https://arm.sputniknews.ru/20260708/ruben-vardanjani-kiny-bac-namaknervov-dimel-e-pashinjanin-inch-e-khndrel-zvonabendy-104364333.html
Ռուբեն Վարդանյանի կինը բաց նամակներով դիմել է Փաշինյանին. ի՞նչ է խնդրել Զոնաբենդը
Ռուբեն Վարդանյանի կինը բաց նամակներով դիմել է Փաշինյանին. ի՞նչ է խնդրել Զոնաբենդը
Sputnik Արմենիա
Վերոնիկա Զոնաբենդը Բաքու այցի շրջանակում բաց նամակներ է հղել նաև միջազգային և պետական կառույցներին։ 08.07.2026, Sputnik Արմենիա
2026-07-08T14:47+0400
2026-07-08T14:47+0400
2026-07-08T14:48+0400
ռուբեն վարդանյան
վերոնիկա զոնաբենդ
բաքու
հայ գերիներ, անհետ կորածներ
ադրբեջան
հայ-ադրբեջանական
https://cdn.am.sputniknews.ru/img/07e8/0a/07/81571282_0:34:1600:934_1920x0_80_0_0_0baa8f1874175d47770d919004e1aa59.jpg
ԵՐԵՎԱՆ, 8 հուլիսի – Sputnik. Կանանց միջազգային մարդասիրական պատվիրակության նախապատրաստման շրջանակներում հայ բանտարկյալներին այցելելու համար բարերար Ռուբեն Վարդանյանի կինը` Վերոնիկա Զոնաբենդը բաց նամակներով դիմել է միջազգային և պետական կառույցների, պաշտոնյաների, այդ թվում ՀՀ վարչապետ Նիկոլ Փաշինյանին։ Այս մասին Զոնաբենդը հայտարարություն է տարածել։ Ավելի վաղ նա հայտարարել էր նոր մարդասիրական նախաձեռնության մասին, որի շրջանակում մտադիր է կազմակերպել կանանց միջազգային մարդասիրական պատվիրակության այց Բաքու։ «Նախաձեռնության նպատակը մնում է բացառապես մարդասիրական՝ հանդիպել Ադրբեջանի Մարդու իրավունքների պաշտպանի հետ, այցելել Ադրբեջանում պահվող ՀՀ քաղաքացիներին, նրանց փոխանցել նամակներ, լուսանկարներ և հարազատների կողմից թույլատրված անձնական իրեր»,– ասված է հայտարարությունում։ Զոնաբենդը բաց նամակով դիմել է Ադրբեջանի Մարդու իրավունքների հանձնակատար Սաբինա Ալիևային` խնդրելով աջակցել իր գրասենյակի հովանու ներքո այցի կազմակերպմանը և դրա անցկացման համար անհրաժեշտ պայմանների ստեղծմանը, իսկ ՀՀ վարչապետ Փաշինյանին դիմել է կառավարության կողմից այցի համակարգման և գործնական աջակցության խնդրանքով։Վարդանյանի կինը նաև ընդգծել է, որ Կարմիր խաչի միջազգային կոմիտեի նախագահ Միրիանա Սպոլյարիչ-Էգերին էլ դիմել է` խնդրելով դիտարկել ԿԽՄԿ-ի մանդատի շրջանակում աջակցություն, խորհրդատվական օժանդակություն կամ մասնակցություն ցուցաբերելու հնարավորությունը։ Զոնաբենդը բաց նամակ է հղել նաև ԵՄ արտաքին գործերի և անվտանգության քաղաքականության գերագույն ներկայացուցիչ Կայա Կալլասին` դիվանագիտական ուշադրության և եվրոպական կառույցների կողմից հնարավոր աջակցության խնդրանքով: Նրա խոսքով` առանձնահատուկ նշանակություն ունի հնարավոր այցի բոլոր փուլերի կանխատեսելիությունն ու համաձայնեցվածությունը` մուտքը Ադրբեջան, գերիների տեսակցության կազմակերպումը և պատվիրակության անդամների բարեհաջող վերադարձը։Հիշեցնենք՝ Արցախի նախկին պետնախարար Ռուբեն Վարդանյանը Հայաստան տեղափոխվելու ժամանակ ձերբակալվեց Լաչինի միջնացքով անցնելիս 2023 թ. սեպտեմբերի 27-ին։ 2026 թ. փետրվարի 17-ին Բաքվի դատարանը Ռուբեն Վարդանյանին 20 տարվա ազատազրկման դատապարտեց:
բաքու
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուբեն վարդանյան, վերոնիկա զոնաբենդ, բաքու, հայ գերիներ, անհետ կորածներ, ադրբեջան, հայ-ադրբեջանական
ռուբեն վարդանյան, վերոնիկա զոնաբենդ, բաքու, հայ գերիներ, անհետ կորածներ, ադրբեջան, հայ-ադրբեջանական
Ռուբեն Վարդանյանի կինը բաց նամակներով դիմել է Փաշինյանին. ի՞նչ է խնդրել Զոնաբենդը
14:47 08.07.2026 (Թարմացված է: 14:48 08.07.2026) Վերոնիկա Զոնաբենդը Բաքու այցի շրջանակում բաց նամակներ է հղել նաև միջազգային և պետական կառույցներին։
ԵՐԵՎԱՆ, 8 հուլիսի – Sputnik. Կանանց միջազգային մարդասիրական պատվիրակության նախապատրաստման շրջանակներում հայ բանտարկյալներին այցելելու համար բարերար Ռուբեն Վարդանյանի կինը` Վերոնիկա Զոնաբենդը բաց նամակներով դիմել է միջազգային և պետական կառույցների, պաշտոնյաների, այդ թվում ՀՀ վարչապետ Նիկոլ Փաշինյանին։ Այս մասին Զոնաբենդը
հայտարարություն է տարածել։
Ավելի վաղ նա հայտարարել էր նոր մարդասիրական նախաձեռնության մասին, որի շրջանակում մտադիր է կազմակերպել կանանց միջազգային մարդասիրական
պատվիրակության այց Բաքու։
«Նախաձեռնության նպատակը մնում է բացառապես մարդասիրական՝ հանդիպել Ադրբեջանի Մարդու իրավունքների պաշտպանի հետ, այցելել Ադրբեջանում պահվող ՀՀ քաղաքացիներին, նրանց փոխանցել նամակներ, լուսանկարներ և հարազատների կողմից թույլատրված անձնական իրեր»,– ասված է հայտարարությունում։
Զոնաբենդը բաց նամակով դիմել է Ադրբեջանի Մարդու իրավունքների հանձնակատար Սաբինա Ալիևային` խնդրելով աջակցել իր գրասենյակի հովանու ներքո այցի կազմակերպմանը և դրա անցկացման համար անհրաժեշտ պայմանների ստեղծմանը, իսկ ՀՀ վարչապետ Փաշինյանին դիմել է կառավարության կողմից այցի համակարգման և գործնական աջակցության խնդրանքով։
Վարդանյանի կինը նաև ընդգծել է, որ Կարմիր խաչի միջազգային կոմիտեի նախագահ Միրիանա Սպոլյարիչ-Էգերին էլ դիմել է` խնդրելով դիտարկել ԿԽՄԿ-ի մանդատի շրջանակում աջակցություն, խորհրդատվական օժանդակություն կամ մասնակցություն ցուցաբերելու հնարավորությունը։ Զոնաբենդը բաց նամակ է հղել նաև ԵՄ արտաքին գործերի և անվտանգության քաղաքականության գերագույն ներկայացուցիչ Կայա Կալլասին` դիվանագիտական ուշադրության և եվրոպական կառույցների կողմից հնարավոր աջակցության խնդրանքով:
«Երկարատև կալանքի տակ գտնվող մարդկանց համար նման նախաձեռնությունը մեծ նշանակություն ունի։ Նրանց առողջական վիճակը, պահման պայմանները և ընտանիքների հետ կապը չպետք է մատնվեն անուշադրության կամ կախված լինեն պատահականությունից»,– ասել է Զոնաբենդը։
Նրա խոսքով` առանձնահատուկ նշանակություն ունի հնարավոր այցի բոլոր փուլերի կանխատեսելիությունն ու համաձայնեցվածությունը` մուտքը Ադրբեջան, գերիների տեսակցության կազմակերպումը և պատվիրակության անդամների բարեհաջող վերադարձը։
Հիշեցնենք՝ Արցախի նախկին պետնախարար Ռուբեն Վարդանյանը Հայաստան տեղափոխվելու ժամանակ
ձերբակալվեց Լաչինի միջնացքով անցնելիս 2023 թ. սեպտեմբերի 27-ին։ 2026 թ. փետրվարի 17-ին
Բաքվի դատարանը Ռուբեն Վարդանյանին 20 տարվա ազատազրկման դատապարտեց:
