Հայաստանն առաջիկայում չի պատրաստվում դուրս գալ ԵԱՏՄ-ից․ Խանդանյան
14:42 09.09.2026 (Թարմացված է: 14:44 09.09.2026)
ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը. Արխիվային լուսանկար
© Sputnik
Բաժանորդագրվել
Նրա խոսքով՝ Ռուսաստանի կիրառած սահմանափակումները հակասում են ԵԱՏՄ էությանը, քանի որ միությունը ենթադրում է ապրանքների և աշխատուժի ազատ տեղաշարժ:
ԵՐԵՎԱՆ, 9 սեպտեմբերի – Sputnik. Հայաստանն առաջիկայում չի ծրագրում դուրս գալ ԵԱՏՄ-ից։ ԱԺ-ում լրագրողների հետ ճեպազրույցում ասաց «Քաղաքացիական պայմանագիր» խմբակցության անդամ, ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը։
«Ինչ վերաբերում է ԵԱՏՄ-ին, ապա առաջիկայում Հայաստանն իր առջև նման նպատակ չի դնում։ Մենք շարունակում ենք մնալ միության լիիրավ անդամ»,- ասաց Խանդանյանը։
Ընդ որում, ըստ նրա, մյուս կողմից հայկական ապրանքների ներմուծման նկատմամբ Ռուսաստանի կողմից կիրառվող սահմանափակումները չեն բխում երկկողմ բարեկամական հարաբերություններից և հակասում են ԵԱՏՄ էությանը, քանի որ միությունը ենթադրում է ապրանքների և աշխատուժի ազատ տեղաշարժ:
Ընդ որում, ըստ նրա, մյուս կողմից հայկական ապրանքների ներմուծման նկատմամբ Ռուսաստանի կողմից կիրառվող սահմանափակումները չեն բխում երկկողմ բարեկամական հարաբերություններից և հակասում են ԵԱՏՄ էությանը, քանի որ միությունը ենթադրում է ապրանքների և աշխատուժի ազատ տեղաշարժ:
Նրա խոսքով՝ հայկական կողմը, իհարկե, ուսումնասիրում է բարձրացված հարցերը, այն, թե հայկական որ ապրանքները չեն համապատասխանում չափանիշներին։
«Բայց մի բան ակնհայտ է, որ չէին կարող բոլոր ապրանքները միաժամանակ չհամապատասխանել ստանդարտներին»,- ասաց Խանդանյանը:
Նա նշեց, որ այդ հարցի շուրջ Ռուսաստանի հետ քննարկումների գործընթացը շարունակվում է։
Ավելի վաղ Հայաստանի էկոնոմիկայի փոխնախարար Տիգրան Գասպարյանը հայտարարել էր, որ Հայաստանը բողոք է ներկայացրել ԵԱՏՄ-ին՝ կապված Ռուսաստան ապրանքների ներմուծման սահմանափակումների հետ:
Հիշեցնենք՝ 2026 թ. սեպտեմբերի 1-ին ՌԴ նախագահ Վլադիմիր Պուտինը Բիշքեկում ՀՀ վարչապետ Նիկոլ Փաշինյանի հետ հանդիպման ժամանակ հայտարարեց՝ ԵՄ-ին անդամակցելու ձգտումը Հայաստանի օրինական իրավունքն է, սակայն այն բարդություններ է ստեղծում, այդ թվում՝ ԵԱՏՄ անդամակցության առումով։ Նա Փաշինյանին առաջարկեց ԵՄ անդամակցության հարցում ընտրության հնարավորություն տալ Հայաստանի ժողովրդին և հարցնել՝ ինչ են ցանկանում մարդիկ։
Մայիսի 29-ին Աստանայում կայացած ԵԱՏՄ գագաթնաժողովում միավորման անդամ պետությունների ղեկավարները հանդես եկան համատեղ հայտարարությամբ, որում մասնավորապես ընդգծեցին Հայաստանի հետագա ինտեգրման հարցում հնարավորինս շուտ կողմնորոշվելու անհրաժեշտությունը: Գագաթնաժողովից հետո Պուտինը հայտարարեց, որ ԵԱՏՄ-ից դուրս գալը կարող է հանգեցնել ՀՆԱ-ի մոտ 14% կորստի:
Մայիսի 29-ին Աստանայում կայացած ԵԱՏՄ գագաթնաժողովում միավորման անդամ պետությունների ղեկավարները հանդես եկան համատեղ հայտարարությամբ, որում մասնավորապես ընդգծեցին Հայաստանի հետագա ինտեգրման հարցում հնարավորինս շուտ կողմնորոշվելու անհրաժեշտությունը: Գագաթնաժողովից հետո Պուտինը հայտարարեց, որ ԵԱՏՄ-ից դուրս գալը կարող է հանգեցնել ՀՆԱ-ի մոտ 14% կորստի:
Այս ֆոնին «Ռոսսելխոզնադզորը» 2026 թ. մայիսից սկսեց սահմանափակել Հայաստանից ՌԴ ներմուծվող ապրանքները, սկզբում` ձուկն ու ծաղիկները, ապա` միրգ–բանջարեղենի որոշ տեսակները։ Հունիսի 2-ից «Ռոսսելխոզնադզորը» սահմանափակեց կորիզավոր մրգերի՝ բալի, կեռասի, ծիրանի, սալորի, դեղձի, նեկտարինի և խաղողի ներմուծումը Հայաստանից։ Գերատեսչությունն այս որոշումները բացատրում է հայտնաբերված խախտումներով։
Հավելենք՝ Հայաստանը կանգնեց ԵԱՏՄ-ի և ԵՄ-ի միջև ընտրության առջև 2025 թվականի մարտին Եվրոպական միությանն անդամակցելու գործընթաց սկսելու մասին օրենք ընդունելուց հետո։
Հավելենք՝ Հայաստանը կանգնեց ԵԱՏՄ-ի և ԵՄ-ի միջև ընտրության առջև 2025 թվականի մարտին Եվրոպական միությանն անդամակցելու գործընթաց սկսելու մասին օրենք ընդունելուց հետո։
