյուջե
Ֆրանկոֆոնիայի խաղերի նախապատրաստման համար «Հրազդան» մարզադաշտին կհատկացվի 63 մլն դրամ
Ժամկետների խիստ սղության պատճառով գումարը նախատեսվել է հատկացնել հրատապ մեկ անձից գնման ընթացակարգով։
ԵՐԵՎԱՆ, 9 հուլիսի – Sputnik. Կառավարությունը վերաբաշխում կկատարի 2026 թվականի պետական բյուջեում՝ «Հրազդան» մարզադաշտի և հարակից մարզումային տարածքների վերակառուցման նախագծանախահաշվային փաստաթղթերի ձեռքբերման նպատակով։
Կրթության, գիտության, մշակույթի և սպորտի նախարարության կապիտալ ծախսերի շրջանակներում կիրականացվի 63 միլիոն 135 հազար դրամի վերաբաշխում, ինչը թույլ կտա սկսել մարզադաշտի հարմարեցումը թեթև ատլետիկայի և պարաատլետիկայի միջազգային չափանիշներին։
Կառավարությունը պարզաբանել է, որ հրատապ որոշման հիմքում ընկած է 2027 թվականին Հայաստանում կայանալիք Ֆրանկոֆոնիայի խաղերի պատշաճ անցկացման անհրաժեշտությունը։ Ըստ նախագծի` ՀՀ քաղաքաշինության կոմիտեի պատվիրատվությամբ արդեն իսկ իրականացվել է «Հրազդան» մարզադաշտի տեխնիկական վիճակի հատուկ զննություն և ակտավորում, որի արդյունքում սահմանվել են հստակ սահմանափակումներ։
«Մարզադաշտի հարավային և հյուսիսային տրիբունաները կարող են օգտագործվել իրենց նստատեղերի քանակի 50% նստեցմամբ։ Արդյունքում, հարավային և հյուսիսային տրիբունաներում կարող է նստել 11750 մարդ։ Արևմտյան տրիբունան կարող է օգտագործվել իր նստատեղերի քանակի 100% նստեցմամբ (8100 մարդ)։ Արևելյան տրիբունայում կարող է օգտագործվել առաջին 11 շարքերը՝ նստատեղերի քանակի 100% նստեցմամբ (1716 մարդ)։ Յարուսներում հանդիսատեսի նստեցումը բացառվում է»,– ասված է նախագծում։
Այսպիսով, ըստ կառավարության, ներկայիս տեխնիկական վիճակով մարզադաշտը կարող է ընդունել ընդհանուր առմամբ մոտ 21,566 հանդիսատես։ Մինչև միջազգային մրցաշարի մեկնարկը, սակայն, պարտադիր պետք է կատարվեն հանդերձարանների, սանհանգույցների, վազքուղիների հիմնանորոգման և տարածքի լիարժեք բարեկարգման շինարարական աշխատանքներ։
Նախագծում նշվում է, որ Ֆրանկոֆոնիայի խաղերն անցկացվելու են 2027 թվականի հուլիսի 23-ից օգոստոսի 1-ը, շինարարական աշխատանքների ժամանակին մեկնարկի համար պատրաստի նախագծերը պետք է ձեռքի տակ լինեն ամենաուշը 2026 թվականի հոկտեմբերին։ Ժամկետների խիստ սղության պատճառով գումարը նախատեսվել է հատկացնել հրատապ մեկ անձից գնման («ՀՄԱ») ընթացակարգով։
Ըստ կառավարության` տեխնիկական բնութագրի հիման վրա գնային առաջարկներ են ստացվել հենց մարզադաշտի հեղինակ «Հայնախագիծ» ԲԲԸ-ից, ինչպես նաև այլ մասնագիտացված ընկերություններից։ Ստացված առաջարկների և օրենսդրական հաշվարկների միջինացման արդյունքում հատկացվող ընդհանուր բյուջեն բաշխվել է հետևյալ կերպ. 61.0 միլիոն դրամ՝ նախագծանախահաշվային փաստաթղթերի անմիջական մշակման համար, 2.135 միլիոն դրամ՝ այդ փաստաթղթերի պարտադիր փորձաքննության իրականացման համար։
