https://arm.sputniknews.ru/20260831/rvobert-qvocharjann-ugherdz-e-hghel-erevankentrvon-qkhic-106281455.html

Սրան պետք է վերջ դնել, կամ բոլորը պետք է թուրքերեն սովորեն. Քոչարյանը ուղերձ է հղել ՔԿՀ-ից

Սրան պետք է վերջ դնել, կամ բոլորը պետք է թուրքերեն սովորեն. Քոչարյանը ուղերձ է հղել ՔԿՀ-ից

Sputnik Արմենիա

ՀՀ երկրորդ նախագահը նշել է, որ Հայաստանը ներքաշվել է ծայրահեղ վտանգավոր արկածախնդրության մեջ և հայտնվել խոշոր տերությունների աշխարհաքաղաքական շահերի բախման... 31.08.2026, Sputnik Արմենիա

2026-08-31T11:21+0400

2026-08-31T11:21+0400

2026-08-31T11:56+0400

հայաստան

ռոբերտ քոչարյան

բանտ

https://cdn.am.sputniknews.ru/img/07ea/05/12/102308457_0:278:1200:953_1920x0_80_0_0_3bca1078304c1f1986c5018eba2d2f09.jpg

ԵՐԵՎԱՆ, 31 օգոստոսի — Sputnik. ՀՀ 2–ն նախագահ Ռոբերտ Քոչարյանին արդեն 4–րդ անգամ կալանավորում ենք բացառապես աշխարհաքաղաքական նպատակներով։ Այսօր հրավիրված ասուլիսի ժամանակ այս հայտարարությունն արեց ՀՀ 2–րդ նախագահի գրասենյակի ղեկավար Բագրատ Միկոյանը։«Այս անգամ շատ պարզ ու ակնհայտ՝ Բաքվից եկող պատվերի ու պայմանների շրջանակում, որի կետերը ներկա իշխանությունները հնազանդորեն իրականացնում են»,- նշեց նա։Այնուհետև Միկոյանը կարդաց Քոչարյանի` «Երևան–Կենտրոն» ՔԿՀ-ից հղած ուղերձը, որում նա քննադատել է իշխանություններին։«Փաշինյանի մոտ բնածին վախերի և բարդույթների հերթական մանիակալ սրացումն է, իսկ դատաիրավական համակարգը սպասարկում է նրա ֆոբիաները։ Մենք կարող ենք կորցնել երկիրը, և կարծես թե ժողովուրդը կորցրել է կոլեկտիվ ինքնապահպանման բնազդը։ Հերթական քրեական մեղադրանքն այնքան աբսուրդային է, որ դժվար է գնահատական տալ նորմատիվ բառապաշարի շրջանակում։ Բայց, այնուամենայնիվ, կփորձեմ անել դա։ Որպեսզի ներկայացվի այսքան ոչնչով չհիմնավորված մեղադրանք, անհրաժեշտ է կա՛մ լիակատար բարոյական դեգրադացիա, կա՛մ իրավական դեբիլիզմ, կա՛մ Ադրբեջանի դատաիրավական համակարգին լիակատար ենթարկում։ Դա նրանց մոտեցումն է, որ Արցախի բոլոր նախագահները պետք է լինեն բանտում»,– գրել է Քոչարյանը։Նրա խոսքով` երկիրը ներքաշել են ծայրահեղ վտանգավոր արկածախնդրության մեջ՝ դնելով խոշոր տերությունների աշխարհաքաղաքական շահերի բախման կենտրոնում։«Իշխանության նպատակն ակնհայտ է՝ պառակտել հասարակությունը, ստեղծել վախի, ատելության, անկարողության և դատապարտվածութան մթնոլորտ։ Սրանք անհրաժեշտ պայմաններ են Բաքվի բոլոր պահանջները կատարելու համար։ Փաշինյանը ոչ միայն հանձնում է հայկական հողերը, այլև կոտրում է ազգի կոլեկտիվ կամքն ու հոգևոր արժեքները, որոնք ցանկացած պետականության հիմքն են կազմում։ Սրան պետք է վերջ դնել, կամ էլ բոլորը պետք սկսեն թուրքերեն սովորել»,– եզրափակել է Քոչարյանը։Հիշեցնենք` օգոստոսի 24-ին ՀՀ վարչապետ Նիկոլ Փաշինյանը իրավապահներին հրահանգեց ունեզրկել ՀՀ 2-րդ նախագահ Ռոբերտ Քոչարյանին և 3-րդ նախագահ Սերժ Սարգսյանին։ Հաջորդ օրը իրավապահները ներխուժեցին Ռոբերտ Քոչարյանի և նրա որդու՝ ԱԺ «Հայաստան» խմբակցության պատգամավոր Լևոն Քոչարյանի տներ և սկսեցին խուզարկություններ իրականացնել։ Այնուհետև հայտնի դարձավ, որ Ռոբերտ Քոչարյանը և նրա ավագ որդին` Սեդրակ Քոչարյանը, ձերբակալվել են։ Ավելի ուշ ՀՀ երկրորդ նախագահը տեղափոխվեց բուժկենտրոն։Ռոբերտ Քոչարյանին պաշտոնեական լիազորությունների չարաշահման, առանձնապես խոշոր չափերի փողերի լվացման և առանձնապես խոշոր չափերի կաշառք ստանալու մեղադրանքներ են ներկայացվել։Ըստ ՀՀ հակակոռուպցիոն կոմիտեի՝ Ռոբերտ Քոչարյանից ու Սեդրակ Քոչարյանից բացի, գործի շրջանակում ևս 4 անձ է ձերբակալվել, ըստ դատախազության` հանրային քրեական հետապնդում է հարուցվել 10 անձի, այդ թվում՝ ՀՀ երրորդ նախագահ Սերժ Սարգսյանի ու հանգուցյալ վարչապետ Անդրանիկ Մարգարյանի նկատմամբ։Օգոստոսի 25-ի լույս 26-ի գիշերը Սեդրակ Քոչարյանը 2 ամսով կալանավորվեց, օգոստոսի 27-ին դատարանը 2-ամսյա կալանքի որոշում կայացրեց նաև Ռոբերտ Քոչարյանի նկատմամբ։ Կալանքի միջնորդության քննությունը շարունակվեց առանց 2-րդ նախագահի, քանի որ նրան տեղափոխեցին «Սուրբ Գրիգոր Լուսավորիչ» բժշկական կենտրոն։ Ամսի 27-ին նա տեղափոխվեց «Երևան-Կենտրոն» ՔԿՀ։

2026

Լուրեր

am_HY

հայաստան, ռոբերտ քոչարյան, բանտ