https://arm.sputniknews.ru/20260705/miasnutjan-tevery-skzbunqajin-anhamadzajnutjun-uni-sd-vorvoshman-het-104220773.html
«Միասնության թևերը» սկզբունքային անհամաձայնություն ունի ՍԴ որոշման հետ
«Միասնության թևերը» սկզբունքային անհամաձայնություն ունի ՍԴ որոշման հետ
Sputnik Արմենիա
Կուսակցությունը պատրաստ է գործուն մասնակցությունն ունենալ բոլոր այն գործընթացներում, որոնք ուղղված կլինեն Հայաստանում ընտրությունների լեգիտիմության ճգնաժամի... 05.07.2026, Sputnik Արմենիա
2026-07-05T11:00+0400
2026-07-05T11:00+0400
2026-07-05T11:00+0400
«միասնության թևեր» նախաձեռնություն
սահմանադրական դատարան
կենտրոնական ընտրական հանձնաժողով (կըհ)
ազգային ժողովի ընտրություններ
ընտրություններ
https://cdn.am.sputniknews.ru/img/07ea/06/1a/103869038_0:78:1500:922_1920x0_80_0_0_c5ffe3a06188e0e7723ffe0371b7b63e.jpg
ԵՐԵՎԱՆ, 5 հուլիսի – Sputnik. «Միասնության թևեր» կուսակցությունը հայտարարում է իր ամբողջական և սկզբունքային անհամաձայնությունը Սահմանադրական դատարանմի որոշումից հետո երկրում ստեղծված իրավիճակի հետ։ Այս մասին նշված է կուսակցության տարածած հաղորդագրության մեջ։Նշենք, որ հուլիսի 4-ին Սահմանադրական դատարանը մերժեց 2026 թ․ հունիսի 7-ի խորհրդարանական ընտրությունների արդյունքները վիճարկող դիմումները և ուժի մեջ թողեց Կենտրոնական ընտրական հանձնաժողովի որոշումը։Քաղաքական ուժն ընդգծում է, որ Սահմանադրական դատարանը, քննելով խորհրդարանական ընտրությունների արդյունքները վիճարկող դիմումները, շրջանցել է ներկայացված ծանրակշիռ փաստերը, չկատարելով իր հիմնական առաքելությունը՝ լինել Սահմանադրության պահապան և հանրային վստահության վերջին ինստիտուցիոնալ հենարան։Նշվում է, որ հունիսի 7-ի ընտրություններին համատարած էին այնպիսի արատավոր երևույթներ, որոնք քայքայում են ժողովրդավարության ու Սահմանադրության հիմքերը։«Այս որոշմամբ ՍԴ-ն տեր չկանգնեց Հայոց պետականության ու քաղաքացու իրավունքների պաշտպանությանը։ ՍԴ այսօրվա որոշումը քաղաքացուն ուղղված ուղերձ էր առ այն, որ իշխանության իրական աղբյուրն ամենևին էլ քաղաքացին չէ, և որ Սահմանադրության մեջ տեղ գտած այդ պահանջն իրականում ձևականություն է, իսկ իշխանությունների բաժանման ու հավասարակշռման սկզբունքը՝ պատրանք»։«ՍԴ այս որոշումը ՔՊ-ն ծառայեցնելու է իր նեղ քաղաքական շահերին և, որպես հիմք օգտագործելով, անցնելու է քաղաքական դիկտատուրայի ամրապնդմանը։ Նրանք փորձելու են սահմանադրական մեծամասնության բացակայությունը փոխհատուցել ոչ թե հանրային վստահությամբ, այլ գլխագողությամբ, ճնշումներով, ռեպրեսիաներով և քաղաքական դաշտի բռնի վերաձևավորմամբ»,–նշված է տեքստում։Հիշեցնենք` հունիսի 7-ին Հայաստանում ԱԺ ընտրություններ անցկացվեցին, որոնց մասնակցեց 16 կուսակցություն և 2 դաշինք։ Նախնական արդյունքներով ԲՀԿ–ն ստացել էր ընտրողների քվեների 4%–ը և կարող էր մտնել խորհրդարան։ Ավելի ուշ ԿԸՀ–ն անվավեր ճանաչեց 3 ընտրատեղամասերի քվեարկության արդյունքները, ինչի հետևանքով «Բարգավաճ Հայաստան» կուսակցությունը կորցրեց 213 քվե՝ փաստացի չկարողանալով հաղթահարել 4% անցողիկ շեմը։ Հունիսի 14–ին ԿԸՀ–ն հրապարակեց քվեարկության վերջնական արդյունքները, համաձայն որի` ԲՀԿ–ն չի անցնում խորհրդարան (58287 քվե կամ 3.9893%)։Ըստ ԿԸՀ-ի վերջնական արդյունքների՝ խորհրդարանում ՔՊ-ն կունենա 64 մանդատ, «Ուժեղ Հայաստանը»՝ 29, իսկ «Հայաստան» դաշինքը՝ 12 մանդատ:Հունիսի 19-ին 7 քաղաքական ուժեր դիմեցին ՍԴ՝ պահանջելով չեղյալ ճանաչել ընտրությունների արդյունքները։ ՍԴ–ում միավորված գործի դատաքննությունը մեկնարկեց հունիսի 26–ին, որոշումը հրապարակվեց հուլիսի 4-ին։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
«միասնության թևեր» նախաձեռնություն, սահմանադրական դատարան, կենտրոնական ընտրական հանձնաժողով (կըհ), ազգային ժողովի ընտրություններ, ընտրություններ
«միասնության թևեր» նախաձեռնություն, սահմանադրական դատարան, կենտրոնական ընտրական հանձնաժողով (կըհ), ազգային ժողովի ընտրություններ, ընտրություններ
«Միասնության թևերը» սկզբունքային անհամաձայնություն ունի ՍԴ որոշման հետ
Կուսակցությունը պատրաստ է գործուն մասնակցությունն ունենալ բոլոր այն գործընթացներում, որոնք ուղղված կլինեն Հայաստանում ընտրությունների լեգիտիմության ճգնաժամի քաղաքական հաղթահարմանը։
ԵՐԵՎԱՆ, 5 հուլիսի – Sputnik. «Միասնության թևեր» կուսակցությունը հայտարարում է իր ամբողջական և սկզբունքային անհամաձայնությունը Սահմանադրական դատարանմի որոշումից հետո երկրում ստեղծված իրավիճակի հետ։ Այս մասին նշված է
կուսակցության տարածած հաղորդագրության մեջ։
Նշենք, որ հուլիսի 4-ին Սահմանադրական դատարանը մերժեց 2026 թ․ հունիսի 7-ի խորհրդարանական ընտրությունների արդյունքները վիճարկող դիմումները և ուժի մեջ թողեց Կենտրոնական ընտրական հանձնաժողովի որոշումը։
«Մենք պատրաստ ենք մեր գործուն մասնակցությունն ունենալ բոլոր այն գործընթացներում, որոնք ուղղված կլինեն ընտրությունների լեգիտիմության ճգնաժամի քաղաքական հաղթահարմանը, ընտրական արդարության վերականգնմանը և Հայաստանի Հանրապետությունում սահմանադրականության ու ժողովրդավարության պաշտպանությանը»,–նշված է հաղորդագրության մեջ։
Քաղաքական ուժն ընդգծում է, որ Սահմանադրական դատարանը, քննելով խորհրդարանական ընտրությունների արդյունքները վիճարկող դիմումները, շրջանցել է ներկայացված ծանրակշիռ փաստերը, չկատարելով իր հիմնական առաքելությունը՝ լինել Սահմանադրության պահապան և հանրային վստահության վերջին ինստիտուցիոնալ հենարան։
Նշվում է, որ հունիսի 7-ի ընտրություններին համատարած էին այնպիսի արատավոր երևույթներ, որոնք քայքայում են ժողովրդավարության ու Սահմանադրության հիմքերը։
«Այս որոշմամբ ՍԴ-ն տեր չկանգնեց Հայոց պետականության ու քաղաքացու իրավունքների պաշտպանությանը։ ՍԴ այսօրվա որոշումը քաղաքացուն ուղղված ուղերձ էր առ այն, որ իշխանության իրական աղբյուրն ամենևին էլ քաղաքացին չէ, և որ Սահմանադրության մեջ տեղ գտած այդ պահանջն իրականում ձևականություն է, իսկ իշխանությունների բաժանման ու հավասարակշռման սկզբունքը՝ պատրանք»։
«Միասնության թևերը» վստահ է, որ ՍԴ որոշումը նաև ծածկում է քաղաքական համակարգի արատավոր և քրոնիկ խնդիրները՝ ընտրակաշառքներով, ճնշումներով, վարչական ռեսուրսների չարաշահումներով ընտրությունների վտանգավոր պրակտիկան։ Սահմանադրական դատարանի որոշմամբ այդ երևույթները փաստացի օրինականացվում է, իսկ այդ արատավոր մեխանիզմները դառնում հանդուրժելի։
«ՍԴ այս որոշումը ՔՊ-ն ծառայեցնելու է իր նեղ քաղաքական շահերին և, որպես հիմք օգտագործելով, անցնելու է քաղաքական դիկտատուրայի ամրապնդմանը։ Նրանք փորձելու են սահմանադրական մեծամասնության բացակայությունը փոխհատուցել ոչ թե հանրային վստահությամբ, այլ գլխագողությամբ, ճնշումներով, ռեպրեսիաներով և քաղաքական դաշտի բռնի վերաձևավորմամբ»,–նշված է տեքստում։
Հիշեցնենք` հունիսի 7-ին Հայաստանում ԱԺ ընտրություններ անցկացվեցին, որոնց մասնակցեց 16 կուսակցություն և 2 դաշինք։ Նախնական արդյունքներով ԲՀԿ–ն ստացել էր ընտրողների քվեների 4%–ը և կարող էր մտնել խորհրդարան։ Ավելի ուշ ԿԸՀ–ն
անվավեր ճանաչեց 3 ընտրատեղամասերի քվեարկության արդյունքները, ինչի հետևանքով «Բարգավաճ Հայաստան» կուսակցությունը կորցրեց 213 քվե՝ փաստացի չկարողանալով հաղթահարել 4% անցողիկ շեմը։ Հունիսի 14–ին ԿԸՀ–ն հրապարակեց քվեարկության վերջնական
արդյունքները, համաձայն որի` ԲՀԿ–ն չի անցնում խորհրդարան (58287 քվե կամ 3.9893%)։
Ըստ ԿԸՀ-ի վերջնական արդյունքների՝ խորհրդարանում ՔՊ-ն կունենա 64 մանդատ, «Ուժեղ Հայաստանը»՝ 29, իսկ «Հայաստան» դաշինքը՝ 12 մանդատ:
Հունիսի 19-ին 7 քաղաքական ուժեր դիմեցին ՍԴ՝ պահանջելով չեղյալ ճանաչել ընտրությունների արդյունքները։ ՍԴ–ում միավորված գործի դատաքննությունը մեկնարկեց հունիսի 26–ին, որոշումը հրապարակվեց հուլիսի 4-ին։
