https://arm.sputniknews.ru/20260921/khaghaghutjan-gitakcutjany-hasel-enq-hazaravvor-mardkanc-kjanqi-gnvov-pashinjan-107129379.html
Խաղաղության գիտակցությանը հասել ենք հազարավոր մարդկանց կյանքի գնով. Փաշինյան
Խաղաղության գիտակցությանը հասել ենք հազարավոր մարդկանց կյանքի գնով. Փաշինյան
Sputnik Արմենիա
ՀՀ վարչապետի խոսքով` պետությունը, անկախ պետությունը այլևս երազանք չպետք է լինի մեզ համար։ 21.09.2026, Sputnik Արմենիա
2026-09-21T21:06+0400
2026-09-21T21:06+0400
2026-09-21T21:12+0400
նիկոլ փաշինյան
անկախության օր
հանրապետության հրապարակ
ուղերձ
https://cdn.am.sputniknews.ru/img/07ea/09/15/107129197_0:0:1500:844_1920x0_80_0_0_b832891e2ab99ba14a168203c697f375.jpg
ԵՐԵՎԱՆ, 21 սեպտեմբերի – Sputnik. Ազատությունը, անվտանգությունը, ժողովրդավարությունը, բարեկեցությունն ու ինքնիշխանությունը չեն կարող լիարժեք լինել անվերջ թվացող հակամարտության և պարբերաբար բռնկվող պատերազմի պայմաններում։ Այս մասին հայտարարեց ՀՀ վարչապետ Նիկոլ Փաշինյանը՝ Հանրապետության հրապարակում Հայաստանի անկախության 35-րդ տարեդարձին նվիրված միջոցառման ժամանակ։Այնուհետև Փաշինյանն առաջարկեց մեկ րոպե լռությամբ հարգել հայրենիքի պաշտպանության համար զոհվածների հիշատակը, որից հետո նշեց՝ պետք է արձանագրել, որ անկախությունը, այսինքն՝ պետությունը, ամենակարևոր բանն է, որ այսօր ՀՀ քաղաքացիներն ունեն։«Որովհետև մեր պետությունն է, որ կարող է երաշխավորել մեր ինքնության, մեր մշակույթի պահպանումն ու զարգացումը։ Մեր պետությունն է, որ կարող է երաշխավորել մեր պատմության շարունակականությունը։ Պետությունն է, որ մեզ մեր ճակատագրի տերն է դարձնում, մեզ դարձնում է մեր ազատության, անվտանգության հեղինակը և երաշխավորը։ Ու մենք պետք է շարունակենք գնալ մեր պետությանը տեր կանգնելու այս ճանապարհով։ Մենք պետք է առաջնորդվենք մեր պետության հարատևության տեսլականով։ Եվ պետությունը, անկախ պետությունը այլևս երազանք չպետք է լինի մեզ համար, այլ մեր երազանքների իրագործում»,– շարունակեց Փաշինյանը։Նա ընդգծեց, որ դարեր շարունակ անկախ պետության մասին երազելուց հետո Հայաստանն այսօր արդեն այդ երազանքի իրականացումն է, և այժմ խնդիրը պետությունը զարգացնելը, ամրապնդելն ու սերունդներին փոխանցելն է՝ միաժամանակ ավելի լավ գիտակցելով, թե ինչ է նշանակում ունենալ պետություն և լինել դրա քաղաքացի։Հայաստանի Հանրապետության անկախության օրը նշվում է սեպտեմբերի 21-ին։ 1991 թվականի այդ օրը Հայաստանում անցկացվեց անկախության հանրաքվե։ Դրան մասնակցեց ընտրելու իրավունք ունեցող քաղաքացիների 95,4 տոկոսը, որոնց 94,39 տոկոսը «Այո» պատասխանեց Հայաստանը ԽՍՀՄ կազմից դուրս անկախ ժողովրդավարական պետություն հռչակելու հարցին։
հանրապետության հրապարակ
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Երևանի Հանրապետության հրապարակում լռության րոպե հայտարարվեց
Sputnik Արմենիա
Երևանի Հանրապետության հրապարակում լռության րոպե հայտարարվեց
2026-09-21T21:06+0400
true
PT0M37S
Sputnik Արմենիա
media@sputniknews.com
+74956456601
MIA „Rossiya Segodnya“
նիկոլ փաշինյան, անկախության օր, հանրապետության հրապարակ, ուղերձ, видео
նիկոլ փաշինյան, անկախության օր, հանրապետության հրապարակ, ուղերձ, видео
Խաղաղության գիտակցությանը հասել ենք հազարավոր մարդկանց կյանքի գնով. Փաշինյան
21:06 21.09.2026 (Թարմացված է: 21:12 21.09.2026) ՀՀ վարչապետի խոսքով` պետությունը, անկախ պետությունը այլևս երազանք չպետք է լինի մեզ համար։
ԵՐԵՎԱՆ, 21 սեպտեմբերի – Sputnik. Ազատությունը, անվտանգությունը, ժողովրդավարությունը, բարեկեցությունն ու ինքնիշխանությունը չեն կարող լիարժեք լինել անվերջ թվացող հակամարտության և պարբերաբար բռնկվող պատերազմի պայմաններում։ Այս մասին հայտարարեց ՀՀ վարչապետ Նիկոլ Փաշինյանը՝ Հանրապետության հրապարակում Հայաստանի անկախության 35-րդ տարեդարձին նվիրված միջոցառման ժամանակ։
«Հայաստանի Հանրապետության անկախության 35-ամյակը, ահա, նշում ենք խաղաղության միջավայրում։ Բայց խաղաղությանն ու խաղաղության գիտակցությանը մենք հասել ենք մեր հազարավոր եղբայրների և քույրերի կյանքի գնով»,– ասաց վարչապետը։
Այնուհետև Փաշինյանն առաջարկեց մեկ րոպե լռությամբ հարգել հայրենիքի պաշտպանության համար զոհվածների հիշատակը, որից հետո նշեց՝ պետք է արձանագրել, որ անկախությունը, այսինքն՝ պետությունը, ամենակարևոր բանն է, որ այսօր ՀՀ քաղաքացիներն ունեն։
«Որովհետև մեր պետությունն է, որ կարող է երաշխավորել մեր ինքնության, մեր մշակույթի պահպանումն ու զարգացումը։ Մեր պետությունն է, որ կարող է երաշխավորել մեր պատմության շարունակականությունը։ Պետությունն է, որ մեզ մեր ճակատագրի տերն է դարձնում, մեզ դարձնում է մեր ազատության, անվտանգության հեղինակը և երաշխավորը։ Ու մենք պետք է շարունակենք գնալ մեր պետությանը տեր կանգնելու այս ճանապարհով։ Մենք պետք է առաջնորդվենք մեր պետության հարատևության տեսլականով։ Եվ պետությունը, անկախ պետությունը այլևս երազանք չպետք է լինի մեզ համար, այլ մեր երազանքների իրագործում»,– շարունակեց Փաշինյանը։
Նա ընդգծեց, որ դարեր շարունակ անկախ պետության մասին երազելուց հետո Հայաստանն այսօր արդեն այդ երազանքի իրականացումն է, և այժմ խնդիրը պետությունը զարգացնելը, ամրապնդելն ու սերունդներին փոխանցելն է՝ միաժամանակ ավելի լավ գիտակցելով, թե ինչ է նշանակում ունենալ պետություն և լինել դրա քաղաքացի։
Հայաստանի Հանրապետության անկախության օրը նշվում է սեպտեմբերի 21-ին։ 1991 թվականի այդ օրը Հայաստանում անցկացվեց անկախության հանրաքվե։ Դրան մասնակցեց ընտրելու իրավունք ունեցող քաղաքացիների 95,4 տոկոսը, որոնց 94,39 տոկոսը «Այո» պատասխանեց Հայաստանը ԽՍՀՄ կազմից դուրս անկախ ժողովրդավարական պետություն հռչակելու հարցին։
