https://arm.sputniknews.ru/20260730/katvoghikvosi-u-vec-episkvopvosneri-gvortsvov-nshanakvel-e-arajin-datakan-nisti-ory-105232010.html
Կաթողիկոսի ու վեց եպիսկոպոսների գործով նշանակվել է առաջին դատական նիստի օրը
Կաթողիկոսի ու վեց եպիսկոպոսների գործով նշանակվել է առաջին դատական նիստի օրը
Sputnik Արմենիա
Փաստաբանը շեշտում է, որ հայոց պատմության վերջին 100 տարվա ընթացքում սա երկրորդ ամոթալի դեպքն է, երբ իշխանությունը մեղադրյալի կարգավիճակ է շնորհել կաթողիկոսին։ 30.07.2026, Sputnik Արմենիա
2026-07-30T16:48+0400
2026-07-30T16:48+0400
2026-07-30T16:55+0400
ամենայն հայոց կաթողիկոս գարեգին բ
դատ
արա զոհրաբյան
https://cdn.am.sputniknews.ru/img/07ea/04/05/100660801_0:78:1500:922_1920x0_80_0_0_d7d94037c907be64795f0ff35b9dc347.jpg
ԵՐԵՎԱՆ, 30 հուլիսի – Sputnik. Ամենայն հայոց կաթողիկոս Գարեգին Բ-ի վերաբերյալ քրեական գործով նշանակվել է առաջին դատական նիստի օրը։ Փաստաբան Արա Զոհրաբյանի խոսքով՝ դատական նիստը կկայանա օգոստոսի 7-ին՝ ժամը 16։00-ին, առաջին ատյանի դատարանի Վաղարշապատ նստավայրում։ Նշենք, որ վեհափառի և վեց եպիսկոպոսների վերաբերյալ քրեական գործը հանձնվել է Արմավիրի մարզի առաջին ատյանի ընդհանուր իրավասության դատարան և մակագրվել դատավոր Հակոբ Մանուկյանին։Այսօր հայտնի է դարձել, որ նախնական դատալսումների առաջին նիստը նշանակվել է 2026թ. օգոստոսի 7-ին ժամը 16:00-ին։Նրա խոսքով՝ վերջին հարյուր տարվա ընթացքում սա երկրորդ դեպքն է, երբ պետական իշխանությունը քրեական կամ բռնի ճնշման թիրախ է դարձնում Ամենայն հայոց կաթողիկոսին։ Առաջին նման դեպքը կապված էր Ամենայն հայոց կաթողիկոս Խորեն Ա Մուրադբեկյանի հետ: Նա խորհրդային հակաեկեղեցական բռնաճնշումների տարիներին գործել է աննախադեպ ճնշումների պայմաններում, իսկ 1938 թվականի ապրիլի 6-ին խեղդամահ է արվել։Զոհրաբյանն ընդգծում է, որ 2018 թ․-ից սկսած՝ հայ եկեղեցու նկատմամբ իրականացվել են շարունակական պետական ճնշումներ, այդ թվում՝ եպիսկոպոսների դիվանագիտական անձնագրերի չեղարկումը, Ամենայն հայոց կաթողիկոսին ուղեկցող պետական ոստիկանական պահպանության դադարեցումը, «Հայ եկեղեցու պատմություն» առարկայի դուրսբերումը դպրոցներից, բանակում, ՔԿՀ-ներում հոգևոր ծառայության դադարեցումը և այլն։Նա շեշտում է, որ անկախ քաղաքական հայացքներից և իրավական գնահատականներից՝ Հայ առաքելական եկեղեցին և Ամենայն հայոց կաթողիկոսի ինստիտուտը Հայաստանի պատմության, ազգային ինքնության և պետականության հիմնասյուներից են, ուստի տեղի ունեցող գործընթաց դուրս է մեկ քրեական գործի շրջանակներից և ունի պատմական, սահմանադրական ու ազգային նշանակություն։Ավելի վաղ հայտնել էինք, որ Ամենայն հայոց կաթողիկոս Գարեգին Երկրորդի և Հայ առաքելական եկեղեցու Գերագույն հոգևոր խորհրդի 6 անդամների դեմ գործն ուղարկվել է դատարան։Հիշեցնենք՝ փետրվարի 14-ին հայտնի դարձավ, որ կաթողիկոսի նկատմամբ քրեական հետապնդում է հարուցվել Մասյացոտնի թեմի նախկին առաջնորդ, կարգալույծ արված Արման Սարոյանի հետ կապված դատական ակտի կատարումը խոչընդոտելու մեղադրանքով, արգելվել է նրա ելքը Հայաստանից:
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ամենայն հայոց կաթողիկոս գարեգին բ, դատ, արա զոհրաբյան
ամենայն հայոց կաթողիկոս գարեգին բ, դատ, արա զոհրաբյան
Կաթողիկոսի ու վեց եպիսկոպոսների գործով նշանակվել է առաջին դատական նիստի օրը
16:48 30.07.2026 (Թարմացված է: 16:55 30.07.2026) Փաստաբանը շեշտում է, որ հայոց պատմության վերջին 100 տարվա ընթացքում սա երկրորդ ամոթալի դեպքն է, երբ իշխանությունը մեղադրյալի կարգավիճակ է շնորհել կաթողիկոսին։
ԵՐԵՎԱՆ, 30 հուլիսի – Sputnik. Ամենայն հայոց կաթողիկոս Գարեգին Բ-ի վերաբերյալ քրեական գործով նշանակվել է առաջին դատական նիստի օրը։ Փաստաբան Արա Զոհրաբյանի խոսքով՝ դատական նիստը կկայանա օգոստոսի 7-ին՝ ժամը 16։00-ին, առաջին ատյանի դատարանի Վաղարշապատ նստավայրում։
Նշենք, որ վեհափառի և վեց եպիսկոպոսների վերաբերյալ քրեական գործը հանձնվել է Արմավիրի մարզի առաջին ատյանի ընդհանուր իրավասության դատարան և մակագրվել դատավոր Հակոբ Մանուկյանին։
Այսօր հայտնի է դարձել, որ նախնական դատալսումների առաջին նիստը նշանակվել է 2026թ. օգոստոսի 7-ին ժամը 16:00-ին։
«Միջազգային և ներպետական օրենսդրությամբ Հայ առաքելական Սուրբ եկեղեցու ներքին գործերին չմիջամտելու պարտավորություն ունեցող պետության մեջ իշխանությունը մեղադրյալի կարգավիճակ է շնորհել հայոց հայրապետին՝ եկեղեցական գործառույթ իրականացնելու համար»,- գրում է Զոհրաբյանը։
Նրա խոսքով՝ վերջին հարյուր տարվա ընթացքում սա երկրորդ դեպքն է, երբ պետական իշխանությունը քրեական կամ բռնի ճնշման թիրախ է դարձնում Ամենայն հայոց կաթողիկոսին։ Առաջին նման դեպքը կապված էր Ամենայն հայոց կաթողիկոս Խորեն Ա Մուրադբեկյանի հետ: Նա խորհրդային հակաեկեղեցական բռնաճնշումների տարիներին գործել է աննախադեպ ճնշումների պայմաններում, իսկ 1938 թվականի ապրիլի 6-ին խեղդամահ է արվել։
Զոհրաբյանն ընդգծում է, որ 2018 թ․-ից սկսած՝ հայ եկեղեցու նկատմամբ իրականացվել են շարունակական պետական ճնշումներ, այդ թվում՝ եպիսկոպոսների դիվանագիտական անձնագրերի չեղարկումը, Ամենայն հայոց կաթողիկոսին ուղեկցող պետական ոստիկանական պահպանության դադարեցումը, «Հայ եկեղեցու պատմություն» առարկայի դուրսբերումը դպրոցներից, բանակում, ՔԿՀ-ներում հոգևոր ծառայության դադարեցումը և այլն։
Նա շեշտում է, որ անկախ քաղաքական հայացքներից և իրավական գնահատականներից՝ Հայ առաքելական եկեղեցին և Ամենայն հայոց կաթողիկոսի ինստիտուտը Հայաստանի պատմության, ազգային ինքնության և պետականության հիմնասյուներից են, ուստի տեղի ունեցող գործընթաց դուրս է մեկ քրեական գործի շրջանակներից և ունի պատմական, սահմանադրական ու ազգային նշանակություն։
«Ցավալի է, որ իշխանությունների այս գործողությունների համար պատասխան է տալու ամբողջ հայ ազգը»,- եզրափակում է փաստաբան Արա Զոհրաբյանը։
Ավելի վաղ հայտնել էինք, որ Ամենայն հայոց կաթողիկոս Գարեգին Երկրորդի և Հայ առաքելական եկեղեցու Գերագույն հոգևոր խորհրդի 6 անդամների դեմ
գործն ուղարկվել է դատարան։
Հիշեցնենք՝ փետրվարի 14-ին հայտնի դարձավ, որ կաթողիկոսի նկատմամբ
քրեական հետապնդում է հարուցվել Մասյացոտնի թեմի նախկին առաջնորդ, կարգալույծ արված Արման Սարոյանի հետ կապված դատական ակտի կատարումը խոչընդոտելու մեղադրանքով, արգելվել է նրա ելքը Հայաստանից:
