https://arm.sputniknews.ru/20260709/pajtjunneri-nvor-sharq-iranum-harvatsneri-tak-en-erkri-haravi-razmavarakan-objektnery-104440274.html
Պայթյունների նոր շարք Իրանում. հարվածների տակ են երկրի հարավի ռազմավարական օբյեկտները
Պայթյունների նոր շարք Իրանում. հարվածների տակ են երկրի հարավի ռազմավարական օբյեկտները
Sputnik Արմենիա
Նոր սրացումը տեղի է ունենում ԱՄՆ-ի և Իրանի միջև հարվածների փոխանակումից և Հորմուզի նեղուցի շուրջ իրավիճակի սրումից հետո տարածաշրջանում շարունակվող էսկալացիայի... 09.07.2026, Sputnik Արմենիա
2026-07-09T23:49+0400
2026-07-09T23:49+0400
2026-07-10T00:15+0400
իրանի իսլամական հանրապետություն
ամն
ավիահարված
https://cdn.am.sputniknews.ru/img/07e9/04/1a/88305008_0:404:462:664_1920x0_80_0_0_dfda2b97ace9bfb5240dfabb17f49139.jpg
ԵՐԵՎԱՆ, 9 հուլիսի - Sputnik. Հուլիսի 9-ի երեկոյան Իրանի մի քանի քաղաքներում պայթյունների նոր շարք է որոտացել: Mehr գործակալության և իրանական այլ լրատվամիջոցների հաղորդմամբ՝ պայթյուններ են արձանագրվել Բանդար Աբասում, Բուշերում և Քոնարակում: Հաղորդումներ են ստացվում նաև Սիրիկի, Ջասկի շրջաններում և Ղեշմ կղզում հարվածների մասին:Բանդար Աբասը Իրանի խոշորագույն ծովային նավահանգիստն է և առանցքային լոգիստիկ կենտրոնը Հորմուզի նեղուցում: Բուշերում է գտնվում երկրի միակ գործող ատոմային էլեկտրակայանը, սակայն այս պահին բուն ԱԷԿ-ի խոցման մասին տվյալներ չկան։ Եղած տեղեկությունների համաձայն՝ թիրախում կարող էին լինել նահանգի ռազմական օբյեկտները:Նախնական տվյալներով՝ հարվածներ են հասցվել Իսլամական հեղափոխության պահապանների կորպուսի (ԻՀՊԿ) օբյեկտներին, հակաօդային պաշտպանության համակարգերին, ափամերձ ռադիոլոկացիոն կայաններին, ռազմածովային ենթակառուցվածքներին և հականավային հրթիռների արձակման կայանքներին: Ավերածությունների մասշտաբների և տուժածների մասին պաշտոնական տեղեկատվություն դեռևս չի հրապարակվել։Սպանեցին Խամենեիին, բայց պարտվեցին. ինչպես էին Թեհրանում հրաժեշտ տալիս զոհված առաջնորդինՏեղեկություններն այն մասին, թե ով է իրականացնում այս գործողությունը, այս պահի դրությամբ հակասական են: Նախօրեին ԱՄՆ նախագահ Դոնալդ Թրամփը հայտարարել էր, որ հրադադարի ռեժիմն այլևս չի գործում, ինչից հետո ԱՄՆ զինվորականները հաստատել էին Իրանի ռազմական օբյեկտներին հարվածներ հասցնելու փաստը:Միևնույն ժամանակ, Axios լրատվականը՝ հղում անենալով ամերիկացի պաշտոնյային, հայտնում է, որ ԱՄՆ-ն կապ չունի շարունակվող գործողություններից մի քանիսի հետ: Իրանական և մերձավորարևելյան մի շարք աղբյուրներ պնդում են, որ ներկայիս հարվածներն իրականացնում է Իսրայելը։ Որոշ տարածաշրջանային լրատվամիջոցներ հայտնում են նաև առանձին արաբական պետությունների հնարավոր մասնակցության մասին, սակայն այս տեղեկության հաստատում անկախ աղբյուրի կողմից դեռևս չկա:Հիշեցնենք` ԱՄՆ զինվորականները հուլիսի 7-ի լույս 8-ի գիշերը հզոր հարվածների շարք սկսեցին Իրանի ուղղությամբ։ ԱՄՆ ԶՈւ կենտրոնական հրամանատարությունը հայտարարեց, թե դա իբր արվել է ի պատասխան Հորմուզի նեղուցով անցնող առևտրային նավերի դեմ Իրանի գործողությունների։Իրանցի զինվորականները հայտնեցին Բահրեյնում և Քուվեյթում գտնվող ԱՄՆ ռազմաբազաներին հասցված պատասխան հարվածների մասին, Իրանի իշխանությունները Վաշինգտոնին մեղադրեցին ռազմական գործողությունների դադարեցման մասին հուշագիրը խախտելու մեջ։ Թեհրանը հայտարարեց, որ դադարեցնում է ԱՄՆ–ի հետ վերջնական կարգավորման շուրջ բանակցությունները։
իրանի իսլամական հանրապետություն
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, ամն, ավիահարված
իրանի իսլամական հանրապետություն, ամն, ավիահարված
Պայթյունների նոր շարք Իրանում. հարվածների տակ են երկրի հարավի ռազմավարական օբյեկտները
23:49 09.07.2026 (Թարմացված է: 00:15 10.07.2026) Նոր սրացումը տեղի է ունենում ԱՄՆ-ի և Իրանի միջև հարվածների փոխանակումից և Հորմուզի նեղուցի շուրջ իրավիճակի սրումից հետո տարածաշրջանում շարունակվող էսկալացիայի ֆոնին:
ԵՐԵՎԱՆ, 9 հուլիսի - Sputnik. Հուլիսի 9-ի երեկոյան Իրանի մի քանի քաղաքներում պայթյունների նոր շարք է որոտացել: Mehr գործակալության և իրանական այլ լրատվամիջոցների հաղորդմամբ՝ պայթյուններ են արձանագրվել Բանդար Աբասում, Բուշերում և Քոնարակում: Հաղորդումներ են ստացվում նաև Սիրիկի, Ջասկի շրջաններում և Ղեշմ կղզում հարվածների մասին:
Բանդար Աբասը Իրանի խոշորագույն ծովային նավահանգիստն է և առանցքային լոգիստիկ կենտրոնը Հորմուզի նեղուցում: Բուշերում է գտնվում երկրի միակ գործող ատոմային էլեկտրակայանը, սակայն այս պահին բուն ԱԷԿ-ի խոցման մասին տվյալներ չկան։ Եղած տեղեկությունների համաձայն՝ թիրախում կարող էին լինել նահանգի ռազմական օբյեկտները:
Նախնական տվյալներով՝ հարվածներ են հասցվել Իսլամական հեղափոխության պահապանների կորպուսի (ԻՀՊԿ) օբյեկտներին, հակաօդային պաշտպանության համակարգերին, ափամերձ ռադիոլոկացիոն կայաններին, ռազմածովային ենթակառուցվածքներին և հականավային հրթիռների արձակման կայանքներին: Ավերածությունների մասշտաբների և տուժածների մասին պաշտոնական տեղեկատվություն դեռևս չի հրապարակվել։
Տեղեկություններն այն մասին, թե ով է իրականացնում այս գործողությունը, այս պահի դրությամբ հակասական են: Նախօրեին ԱՄՆ նախագահ Դոնալդ Թրամփը հայտարարել էր, որ հրադադարի ռեժիմն այլևս չի գործում, ինչից հետո ԱՄՆ զինվորականները հաստատել էին Իրանի ռազմական օբյեկտներին հարվածներ հասցնելու փաստը:
Միևնույն ժամանակ, Axios լրատվականը՝ հղում անենալով ամերիկացի պաշտոնյային, հայտնում է, որ ԱՄՆ-ն կապ չունի շարունակվող գործողություններից մի քանիսի հետ: Իրանական և մերձավորարևելյան մի շարք աղբյուրներ պնդում են, որ ներկայիս հարվածներն իրականացնում է Իսրայելը։ Որոշ տարածաշրջանային լրատվամիջոցներ հայտնում են նաև առանձին արաբական պետությունների հնարավոր մասնակցության մասին, սակայն այս տեղեկության հաստատում անկախ աղբյուրի կողմից դեռևս չկա:
Հիշեցնենք` ԱՄՆ զինվորականները հուլիսի 7-ի լույս 8-ի գիշերը հզոր հարվածների շարք սկսեցին Իրանի ուղղությամբ։ ԱՄՆ ԶՈւ կենտրոնական հրամանատարությունը հայտարարեց, թե դա իբր արվել է ի պատասխան Հորմուզի նեղուցով անցնող առևտրային նավերի դեմ Իրանի գործողությունների։
Իրանցի զինվորականները
հայտնեցին Բահրեյնում և Քուվեյթում գտնվող ԱՄՆ ռազմաբազաներին հասցված պատասխան հարվածների մասին, Իրանի իշխանությունները Վաշինգտոնին մեղադրեցին ռազմական գործողությունների դադարեցման մասին հուշագիրը խախտելու մեջ։ Թեհրանը
հայտարարեց, որ դադարեցնում է ԱՄՆ–ի հետ վերջնական կարգավորման շուրջ բանակցությունները
։
