https://arm.sputniknews.ru/20260722/ruben-vardanjani-gvortsvov-gangat-e-nerkajacvel-mied-siranush-sahakjan-104911132.html

Ռուբեն Վարդանյանի գործով գանգատ է ներկայացվել ՄԻԵԴ․ Սիրանուշ Սահակյան

Ռուբեն Վարդանյանի գործով գանգատ է ներկայացվել ՄԻԵԴ․ Սիրանուշ Սահակյան

Sputnik Արմենիա

Վարդանյանը որոշում է կայացրել չբողոքարկել դատավճիռը, քանի որ դատավարությունը համարում է բեմադրված, ներպետական միջոցները՝ անարդյունավետ։ 22.07.2026, Sputnik Արմենիա

2026-07-22T11:01+0400

2026-07-22T11:01+0400

2026-07-22T11:57+0400

ռուբեն վարդանյան

մարդու իրավունքների եվրոպական դատարան (միեդ)

սիրանուշ սահակյան

բաքու

դատ

դատարան

գերի

հայ գերիներ, անհետ կորածներ

https://cdn.am.sputniknews.ru/img/07e9/0b/12/95979495_0:0:2028:1142_1920x0_80_0_0_39734d2c5ff111953d279782386003dd.jpg

ԵՐԵՎԱՆ, 22 հուլիսի – Sputnik. Արցախի նախկին պետնախարար, գործարար, բարերար Ռուբեն Վարդանյանի գործով հուլիսի 19-ին գանգատ է ներկայացվել Մարդու իրավունքների եվրոպական դատարան։ Այս մասին Վարդանյանի ընտանիքը հայտնում է ֆեյսբուքյան պաշտոնական էջում՝ ներկայացնելով իրավապաշտպան, «Միջազգային և համեմատական իրավունքի կենտրոնի» ղեկավար, ՄԻԵԴ-ում հայ գերիների շահերի ներկայացուցիչ Սիրանուշ Սահակյանը։Ռուբեն Վարդանյանի գործով դատավճիռը Բաքվի ռազմական դատարանը հրապարակել էր այս տարվա փետրվարի 17-ին՝ նրան դատապարտելով 20 տարվա ազատազրկման: Դատարանը դատավճիռն ամբողջությամբ չէր ընթերցել։ Սահակյանի խոսքով՝ ընտանիքի միջոցով հասանելի դարձած դատավճռից պարզ է դարձել, որ Վարդանյանը «մեղավոր» է ճանաչվել 41 դրվագով՝ Ադրբեջանի քրեական օրենսգրքի 21 հոդվածների հիման վրա։«Դատավճռում Վարդանյանի անհատական մեղքը չի հիմնավորվել փաստերով կամ ապացույցներով։ Փոխարենը դատարանը եզրակացրել է, որ «հանցավոր համայնքը»՝ Արցախի չճանաչված վարչակազմը, Լեռնային Ղարաբաղում գործել է 1988 թվականից, և որ Վարդանյանը միացել է այդ «համայնքին» 2020 թվականի դեկտեմբերին, թեև այդ ժամանակ նա բնակվում էր Մոսկվայում։ Վարդանյանի կողմից քաղաքացիական վարչական պաշտոնի ընդունումը դատարանը գնահատել է որպես իշխանության բռնի զավթում, նրա առևտրային և բարեգործական գործունեությունը՝ որպես ապօրինի ձեռնարկատիրություն և ահաբեկչության ֆինանսավորում, իսկ Լաչինի միջանցքով Լեռնային Ղարաբաղ մուտք գործելը՝ որպես Ադրբեջանի պետական սահմանն ապօրինի հատել»,- նշում է իրավապաշտպանը։Նա բացատրում է՝ Ռուբեն Վարդանյանը որոշում է կայացրել չբողոքարկել դատավճիռը, քանի որ համարել է, որ դատավարությունը եղել է բեմադրված և կանխորոշված, իսկ ներպետական բոլոր միջոցները՝ անարդյունավետ, ուստի որոշել է պայքարը շարունակել միջազգային իրավական մեխանիզմների միջոցով։ Հիշեցնենք` պաշտոնական տվյալներով` Ադրբեջանում 19 հայ գերի կա։ Արցախի նախկին ռազմաքաղաքական առաջնորդների գործով «դատավարությունը», որը Բաքվում սկսվել էր 2025 թվականի հունվարին, ավարտվեց այս տարվա փետրվարի 5–ին, և հրապարակվեցին դատավճիռները` ցմահ ազատազրկման դատապարտվեցին Արցախի Հանրապետության նախկին նախագահ Արայիկ Հարությունյանը, ՊԲ նախկին հրամանատար Լևոն Մնացականյանը և ՊԲ հրամանատարի նախկին տեղակալ Դավիթ Մանուկյանը։ Արցախի նախկին նախագահներ Արկադի Ղուկասյանն ու Բակո Սահակյանը դատապարտվեցին 20 տարվա ազատազրկման։Քաղաքացիական գերիներ Մադաթ Բաբայանը և Մելքիսեթ Փաշայանը դատապարտվեցին 19 տարվա ազատազրկման, Գարիկ Մարտիրոսյանը՝ 18, Դավիթ Ալահվերդյանը և Լևոն Բալայանը՝ 16, Էրիկ Ղազարյանը, Գուրգեն Ստեփանյանը, Վասիլ Բեգլարյանը՝ 15 տարվա ազատազրկման։Արցախի նախկին պետնախարար Ռուբեն Վարդանյանի «գործը» քննվում էր առանձնացված վարույթով։ Փետրվարի 17-ին հայտնի դարձավ, որ Բաքվի դատարանը Ռուբեն Վարդանյանին 20 տարվա ազատազրկման է դատապարտել:

բաքու

2026

Լուրեր

am_HY

ռուբեն վարդանյան, մարդու իրավունքների եվրոպական դատարան (միեդ), սիրանուշ սահակյան, բաքու, դատ, դատարան, գերի, հայ գերիներ, անհետ կորածներ