https://arm.sputniknews.ru/20260922/hajastanin-nerqashum-en-evraintegracivon-arkatsakhndrutjan-mej-rd-agn-107134133.html

Հայաստանին ներքաշում են եվրաինտեգրացիոն արկածախնդրության մեջ. ՌԴ ԱԳՆ

Հայաստանին ներքաշում են եվրաինտեգրացիոն արկածախնդրության մեջ. ՌԴ ԱԳՆ

Sputnik Արմենիա

Ռուսաստանը հույս ունի հայ ժողովրդի իմաստնության վրա։ 22.09.2026, Sputnik Արմենիա

2026-09-22T08:34+0400

2026-09-22T08:34+0400

2026-09-22T08:35+0400

ռուսաստան

հայաստան-ռուսաստան համագործակցություն

հայաստան

արտաքին գործերի նախարարություն (ագն)

եվրամիություն

վլադիսլավ մասլեննիկով

https://cdn.am.sputniknews.ru/img/07ea/01/1e/98239224_0:150:3111:1900_1920x0_80_0_0_f956cc4e0d42a169d407ccb65cd1efa7.jpg

ԵՐԵՎԱՆ, 22 սեպտեմբերի — Sputnik. Հայաստանի զարգացման հետագա վեկտորի վերաբերյալ որոշումը մնում է երկրի քաղաքացիներին։ Այս մասին հայտարարել է Ռուսաստանի ԱԳՆ Եվրոպական հիմնախնդիրների դեպարտամենտի տնօրեն Վլադիսլավ Մասլեննիկովը։ՌԻԱ Նովոստիին տված հարցազրույցում նա հույս է հայտնել, որ հայ հասարակությունը կկարողանա օբյեկտիվորեն գնահատել Եվրամիության հետ մերձեցման հնարավոր ռիսկերը։Հիշեցնենք՝ 2026 թ. սեպտեմբերի 1-ին ՌԴ նախագահ Վլադիմիր Պուտինը Բիշքեկում ՀՀ վարչապետ Նիկոլ Փաշինյանի հետ հանդիպման ժամանակ հայտարարեց՝ ԵՄ-ին անդամակցելու ձգտումը Հայաստանի օրինական իրավունքն է, սակայն այն բարդություններ է ստեղծում, այդ թվում՝ ԵԱՏՄ անդամակցության առումով։ Նա Փաշինյանին առաջարկեց ԵՄ անդամակցության հարցում ընտրության հնարավորություն տալ Հայաստանի ժողովրդին և հարցնել՝ ինչ են ցանկանում մարդիկ։Մայիսի 29-ին Աստանայում կայացած ԵԱՏՄ գագաթնաժողովում միավորման անդամ պետությունների ղեկավարները հանդես եկան համատեղ հայտարարությամբ, որում մասնավորապես ընդգծեցին Հայաստանի հետագա ինտեգրման հարցում հնարավորինս շուտ կողմնորոշվելու անհրաժեշտությունը: Գագաթնաժողովից հետո Պուտինը հայտարարեց, որ ԵԱՏՄ-ից դուրս գալը կարող է հանգեցնել ՀՆԱ-ի մոտ 14% կորստի:Այս ֆոնին «Ռոսսելխոզնադզորը» 2026 թ. մայիսից սկսեց սահմանափակել Հայաստանից ՌԴ ներմուծվող ապրանքները, սկզբում` ձուկն ու ծաղիկները, ապա` միրգ–բանջարեղենի որոշ տեսակները։ Հունիսի 2-ից «Ռոսսելխոզնադզորը» սահմանափակեց կորիզավոր մրգերի՝ բալի, կեռասի, ծիրանի, սալորի, դեղձի, նեկտարինի և խաղողի ներմուծումը Հայաստանից։ Գերատեսչությունն այս որոշումները բացատրում է հայտնաբերված խախտումներով։Հավելենք՝ Հայաստանը կանգնեց ԵԱՏՄ-ի և ԵՄ-ի միջև ընտրության առջև 2025 թվականի մարտին Եվրոպական միությանն անդամակցելու գործընթաց սկսելու մասին օրենք ընդունելուց հետո։

2026

Լուրեր

am_HY

ռուսաստան, հայաստան-ռուսաստան համագործակցություն, հայաստան, արտաքին գործերի նախարարություն (ագն), եվրամիություն, վլադիսլավ մասլեննիկով