Նարեկ Կարապետյանը չի կալանավորի․ ԿԸՀ–ն մերժեց դատախազության միջնորդությունը
16:34 22.07.2026 (Թարմացված է: 16:55 22.07.2026)
© Sputnik / Aram Nersesyan
Բաժանորդագրվել
ԿԸՀ–ն որոշումն ընդունել է միաձայն, և այն հավասարազոր է միջնորդության մերժման։
ԵՐԵՎԱՆ, 22 հուլիսի – Sputnik. «Ուժեղ Հայաստան» կուսակցության անդամ, նույնանուն դաշինքի ընտրական ցուցակը գլխավորող Նարեկ Կարապետյանը չի կալանավորի։ ՀՀ կենտրոնական ընտրական հանձնաժողովի նիստից հետո փաստաբան Արամ Վարդևանյանը լրագրողներին հայտնեց, որ ԿԸՀ–ն վերադարձրել է դատախազության միջնորդությունը։
«ԿԸՀ–ն վերադարձրել է դատախազության այն միջնորդությունը, որով պահանջվում էր համաձայնություն տալ Նարեկ Կարապետյանի նկատմամբ խափանման միջոց կալանք կամ տնային կալանք ընտրելուն»,– ասաց Վարդևանյանը։
Նրա խոսքով` ԿԸՀ–ն որոշումն ընդունել է միաձայն, և այն հավասարազոր է միջնորդության մերժման։
«ԿԸՀ–ն մերժեց միջնորդությունը, քանի որ Նարեկ Կարապետյանը պատգամավորի կարգավիճակ ունի»,– ընդգծեց փաստաբանը։
Վարդևանյանի կանխատեսմամբ` առաջիկայում Կարապետյանի նկատմամբ հավանաբար մեկ այլ աբսուրդ, ապօրինի մեղադրանքի առաջադրման գործընթաց կսկսվի, և ավելի նվազ խափանման միջոցի ընտրություն կլինի։
Հիշեցնենք` հուլիսի 21-ին հայտնի դարձավ, որ ՀՀ դատախազությունը Կարապետյանին անձեռնմխելիությունից զրկելու միջնորդություն է ներկայացրել ԿԸՀ, հիմքում կուսակցության անդամ Ալիկ Ալեքսանյանին վերագրվող մեղադրանքն է (նախընտրական հավաքներին մասնակցելու համար մարդկանց նյութապես շահագրգռել և փողերի լվացում): ԿԸՀ–ն ՀՀ դատախազության միջնորդությունը մեկ անգամ արդեն հետ էր ուղարկել, սակայն հուլիսի 13–ին նույն միջնորդությունը դատախազությունը կրկին ներկայացրել էր հանձնաժողովի քննությանը։
«ԿԸՀ–ն մերժեց միջնորդությունը, քանի որ Նարեկ Կարապետյանը պատգամավորի կարգավիճակ ունի»,– ընդգծեց փաստաբանը։
Վարդևանյանի կանխատեսմամբ` առաջիկայում Կարապետյանի նկատմամբ հավանաբար մեկ այլ աբսուրդ, ապօրինի մեղադրանքի առաջադրման գործընթաց կսկսվի, և ավելի նվազ խափանման միջոցի ընտրություն կլինի։
Հիշեցնենք` հուլիսի 21-ին հայտնի դարձավ, որ ՀՀ դատախազությունը Կարապետյանին անձեռնմխելիությունից զրկելու միջնորդություն է ներկայացրել ԿԸՀ, հիմքում կուսակցության անդամ Ալիկ Ալեքսանյանին վերագրվող մեղադրանքն է (նախընտրական հավաքներին մասնակցելու համար մարդկանց նյութապես շահագրգռել և փողերի լվացում): ԿԸՀ–ն ՀՀ դատախազության միջնորդությունը մեկ անգամ արդեն հետ էր ուղարկել, սակայն հուլիսի 13–ին նույն միջնորդությունը դատախազությունը կրկին ներկայացրել էր հանձնաժողովի քննությանը։
ԿԸՀ–ն այսօր համաձայնություն տվեց, որ ՀՀ դատախազությունը մեղադրանք առաջադրի Նարեկ Կարապետյանին` այդպիսով, ըստ էության, նրան զրկելով պատգամավորական անձեռնմխելիությունից։
