https://arm.sputniknews.ru/20260822/artur-petrvosjann-artsate-medal-nvatshec-tsanramarti-patanineri-ev-m15-evrvopaji-arajnutjunum-106010363.html

Արթուր Պետրոսյանն արծաթե մեդալ նվաճեց ծանրամարտի պատանիների և Մ15 Եվրոպայի առաջնությունում

Արթուր Պետրոսյանն արծաթե մեդալ նվաճեց ծանրամարտի պատանիների և Մ15 Եվրոպայի առաջնությունում

Sputnik Արմենիա

ՀՀ–ն ներկայացնող Վարազդատ Հարությունյանն էլ զբաղեցրել է 4-րդ տեղը։ 22.08.2026, Sputnik Արմենիա

2026-08-22T14:54+0400

2026-08-22T14:54+0400

2026-08-22T15:08+0400

կոսովո

ծանրամարտ

մեդալ

արծաթ

https://cdn.am.sputniknews.ru/img/07ea/08/16/106010157_0:23:800:473_1920x0_80_0_0_765fee53e5b294388cc580edfabffd33.jpg

ԵՐԵՎԱՆ, 22 օգոստոսի – Sputnik. Ծանրամարտի պատանիների ու մինչև 15 տարեկանների Եվրոպայի առաջնության ժամանակ 60 կգ քաշային Արթուր Պետրոսյանը դարձավ արծաթե մեդալակիր` երկամարտի արդյունքում բարձրացնելով 241 կգ։Նշենք, որ առաջնությունն ընթանում է Կոսովոյի մայրաքաղաք Պրիշտինայում։ Պատանիների 60 կգ քաշային կարգում հանդես եկող Արթուր Պետրոսյանը 3 մոտեցումն էլ պատվով կատարեց ու գլխավերևում կարողացավ պահել ծանրաձողը` 102, 105 և 108 կգ քաշերով։ Նա պոկում վարժությունում 2-րդն էր։Հրում վարժությունում Պետրոսյանն առաջին մոտեցման ժամանակ բարձրացրեց 127 կգ, երկրորդին` 133։ Երրորդ մոտեցումն անհաջող էր. նա չկարողացավ գլխավերևում պահել 137 կգ քաշով ծանրաձողը։ Հրում վարժությունում նույնպես Պետրոսյանը փոքր արծաթ նվաճեց։Ծանրամարտիկ Ալեն Զուրաբյանը պատանիների աշխարհի առաջնության արծաթե մեդալակիր էԱյսօրվա մրցումային օրը հայկական պատվիրակությունից ելույթ էր ունենում նաև 60 կգ քաշային Վարազդատ Հարությունյանը:Նա պոկում վարժությունում 2 հաջող մոտեցում ունեցավ` գլխավերևում պահելով 100 և 103 կգ քաշերով ծանրաձողը, սակայն 106 կգ–ը բարձրացնել չկարողացավ։Հրում վարժությունում նա հաջողությամբ բարձրացրեց 121 և 125 կգ քաշերը։ Երորդ մոտեցոմը, որի համար պատվիրել էր 132 կգ, անհաջող էր։Երկամարտի 228 կգ արդյունքով Հարությունյանը զբաղեցրեց 4-րդ հորիզոնականը։Հիշեցնենք, որ ծանրամարտի պատանիների և Մ15 տարեկանների առաջնությունը մեկնարկել է օգոստոսի 20-ին և տևելու է մինչև օգոստոսի 27-ը։ 20–ամյա Աննա Ամրոյանը դարձել է աշխարհի ծանրամարտի երիտասարդական առաջնության չեմպիոնՀՀ–ից տղաների հավաքականից մեկնել է 12 ծանրորդ, իսկ աղջիկների հավաքականից` 4։ Արդեն իսկ պայքարի մեջ մտել են 45 կգ քաշային Քրիստինե Բաբայանը, որը զբաղեցրել է 5-րդ հորիզոնականը, 55 կգ քաշային Գրիգոր Աղավելյանն ու 60 կգ քաշային Սամվել Ադիբեկյանը։ Գրիգորը զբաղեցրել է 4-րդ հորիզոնականը, իսկ Սամվելը դարձել է փոխչեմպիոն։

կոսովո

2026

Լուրեր

am_HY

կոսովո, ծանրամարտ, մեդալ, արծաթ