https://arm.sputniknews.ru/20260915/aats-shenqy-hrkizelu-pvordz-katarats-andzy-hakvob-simidjani-sanikn-e-zlm--106852643.html
ԱԱԾ շենքը հրկիզելու փորձ կատարած անձը Հակոբ Սիմիդյանի սանիկն է. ԶԼՄ
ԱԱԾ շենքը հրկիզելու փորձ կատարած անձը Հակոբ Սիմիդյանի սանիկն է. ԶԼՄ
Sputnik Արմենիա
Օրաթերթը հիշեցրել է, որ Հակոբ Սիմիդյանն էլ ՀՀ վարչապետ Նիկոլ Փաշինյանի սանիկն է։ 15.09.2026, Sputnik Արմենիա
2026-09-15T10:15+0400
2026-09-15T10:15+0400
2026-09-15T10:42+0400
հակոբ սիմիդյան
հհ ազգային անվտանգության ծառայություն. աած
շենք
https://cdn.am.sputniknews.ru/img/07e8/0b/05/82698591_0:77:1280:797_1920x0_80_0_0_c6c2a9f073f1083e1e30ac6fc6ff9252.jpg
ԵՐԵՎԱՆ, 15 սեպտեմբերի – Sputnik. ԱԱԾ վարչական շենքի ուղղությամբ դյուրավառ շշեր նետելու գործով կալանավորված Րաֆֆի Մանդալյանը ՔՊ–ական պատգամավոր, շրջակա միջավայրի նախկին նախարար Հակոբ Սիմիդյանի ընտանիքի սանիկն է։ Այս մասին գրել է «Ժողովուրդ» օրաթերթը։ Այս տարվա մարտի 6–ի երեկոյան համացանցում տեսանյութ տարածվեց, թե ինչպես է անձը փորձում հրկիզել Երևանի Նալբանդյան փողոցում գտնվող ԱԱԾ շենքը։ Քրեական վարույթ հարուցվեց 3 հոդվածով։«Ժողովուրդ» օրաթերթը հիշեցրել է, որ Հակոբ Սիմիդյանն էլ ՀՀ վարչապետ Նիկոլ Փաշինյանի սանիկն է։«Ժողովուրդ» օրաթերթի հետ զրույցում Սիմիդյանը չի հերքել Մանդալյանի հետ քավոր–սանիկական կապը և ասել, որ ինքն էլ զարմացած է նրա արարքից։ Սիմիդյանի խոսքով՝ Րաֆֆին, ըստ ամենայնի, «վատ շրջապատ է ընկել» ինչպես Հայաստանում, այնպես էլ արտերկրում։Օրաթերթը նշել է, որ Մանդալյանը իրավապահներին տված ցուցմունքում իր քայլը բացատրել է ոչ թե որևէ խմբի կամ անձի ազդեցությամբ, այլ երկրի անվտանգության վիճակով իր մտահոգությամբ։ Նա հայտնել է, որ ցանկացել է կոտրել հասարակական լռությունը և ցույց տալ, որ «բոլորը չէ, որ անտարբեր են հայրենիքի ճակատագրի նկատմամբ»։«Մանանդյանը բացատրել է՝ հենց մարդկային վնասներից խուսափելու համար նա ԱԱԾ շենք է գնացել ոչ աշխատանքային ժամին, իսկ շշերը նետելուց հետո չի հեռացել դեպքի վայրից և սպասել է իրավապահներին։ Դատարանում ևս Մանդալյանը, դիմելով դատարանին` հայտարարել է` հայրենիքը վտանգի տակ է, միթե դուք չեք անհանգստանում»,– գրել է «Ժողովուրդը»։Այս ֆոնին, ըստ օրաթերթի, ուշագրավ է Հակոբ Սիմիդյանի՝ «վատ շրջապատի» մասին գնահատականը. ստացվում է՝ իշխանության ներկայացուցիչը երկրի վիճակով մտահոգությունն ու դրանից բխած գործողությունը բացատրում է «վատ շրջապատի» ազդեցությամբ, մինչդեռ Մանդալյանն ինքը բոլորովին այլ շարժառիթ է ներկայացրել։Նշենք, որ Րաֆֆի Մանդալյանը կալանավորված է և գտնվում է «Նուբարաշեն» քրեակատարողական հիմնարկում։ Նա մասնագիտությամբ անասնաբույժ է։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հակոբ սիմիդյան, հհ ազգային անվտանգության ծառայություն. աած, շենք
հակոբ սիմիդյան, հհ ազգային անվտանգության ծառայություն. աած, շենք
ԱԱԾ շենքը հրկիզելու փորձ կատարած անձը Հակոբ Սիմիդյանի սանիկն է. ԶԼՄ
10:15 15.09.2026 (Թարմացված է: 10:42 15.09.2026) Օրաթերթը հիշեցրել է, որ Հակոբ Սիմիդյանն էլ ՀՀ վարչապետ Նիկոլ Փաշինյանի սանիկն է։
ԵՐԵՎԱՆ, 15 սեպտեմբերի – Sputnik. ԱԱԾ վարչական շենքի ուղղությամբ դյուրավառ շշեր նետելու գործով կալանավորված Րաֆֆի Մանդալյանը ՔՊ–ական պատգամավոր, շրջակա միջավայրի նախկին նախարար Հակոբ Սիմիդյանի ընտանիքի սանիկն է։ Այս մասին գրել է «Ժողովուրդ» օրաթերթը։
Այս տարվա մարտի 6–ի երեկոյան համացանցում
տեսանյութ տարածվեց, թե ինչպես է անձը փորձում հրկիզել Երևանի Նալբանդյան փողոցում գտնվող ԱԱԾ շենքը։ Քրեական վարույթ հարուցվեց 3 հոդվածով։
«Ժողովուրդ» օրաթերթը հիշեցրել է, որ Հակոբ Սիմիդյանն էլ ՀՀ վարչապետ Նիկոլ Փաշինյանի սանիկն է։
«Ժողովուրդ» օրաթերթի հետ զրույցում Սիմիդյանը չի հերքել Մանդալյանի հետ քավոր–սանիկական կապը և ասել, որ ինքն էլ զարմացած է նրա արարքից։ Սիմիդյանի խոսքով՝ Րաֆֆին, ըստ ամենայնի, «վատ շրջապատ է ընկել» ինչպես Հայաստանում, այնպես էլ արտերկրում։
Օրաթերթը նշել է, որ Մանդալյանը իրավապահներին տված ցուցմունքում իր քայլը բացատրել է ոչ թե որևէ խմբի կամ անձի ազդեցությամբ, այլ երկրի անվտանգության վիճակով իր մտահոգությամբ։ Նա հայտնել է, որ ցանկացել է կոտրել հասարակական լռությունը և ցույց տալ, որ «բոլորը չէ, որ անտարբեր են հայրենիքի ճակատագրի նկատմամբ»։
«Մանանդյանը բացատրել է՝ հենց մարդկային վնասներից խուսափելու համար նա ԱԱԾ շենք է գնացել ոչ աշխատանքային ժամին, իսկ շշերը նետելուց հետո չի հեռացել դեպքի վայրից և սպասել է իրավապահներին։ Դատարանում ևս Մանդալյանը, դիմելով դատարանին` հայտարարել է` հայրենիքը վտանգի տակ է, միթե դուք չեք անհանգստանում»,– գրել է «Ժողովուրդը»։
Այս ֆոնին, ըստ օրաթերթի, ուշագրավ է Հակոբ Սիմիդյանի՝ «վատ շրջապատի» մասին գնահատականը. ստացվում է՝ իշխանության ներկայացուցիչը երկրի վիճակով մտահոգությունն ու դրանից բխած գործողությունը բացատրում է «վատ շրջապատի» ազդեցությամբ, մինչդեռ Մանդալյանն ինքը բոլորովին այլ շարժառիթ է ներկայացրել։
Նշենք, որ Րաֆֆի Մանդալյանը կալանավորված է և գտնվում է «Նուբարաշեն» քրեակատարողական հիմնարկում։ Նա մասնագիտությամբ անասնաբույժ է։
