https://arm.sputniknews.ru/20260807/rdn-hh-i-hamar-sparnaliq-che-saghateljany-ishkhanutjan-harcadrumneri-masin-105503774.html
ՌԴ–ն ՀՀ-ի համար սպառնալիք չէ․ Իշխան Սաղաթելյանը պատասխանել է իշխանության հարցին
ՌԴ–ն ՀՀ-ի համար սպառնալիք չէ․ Իշխան Սաղաթելյանը պատասխանել է իշխանության հարցին
Sputnik Արմենիա
Ընդդիմադիր պատգամավորն ընդգծեց` ՌԴ–ի կողմից հայկական ապրանքների մուտքի սահմանփակումը քաղաքական որոշում է։ 07.08.2026, Sputnik Արմենիա
2026-08-07T10:53+0400
2026-08-07T10:53+0400
2026-08-07T11:19+0400
հայաստան
ռուսաստան
իշխան սաղաթելյան
https://cdn.am.sputniknews.ru/img/07e9/09/1a/93916749_0:83:1600:983_1920x0_80_0_0_29ffd0fdad04ea7a47c8e3feed4af42f.jpg
ԵՐԵՎԱՆ, 7 օգոստոսի – Sputnik. Ռուսաստանի Դաշնությունը Հայաստանի Հանրապետության պետականության համար սպառնալիք չէ։ Այսօր ԱԺ–ում իր ելույթում այս հայտարարությունն արեց ՀՀ ԱԺ «Հայաստան» խմբակցության պատգամավոր Իշխան Սաղաթելյանը՝ պատասխանելով իշխանության կողմից հնչած հարցադրմանը։Իշխանական պատգամավորները խորհրդարանական բանավեճերի ժամանակ հաճախ են հարցադրումներ ուղղել ընդդիմությանը՝ առաջարկելով հստակ պատասխանել՝ իրենց կարծիքով Ռուսաստանը ՀՀ–ի համար սպառնալի՞ք է, թե՞ ոչ։Ինչ վերաբերում է հարցին, թե արդյոք հիմնավորված են հայկական ապրանքների նկատմամբ ՌԴ–ի կողմից սահմանված ներմուծման սահմանափակումները, Սաղաթելյանը նշեց, թե չգիտի։Ընդդիմադիր պատգամավորն անդրադարձավ նաև Հայաստանում ժողովրդավարության վիճակին՝ հայտարարելով, որ այն, ինչ կատարվում է երկրում, շատ հեռու է ժողովրդավարությունից։ Նա նշեց՝ ժողովրդավարությունն ունի 4 կարևոր սկզբունք՝ ազատ ընտրելու և ընտրվելու, ազատ խոսքի, սեփականության, ինչպես նաև աշխատանքի իրավունքները, որոնք, ըստ պատգամավորի, իշխանությունը խլել է ժողովրդից։Հիշեցնենք` Ռոսսելխոզնադզորը մայիսից սկսեց սահմանափակել Հայաստանից ՌԴ ներմուծվող ապրանքները, սկզբում` ձուկն ու ծաղիկները, ապա` միրգ–բանջարեղենի որոշ տեսակները։ Հունիսի 2-ից Ռոսսելխոզնադզորը սահմանափակեց կորիզավոր մրգերի՝ բալի, կեռասի, ծիրանի, սալորի, դեղձի, նեկտարինի և խաղողի ներմուծումը Հայաստանից։Գերատեսչությունն այս որոշումները բացատրում է հայտնաբերված խախտումներով և բուսասանիտարական անվտանգության ապահովման անհրաժեշտությամբ։ Նշենք, որ Ռուսաստանը հայկական գյուղմթերքի իրացման հիմնական շուկան է. ՌԴ–ին է բաժին ընկում Հայաստանի արտահանման ավելի քան 90 տոկոսը։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ռուսաստան, իշխան սաղաթելյան
հայաստան, ռուսաստան, իշխան սաղաթելյան
ՌԴ–ն ՀՀ-ի համար սպառնալիք չէ․ Իշխան Սաղաթելյանը պատասխանել է իշխանության հարցին
10:53 07.08.2026 (Թարմացված է: 11:19 07.08.2026) Ընդդիմադիր պատգամավորն ընդգծեց` ՌԴ–ի կողմից հայկական ապրանքների մուտքի սահմանփակումը քաղաքական որոշում է։
ԵՐԵՎԱՆ, 7 օգոստոսի – Sputnik. Ռուսաստանի Դաշնությունը Հայաստանի Հանրապետության պետականության համար սպառնալիք չէ։ Այսօր ԱԺ–ում իր ելույթում այս հայտարարությունն արեց ՀՀ ԱԺ «Հայաստան» խմբակցության պատգամավոր Իշխան Սաղաթելյանը՝ պատասխանելով իշխանության կողմից հնչած հարցադրմանը։
Իշխանական պատգամավորները խորհրդարանական բանավեճերի ժամանակ հաճախ են հարցադրումներ ուղղել ընդդիմությանը՝ առաջարկելով հստակ պատասխանել՝ իրենց կարծիքով Ռուսաստանը ՀՀ–ի համար սպառնալի՞ք է, թե՞ ոչ։
Ինչ վերաբերում է հարցին, թե արդյոք հիմնավորված են հայկական ապրանքների նկատմամբ ՌԴ–ի կողմից սահմանված ներմուծման սահմանափակումները, Սաղաթելյանը նշեց, թե չգիտի։
«Բայց ես գիտեմ, որ ապրանքների մուտքի արգելումը քաղաքական որոշում է։ Արդյոք այդ քաղաքական որոշումը գործընկերային է․ այդ հարցի պատասխանը դո՛ւք տվեք։ Ես ՌԴ նախագահին մոտիկից չեմ տեսել․ Նիկոլ Փաշինյանն է հայտարարել, որ Վլադիմիր Պուտինն իր ավագ ընկերն է, և ինքն ավելի շատ է շփվում Պուտինի հետ, քան ՀՀ նախկին 3 նախագահները միասին։ Հետևաբար գնացեք և կարգավորեք այդ հարաբերությունները․ այդ ճգնաժամը դո՛ւք եք ստեղծել, որի համար վճարելու են ՀՀ քաղաքացիները»,– ասաց Սաղաթելյանը։
Ընդդիմադիր պատգամավորն անդրադարձավ նաև Հայաստանում ժողովրդավարության վիճակին՝ հայտարարելով, որ այն, ինչ կատարվում է երկրում, շատ հեռու է ժողովրդավարությունից։ Նա նշեց՝ ժողովրդավարությունն ունի 4 կարևոր սկզբունք՝ ազատ ընտրելու և ընտրվելու, ազատ խոսքի, սեփականության, ինչպես նաև աշխատանքի իրավունքները, որոնք, ըստ պատգամավորի, իշխանությունը խլել է ժողովրդից։
Հիշեցնենք` Ռոսսելխոզնադզորը մայիսից սկսեց սահմանափակել Հայաստանից ՌԴ ներմուծվող ապրանքները, սկզբում` ձուկն ու
ծաղիկները, ապա`
միրգ–բանջարեղենի որոշ տեսակները։ Հունիսի 2-ից
Ռոսսելխոզնադզորը սահմանափակեց կորիզավոր մրգերի՝ բալի, կեռասի, ծիրանի, սալորի, դեղձի, նեկտարինի և խաղողի ներմուծումը Հայաստանից։
Գերատեսչությունն այս որոշումները բացատրում է հայտնաբերված խախտումներով և բուսասանիտարական անվտանգության ապահովման անհրաժեշտությամբ։ Նշենք, որ Ռուսաստանը հայկական գյուղմթերքի իրացման հիմնական շուկան է. ՌԴ–ին է բաժին ընկում Հայաստանի արտահանման ավելի քան 90 տոկոսը։
