https://arm.sputniknews.ru/20260918/bundestagi-patgamavvorn-aniratesakan-e-hamarel-em-in-integrvelu-hh-i-patrast-linely-106981677.html

Բունդեսթագի պատգամավորն անիրատեսական է համարել ԵՄ-ին ինտեգրվելու ՀՀ-ի պատրաստ լինելը

Բունդեսթագի պատգամավորն անիրատեսական է համարել ԵՄ-ին ինտեգրվելու ՀՀ-ի պատրաստ լինելը

Sputnik Արմենիա

Եվրոպական ինտեգրման հեռանկարները գնահատելիս անհրաժեշտ է հաշվի առնել Հայաստանի անդամակցությունը Եվրասիական տնտեսական միությանը, նշել է պատգամավորը: 18.09.2026, Sputnik Արմենիա

2026-09-18T09:17+0400

2026-09-18T09:17+0400

2026-09-18T12:00+0400

եվրամիություն

հայաստան

գերմանիա

եվրասիական տնտեսական միություն (եատմ)

https://cdn.am.sputniknews.ru/img/07e8/04/10/74588344_0:139:1080:747_1920x0_80_0_0_581e7b7178fcbaa1a84de5ad4a204f8f.jpg

ԵՐԵՎԱՆ, 18 սեպտեմբերի - Sputnik. Հայաստանն առաջընթաց է գրանցել Եվրամիության չափանիշներին հարմարվելու հարցում, սակայն խոսել ԵՄ-ին ինտեգրվելու նրա լիակատար պատրաստ լինելու մասին առայժմ իրատեսական չէ: Այս մասին «Իզվեստիայի» հետ զրույցում ասել է Բունդեսթագի պատգամավոր Մաթիաս Մոոսդորֆը։Մոսդորֆը նաև նշել է, որ Եվրոպական ինտեգրման հեռանկարները գնահատելիս անհրաժեշտ է հաշվի առնել Հայաստանի անդամակցությունը Եվրասիական տնտեսական միությանը:Հիշեցնենք՝ 2026 թ. սեպտեմբերի 1-ին ՌԴ նախագահ Վլադիմիր Պուտինը Բիշքեկում ՀՀ վարչապետ Նիկոլ Փաշինյանի հետ հանդիպման ժամանակ հայտարարեց՝ ԵՄ-ին անդամակցելու ձգտումը Հայաստանի օրինական իրավունքն է, սակայն այն բարդություններ է ստեղծում, այդ թվում՝ ԵԱՏՄ անդամակցության առումով։ Նա Փաշինյանին առաջարկեց ԵՄ անդամակցության հարցում ընտրության հնարավորություն տալ Հայաստանի ժողովրդին և հարցնել՝ ինչ են ցանկանում մարդիկ։Մայիսի 29-ին Աստանայում կայացած ԵԱՏՄ գագաթնաժողովում միավորման անդամ պետությունների ղեկավարները հանդես եկան համատեղ հայտարարությամբ, որում մասնավորապես ընդգծեցին Հայաստանի հետագա ինտեգրման հարցում հնարավորինս շուտ կողմնորոշվելու անհրաժեշտությունը: Գագաթնաժողովից հետո Պուտինը հայտարարեց, որ ԵԱՏՄ-ից դուրս գալը կարող է հանգեցնել ՀՆԱ-ի մոտ 14% կորստի:Այս ֆոնին «Ռոսսելխոզնադզորը» 2026 թ. մայիսից սկսեց սահմանափակել Հայաստանից ՌԴ ներմուծվող ապրանքները, սկզբում` ձուկն ու ծաղիկները, ապա` միրգ–բանջարեղենի որոշ տեսակները։ Հունիսի 2-ից «Ռոսսելխոզնադզորը» սահմանափակեց կորիզավոր մրգերի՝ բալի, կեռասի, ծիրանի, սալորի, դեղձի, նեկտարինի և խաղողի ներմուծումը Հայաստանից։ Գերատեսչությունն այս որոշումները բացատրում է հայտնաբերված խախտումներով։Հավելենք՝ Հայաստանը կանգնեց ԵԱՏՄ-ի և ԵՄ-ի միջև ընտրության առջև 2025 թվականի մարտին Եվրոպական միությանն անդամակցելու գործընթաց սկսելու մասին օրենք ընդունելուց հետո։

գերմանիա

2026

Լուրեր

am_HY

եվրամիություն, հայաստան, գերմանիա, եվրասիական տնտեսական միություն (եատմ)