Ամառը վերադառնում է. Սուրենյանը հայտնում է տաք հոսանքների ներթափանցման մասին
10:31 09.09.2026 (Թարմացված է: 10:37 09.09.2026)
Հիդրոօդերևութաբանության և մոնիթորինգի կենտրոնի պետի տեղակալ Գագիկ Սուրենյանը. Արխիվային լուսանկար
© Sputnik / Asatur Yesayants
Բաժանորդագրվել
Առաջիկա 5 օրը հանրապետության ողջ տարածքում առանց տեղումների եղանակ կդիտվի:
ԵՐԵՎԱՆ, 9 սեպտեմբերի – Sputnik. Հայաստանի Հայրապետության ողջ տարածքում ամառը վերադառնում է, քանի որ հյուսիս-արևմտյան ցուրտ հոսանքները հեռանում են: Այս մասին հայտնում է Հիդրոօդերևութաբանության և մոնիթորինգի կենտրոնի պետի տեղակալ Գագիկ Սուրենյանը։
Նա հիշեցրել է, որ հյուսիս-արևմուտքից ցուրտ օդային հոսանքների ներթափանցմամբ պայմանավորված՝ վերջին 2 օրը հանրապետության տարածքում ջերմաստիճանը զգալի նվազել է: Այսօրվա դրությամբ օդի օրական միջին ջերմաստիճանը կլիմայական նորմայից ցածր է 4-6 աստիճանով:
Նա հիշեցրել է, որ հյուսիս-արևմուտքից ցուրտ օդային հոսանքների ներթափանցմամբ պայմանավորված՝ վերջին 2 օրը հանրապետության տարածքում ջերմաստիճանը զգալի նվազել է: Այսօրվա դրությամբ օդի օրական միջին ջերմաստիճանը կլիմայական նորմայից ցածր է 4-6 աստիճանով:
«Սեպտեմբերի 10-ից սկսած մեր երկիր հարավի արևադարձային լայնություններից տաք օդային հոսանքներ կներթափանցեն, որոնք իրենց հետ կբերեն օդի ջերմաստիճանի զգալի բարձրացում: Սեպտեմբերի 10-14-ը հանրապետության ողջ տարածքում և՛ գիշերը, և՛ ցերեկը օդի ջերմաստիճանն աստիճանաբար կբարձրանա 6-8 աստիճանով»,- հայտնել է Սուրենյանը:
Նրա խոսքով՝ սեպտեմբերի 13-ին և 14-ին հանրապետության ամենատաք հատվածներում՝ Արարատյան դաշտում, Սյունիքի հովիտներում, Երևանում ցերեկը կլինի +32-34 աստիճան տաքություն:
Առաջիկա 5 օրը հանրապետության ողջ տարածքում առանց տեղումների եղանակ կդիտվի:
