https://arm.sputniknews.ru/20260826/em-andamakcutjuny-khakasi-hh-zhvoghvovrdi-shaherin-rd-agn-106151542.html
ԵՄ անդամակցությունը կհակասի ՀՀ ժողովրդի շահերին. ՌԴ ԱԳՆ
ԵՄ անդամակցությունը կհակասի ՀՀ ժողովրդի շահերին. ՌԴ ԱԳՆ
Sputnik Արմենիա
Ռուսաստանի արտաքին քաղաքական գերատեսչությունում ուշադրություն են հրավիրել այն հանգամանքի վրա, որ Հայաստանի իշխանությունների եվրաինտեգրման հռետորաբանության մեջ... 26.08.2026, Sputnik Արմենիա
2026-08-26T20:15+0400
2026-08-26T20:15+0400
2026-08-26T20:17+0400
հայաստան
ռուսաստան
եվրամիություն
եվրասիական տնտեսական միություն (եատմ)
նիկոլ փաշինյան
https://cdn.am.sputniknews.ru/img/07e9/0b/03/95404590_0:0:1600:901_1920x0_80_0_0_8d27ca92ca3aa8a8f135dcf5d4831355.jpg
ԵՐԵՎԱՆ, 26 օգոստոսի – Sputnik. Եվրամիության անդամակցությունը կհակասի ՀՀ ժողովրդի շահերին։ Այս մասին հայտարարել են ՌԴ արտգործնախարարությունում` արձագանքելով ՀՀ վարչապետ Նիկոլ Փաշինյանի հայտարարություններին։ՀՀ վարչապետ Նիկոլ Փաշինյանն օգոստոսի 24-ին հայտարարեց, որ Հայաստանն առաջիկայում պաշտոնական դիմում կներկայացնի ԵՄ–ին անդամակցելու համար։Ռուսաստանի արտաքին քաղաքական գերատեսչությունում ուշադրություն են հրավիրել այն հանգամանքի վրա, որ Հայաստանի իշխանությունների եվրաինտեգրման հռետորաբանության մեջ «կադրից դուրս» է մնում Եվրամիության ռազմականացումը և Մոսկվայի հետ ուղիղ ռազմական դիմակայության քաղաքական գիծը, ինչպես նաև Ռուսաստանին ռազմավարական պարտություն» հասցնելու բրյուսելյան դիրքորոշումը:Բացի այդ, Ռուսաստանի ԱԳՆ-ում բացահայտ մանիպուլյացիա են անվանել «ԵՄ, թե ԵԱՏՄ» հարցով հանրաքվե անցկացնելու մասին հայտարարությունը (Փաշինյանը հայտարարել է, որ Հայաստանը հանրաքվե կանցկացնի պաշտոնապես ԵՄ դիմելուց, համապատասխան արձագանք ստանալուց և գործընթացի վերաբերյալ ճանապարհային քարտեզ ունենալուց հետո)։Նշենք, որ օգոստոսի 7-ին Ղրղզստանում ԵԱՏՄ միջկառավարական խորհրդի նիստում ՀՀ վարչապետ Նիկոլ Փաշինյանն իր ելույթում հայտարարեց, որ Հայաստանն այս պահին չի կարող ընտրություն կատարել ԵՄ–ի և ԵԱՏՄ–ի միջև։ Նրա խոսքով` հանրաքվեի անցկացումը կլինի անբովանդակ և կնշանակի, որ իշխանությունը քաղաքացիներից ակնկալում է մի հարցի պատասխան, որն այս պահին գոյություն չունի։Ավելի վաղ Կրեմլում հայտարարել էին, որ Եվրամիությանն ինտեգրվելու ձգտումը Հայաստանի ինքնիշխան իրավունքն է, բայց Երևանը չի կարող և չպետք է իրականացնի այդ քաղաքականությունը ԵԱՏՄ երկրների հաշվին: Դրան հաջորդեցին դեպի Ռուսաստան հայկական արտադրանքի արտահանման սահմանափակումները։Մայիսի 9-ին ՌԴ նախագահ Վլադիմիր Պուտինն ասուլիսի ժամանակ ասաց՝ կարծում է, որ թե՛ ՀՀ քաղաքացիների, թե՛ Մոսկվայի՝ գլխավոր տնտեսական գործընկերոջ հանդեպ ճիշտ կլիներ, որ պաշտոնական Երևանը հնարավորինս արագ կողմնորոշվեր ԵՄ-ին անդամակցելու հարցում։ Նա նաև ընդգծեց՝ թեպետ դա Ռուսաստանի գործը չէ, բայց կարելի է հանրաքվե անցկացնել, ՀՀ քաղաքացիների կարծիքն իմանալ անդամակցության վերաբերյալ։ Ըստ նրա՝ դրա արդյունքներից կախված՝ Մոսկվան էլ հետևություններ կաներ, չբացառեց, որ կարող է փափուկ, քաղաքակիրթ բաժանում լինել։ Պուտինը նշեց, որ Ռուսաստանը կաջակցի Հայաստանի ցանկացած որոշմանը, որն օգուտ կբերի երկրին։Նիկոլ Փաշինյանը մայիսի 11-ին լրագրողներին ասաց, որ Հայաստանը մնում է ԵԱՏՄ լիարժեք անդամ, իսկ հանրաքվեն կանցկացվի այն ժամանակ, երբ օբյեկտիվ անհրաժեշտություն առաջանա:Դրանից հետո ՌԴ փոխվարչապետ Ալեքսեյ Օվերչուկը հայտարարեց, որ Հայաստանում ինչ-որ աշխատանք է տարվում ԵՄ չափանիշներին անցնելու ուղղությամբ, և եթե ՀՀ–ն սկսի փոփոխություններ մտցնել տեխնիկական կանոնակարգերում, դա արդեն որոշակի սպառնալիքներ կստեղծի ԵԱՏՄ-ի համար:Մայիսի 29-ին Աստանայում կայացած ԵԱՏՄ գագաթնաժողովում միավորման անդամ պետությունների ղեկավարները հանդես եկան համատեղ հայտարարությամբ, որում մասնավորապես ընդգծեցին Հայաստանի հետագա ինտեգրման հարցում հնարավորինս շուտ կողմնորոշվելու անհրաժեշտությունը: Գագաթնաժողովից հետո Պուտինը հայտարարեց, որ ԵԱՏՄ-ից դուրս գալը կարող է հանգեցնել ՀՆԱ-ի մոտ 14% կորստի:Վիճակագրական տվյալների համաձայն՝ Հայաստանը Եվրասիական տնտեսական միությունից դուրս գալու դեպքում կկորցնի ապրանքաշրջանառության գրեթե 40%-ը:
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ռուսաստան, եվրամիություն, եվրասիական տնտեսական միություն (եատմ), նիկոլ փաշինյան
հայաստան, ռուսաստան, եվրամիություն, եվրասիական տնտեսական միություն (եատմ), նիկոլ փաշինյան
ԵՄ անդամակցությունը կհակասի ՀՀ ժողովրդի շահերին. ՌԴ ԱԳՆ
20:15 26.08.2026 (Թարմացված է: 20:17 26.08.2026) Ռուսաստանի արտաքին քաղաքական գերատեսչությունում ուշադրություն են հրավիրել այն հանգամանքի վրա, որ Հայաստանի իշխանությունների եվրաինտեգրման հռետորաբանության մեջ «կադրից դուրս» է մնում Եվրամիության ռազմականացումը և Մոսկվայի հետ ուղիղ ռազմական դիմակայության քաղաքական գիծը:
ԵՐԵՎԱՆ, 26 օգոստոսի – Sputnik. Եվրամիության անդամակցությունը կհակասի ՀՀ ժողովրդի շահերին։ Այս մասին հայտարարել են
ՌԴ արտգործնախարարությունում` արձագանքելով ՀՀ վարչապետ Նիկոլ Փաշինյանի հայտարարություններին։
ՀՀ վարչապետ Նիկոլ Փաշինյանն օգոստոսի 24-ին
հայտարարեց, որ Հայաստանն առաջիկայում պաշտոնական դիմում կներկայացնի ԵՄ–ին անդամակցելու համար։
«Համոզված ենք, որ նման ագրեսիվ հակառուսական դաշինքին անդամակցելը կհակասեր Հայաստանի ժողովրդի երկարաժամկետ շահերին», - Лента.ру–ին ասել են գերատեսչությունից։
Ռուսաստանի արտաքին քաղաքական գերատեսչությունում ուշադրություն են հրավիրել այն հանգամանքի վրա, որ Հայաստանի իշխանությունների եվրաինտեգրման հռետորաբանության մեջ «կադրից դուրս» է մնում Եվրամիության ռազմականացումը և Մոսկվայի հետ ուղիղ ռազմական դիմակայության քաղաքական գիծը, ինչպես նաև Ռուսաստանին ռազմավարական պարտություն» հասցնելու բրյուսելյան դիրքորոշումը:
Բացի այդ, Ռուսաստանի ԱԳՆ-ում
բացահայտ մանիպուլյացիա են անվանել «ԵՄ, թե ԵԱՏՄ» հարցով հանրաքվե անցկացնելու մասին հայտարարությունը (Փաշինյանը հայտարարել է, որ Հայաստանը հանրաքվե կանցկացնի պաշտոնապես ԵՄ դիմելուց, համապատասխան արձագանք ստանալուց և գործընթացի վերաբերյալ ճանապարհային քարտեզ ունենալուց հետո)։
«Դժվար է հասկանալ Հայաստանի ղեկավարության տրամաբանությունը. նախ ծրագրում է սկզբունքային արտաքին քաղաքական որոշում ընդունել ՝ պաշտոնական հայտ ներկայացնել ԵՄ–ին անդամակցելու համար, և միայն դրանից հետո հարցնել իր ժողովրդի կարծիքը նման քայլի նպատակահարմարության մասին»,— ընդգծել են գերատեսչությունում:
Նշենք, որ օգոստոսի 7-ին Ղրղզստանում ԵԱՏՄ միջկառավարական խորհրդի նիստում ՀՀ վարչապետ Նիկոլ Փաշինյանն իր ելույթում
հայտարարեց, որ Հայաստանն այս պահին չի կարող ընտրություն կատարել ԵՄ–ի և ԵԱՏՄ–ի միջև։ Նրա խոսքով` հանրաքվեի անցկացումը կլինի անբովանդակ և կնշանակի, որ իշխանությունը քաղաքացիներից ակնկալում է մի հարցի պատասխան, որն այս պահին գոյություն չունի։
Ավելի վաղ Կրեմլում հայտարարել էին, որ Եվրամիությանն ինտեգրվելու ձգտումը Հայաստանի ինքնիշխան իրավունքն է, բայց Երևանը չի կարող և չպետք է իրականացնի այդ քաղաքականությունը ԵԱՏՄ երկրների հաշվին: Դրան հաջորդեցին դեպի Ռուսաստան հայկական արտադրանքի արտահանման սահմանափակումները։
Մայիսի 9-ին
ՌԴ նախագահ Վլադիմիր Պուտինն ասուլիսի ժամանակ ասաց՝ կարծում է, որ թե՛ ՀՀ քաղաքացիների, թե՛ Մոսկվայի՝ գլխավոր տնտեսական գործընկերոջ հանդեպ ճիշտ կլիներ, որ պաշտոնական Երևանը հնարավորինս արագ կողմնորոշվեր ԵՄ-ին անդամակցելու հարցում։ Նա նաև ընդգծեց՝ թեպետ դա Ռուսաստանի գործը չէ, բայց կարելի է հանրաքվե անցկացնել, ՀՀ քաղաքացիների կարծիքն իմանալ անդամակցության վերաբերյալ։ Ըստ նրա՝ դրա արդյունքներից կախված՝ Մոսկվան էլ հետևություններ կաներ, չբացառեց, որ կարող է փափուկ, քաղաքակիրթ բաժանում լինել։ Պուտինը նշեց, որ Ռուսաստանը կաջակցի Հայաստանի ցանկացած որոշմանը, որն օգուտ կբերի երկրին։
Նիկոլ Փաշինյանը մայիսի 11-ին լրագրողներին
ասաց, որ Հայաստանը մնում է ԵԱՏՄ լիարժեք անդամ, իսկ հանրաքվեն կանցկացվի այն ժամանակ, երբ օբյեկտիվ անհրաժեշտություն առաջանա:
Դրանից հետո ՌԴ փոխվարչապետ
Ալեքսեյ Օվերչուկը հայտարարեց, որ Հայաստանում ինչ-որ աշխատանք է տարվում ԵՄ չափանիշներին անցնելու ուղղությամբ, և եթե ՀՀ–ն սկսի փոփոխություններ մտցնել տեխնիկական կանոնակարգերում, դա արդեն որոշակի սպառնալիքներ կստեղծի ԵԱՏՄ-ի համար:
Մայիսի 29-ին Աստանայում կայացած ԵԱՏՄ գագաթնաժողովում միավորման անդամ պետությունների ղեկավարները
հանդես եկան համատեղ հայտարարությամբ, որում մասնավորապես ընդգծեցին Հայաստանի հետագա ինտեգրման հարցում հնարավորինս շուտ կողմնորոշվելու անհրաժեշտությունը: Գագաթնաժողովից հետո Պուտինը հայտարարեց, որ ԵԱՏՄ-ից դուրս գալը կարող է հանգեցնել ՀՆԱ-ի մոտ 14% կորստի:
Վիճակագրական տվյալների համաձայն՝ Հայաստանը Եվրասիական տնտեսական միությունից դուրս գալու դեպքում կկորցնի ապրանքաշրջանառության գրեթե 40%-ը:
