https://arm.sputniknews.ru/20260625/trampy-hajtararel-e-vor-karvogh-e-urakhacnel-turqiajin-f35-eri-matakararman-harcum-103814291.html
Թրամփը հայտարարել է, որ կարող է ուրախացնել Թուրքիային F–35-երի մատակարարման հարցում
Թրամփը հայտարարել է, որ կարող է ուրախացնել Թուրքիային F–35-երի մատակարարման հարցում
Sputnik Արմենիա
ԱՄՆ առաջնորդը նշել է, որ հուլիսին Անկարայում ՆԱՏՕ-ի գագաթնաժողովին կմասնակցի միայն Թուրքիայի նախագահի նկատմամբ հարգանքից ելնելով։ 25.06.2026, Sputnik Արմենիա
2026-06-25T09:50+0400
2026-06-25T09:50+0400
2026-06-25T10:42+0400
դոնալդ թրամփ
https://cdn.am.sputniknews.ru/img/2092/87/20928717_0:0:2855:1606_1920x0_80_0_0_adaf781dfae2e42c88ed892ebdb3f665.jpg
ԵՐԵՎԱՆ, 25 հունիսի – Sputnik. ԱՄՆ նախագահ Դոնալդ Թրամփը, պատասխանելով Թուրքիային F-35 կործանիչների և F-110 շարժիչների հնարավոր մատակարարման մասին հարցին, հայտարարել է, որ կարող է ուրախացնել Անկարային իր առաջիկա այցի ընթացքում։Հունիսի 24-ին Թրամփը ՆԱՏՕ-ի գլխավոր քարտուղար Մարկ Ռյուտեի հետ Սպիտակ տանը հանդիպում է անցկացրել, որի ընթացքում պատասխանել է լրատվամիջոցների հարցերին։«Կարծում եմ՝ այո։ Նա (Թուրքիայի նախագահ Ռեջեփ Թայիփ Էրդողանը – խմբ.) ՆԱՏՕ-ի անդամ է... Նա ՆԱՏՕ-ի ուժեղ անդամ է։ Այո, ես հավանաբար կանեմ մի բան, որը նրան շատ կուրախացնի», – լրագրողներին ասել է ԱՄՆ առաջնորդը՝ պատասխանելով համապատասխան հարցին։Նրա խոսքով` մարդիկ չեն հասկանում, թե որքան ուժեղ է Թուրքիան ռազմական առումով։«Դա շատ ուժեղ բանակ է», – վստահ է Ամերիկայի նախագահը։Թրամփը հայտարարել է, որ կմասնակցի Անկարայում կայանալիք ՆԱՏՕ-ի հուլիսյան գագաթնաժողովին միայն Թուրքիայի նախագահ Ռեջեփ Թայիփ Էրդողանի նկատմամբ հարգանքից ելնելով։Թրամփի խոսքով՝ ինքը զրույց է ունեցել Էրդողանի հետ, որի ընթացքում Թուրքիայի նախագահն անձամբ խնդրել է նրան մասնակցել ՆԱՏՕ-ի առաջիկա գագաթնաժողովին։Ավելի վաղ Թուրքիայի իշխանությունները բազմիցս հայտարարել են` ակնկալում են, որ ԱՄՆ առաջնորդը կմասնակցի ՆԱՏՕ-ի գագաթնաժողովին, որը տեղի կունենա Անկարայում հուլիսի 7-8-ը։2017 թվականին Թուրքիան պայմանագիր է կնքել Ռուսաստանի հետ Ս-400 համակարգերի մատակարարման համար, որը ստացել է 2019 թվականի ամռան-աշնանը։ ԱՄՆ-ն պահանջել էր, որ Անկարան հրաժարվի ռուսական համակարգերից՝ հօգուտ Patriot համակարգերի, սակայն Անկարան հրաժարվել է։ Դրանից հետո Վաշինգտոնը Թուրքիային հանել էր F-35 նորագույն կործանիչների մատակարարման ծրագրից և պատժամիջոցներ էր սահմանել պաշտպանական արդյունաբերության ղեկավարների նկատմամբ՝ «Ամերիկայի հակառակորդներին պատժամիջոցների միջոցով հակազդելու մասին» օրենքի (CAATSA) համաձայն։ 2025 թվականի դեկտեմբերին Թուրքիայի արտգործնախարար Հաքան Ֆիդանը հայտնեց, որ ԱՄՆ նախագահը կարգադրել է սկսել CAATSA պատժամիջոցները վերացնելու գործընթացը։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
դոնալդ թրամփ
Թրամփը հայտարարել է, որ կարող է ուրախացնել Թուրքիային F–35-երի մատակարարման հարցում
09:50 25.06.2026 (Թարմացված է: 10:42 25.06.2026) ԱՄՆ առաջնորդը նշել է, որ հուլիսին Անկարայում ՆԱՏՕ-ի գագաթնաժողովին կմասնակցի միայն Թուրքիայի նախագահի նկատմամբ հարգանքից ելնելով։
ԵՐԵՎԱՆ, 25 հունիսի – Sputnik. ԱՄՆ նախագահ Դոնալդ Թրամփը, պատասխանելով Թուրքիային F-35 կործանիչների և F-110 շարժիչների հնարավոր մատակարարման մասին հարցին, հայտարարել է, որ կարող է ուրախացնել Անկարային իր առաջիկա այցի ընթացքում։
Հունիսի 24-ին Թրամփը ՆԱՏՕ-ի գլխավոր քարտուղար Մարկ Ռյուտեի հետ Սպիտակ տանը հանդիպում է անցկացրել, որի ընթացքում պատասխանել է լրատվամիջոցների հարցերին։
«Կարծում եմ՝ այո։ Նա (Թուրքիայի նախագահ Ռեջեփ Թայիփ Էրդողանը – խմբ.) ՆԱՏՕ-ի անդամ է... Նա ՆԱՏՕ-ի ուժեղ անդամ է։ Այո, ես հավանաբար կանեմ մի բան, որը նրան շատ կուրախացնի», – լրագրողներին ասել է ԱՄՆ առաջնորդը՝ պատասխանելով համապատասխան հարցին։
Նրա խոսքով` մարդիկ չեն հասկանում, թե որքան ուժեղ է Թուրքիան ռազմական առումով։
«Դա շատ ուժեղ բանակ է», – վստահ է Ամերիկայի նախագահը։
Թրամփը հայտարարել է, որ կմասնակցի Անկարայում կայանալիք ՆԱՏՕ-ի հուլիսյան գագաթնաժողովին միայն Թուրքիայի նախագահ Ռեջեփ Թայիփ Էրդողանի նկատմամբ հարգանքից ելնելով։
«Ես չէի մեկնի (գագաթնաժողովին մասնակցող մարդկանց) մեծամասնության համար, բայց նա (Էրդողանը – խմբ.) ինձ կանչել է… Ես կմեկնեմ նախագահի նկատմամբ հարգանքից ելնելով», – ասել է ԱՄՆ նախագահը։
Թրամփի խոսքով՝ ինքը զրույց է ունեցել Էրդողանի հետ, որի ընթացքում Թուրքիայի նախագահն անձամբ խնդրել է նրան մասնակցել ՆԱՏՕ-ի առաջիկա գագաթնաժողովին։
Ավելի վաղ Թուրքիայի իշխանությունները բազմիցս հայտարարել են` ակնկալում են, որ ԱՄՆ առաջնորդը կմասնակցի ՆԱՏՕ-ի գագաթնաժողովին, որը տեղի կունենա Անկարայում հուլիսի 7-8-ը։
2017 թվականին Թուրքիան պայմանագիր է կնքել Ռուսաստանի հետ Ս-400 համակարգերի մատակարարման համար, որը ստացել է 2019 թվականի ամռան-աշնանը։ ԱՄՆ-ն պահանջել էր, որ Անկարան հրաժարվի ռուսական համակարգերից՝ հօգուտ Patriot համակարգերի, սակայն Անկարան հրաժարվել է։ Դրանից հետո Վաշինգտոնը Թուրքիային հանել էր F-35 նորագույն կործանիչների մատակարարման ծրագրից և պատժամիջոցներ էր սահմանել պաշտպանական արդյունաբերության ղեկավարների նկատմամբ՝ «Ամերիկայի հակառակորդներին պատժամիջոցների միջոցով հակազդելու մասին» օրենքի (CAATSA) համաձայն։ 2025 թվականի դեկտեմբերին Թուրքիայի արտգործնախարար Հաքան Ֆիդանը հայտնեց, որ ԱՄՆ նախագահը կարգադրել է սկսել CAATSA պատժամիջոցները վերացնելու գործընթացը։
