Նիկոլ Փաշինյանը վերանշանակվեց. ՀՀ նախագահը ստորագրել է հրամանագիրը
14:37 02.08.2026 (Թարմացված է: 14:44 02.08.2026)
Բաժանորդագրվել
ՀՀ վարչապետ Նիկոլ Փաշինյանն առավոտյան հայտարարեց, որ գործող կառավարությունը հրաժարական է տալիս։
ԵՐԵՎԱՆ, 2 օգոստոսի – Sputnik. Նիկոլ Փաշինյանը վերանշանակվեց ՀՀ վարչապետի պաշտոնում։ ՀՀ նախագահ Վահագն Խաչատուրյանը ստորագրել է համապատասխան հրամանագիրը։
«Հիմք ընդունելով Սահմանադրության 149-րդ հոդվածի 1-ին մասը` Նիկոլ Փաշինյանին նշանակել վարչապետ»,– ասված է փաստաթղթում:
Հիշեցնենք` այսօր մեկնարկեց 9-րդ գումարման Ազգային ժողովի առաջին նստաշրջանը։ ՀՀ վարչապետ Նիկոլ Փաշինյանը րոպեներ անց հայտարարեց, որ գործող կառավարությունը հրաժարական է տալիս։ Որոշ ժամանակ անց հրապարակվեց ՀՀ նախագահ Վահագն Խաչատուրյանի հրամանագիրը, որով նա ընդունում էր կառավարության հրաժարականը։ Այնուհետև ՔՊ–ն հայտարարեց, որ «Քաղաքացիական պայմանագիր» կուսակցությունը ՀՀ նախագահին է ներկայացրել վարչապետի պաշտոնում Նիկոլ Փաշինյանի թեկնածության առաջադրման վերաբերյալ անհրաժեշտ փաստաթղթերի փաթեթը։
