Քրեական հեղինակություն Արմեն Կիլինկարովի նկատմամբ հետախուզում է հայտարարվել. մանրամասներ
18:03 10.06.2026 (Թարմացված է: 19:11 10.06.2026)
© Sputnik / Алексей Мальгавко
/ Բաժանորդագրվել
Ըստ հաղորդագրության՝ «օրենքով գողը» գումարի դիմաց օգտագործել է իր անօրինական ազդեցությունը՝ մասնավոր վեճերը լուծելու համար։
ԵՐԵՎԱՆ, 10 հունիսի – Sputnik․ Քրեական աստիճանակարգության բարձրագույն աստիճան ունեցող տղամարդու նկատմամբ խափանման միջոց է ընտրվել կալանավորումը, հայտարարվել է հետախուզում։ Այս մասին հայտնում է ՀՀ քննչական կոմիտեն։
Կոմիտեի հաղորդմամբ՝ պարզվել է, որ Տ․Ու.-ն շուրջ 4 տարի առաջ Ա․Հ.-ին և երկու եղբայրներին ունեցած 3 մլն 300 հզր ՀՀ դրամ պարտքի վերադարձման հարցը լուծելու նպատակով դիմել է քրեական աստիճանակարգության բարձրագույն կարգավիճակ ունեցող անձի` Ալավերդի քաղաքի բնակիչ Ա․Կ․-ի մտերիմ Ա․Ա․-ին, ապա Ա․Փ․-ի միջնորդությամբ՝ նաև հենց Ա․Կ․-ին (մեր տեղեկություններով՝ Արմեն Կիլինկարովին, որը քրական աշխարհում հենց ազգանունով է հայտնի– խմբ․)։
Այսպես կոչված «օրենքով գողը» 1 մլն 300 հզր ՀՀ դրամ ստանալու դիմաց իր անօրինական ազդեցությունն օգտագործել է՝ մասնավոր վեճը լուծելու համար:
Հետագայում Տ․Ու․-ն կրկին դիմել է Ա․Կ-ին՝ այլ մասնավոր խնդիրներ լուծելու համար։
Տ․Ու.-ի նկատմամբ հարուցվել է հանրային քրեական հետապնդում՝ Քրեական օրենսգրքի 325-րդ հոդվածի 1-ին մասով (քրեական ենթամշակույթ կրող խմբավորման մասնակցին կամ քրեական աստիճանակարգության բարձրագույն կարգավիճակ ունեցող անձին դիմելը) (2 դրվագ), Ա․Փ․-ի և Ա․Ա․-ի նկատմամբ՝ 324-րդ հոդվածի 1-ին մասով (քրեական ենթամշակույթ կրող խմբավորմանը մասնակցելը կամ ներգրավելը), իսկ Ա․Կ․-ի նկատմամբ՝ 196-րդ հոդվածի 2-րդ մասի 5-րդ կետով (մի խումբ անձանց կողմից ֆիզիկական ուժեղ ցավ կամ հոգեկան ուժեղ տառապանք պատճառելը) 322-րդ հոդվածի 1-ին մասով (քրեական աստիճանակարգության բարձրագույն կարգավիճակ տալը կամ ստանալը կամ պահպանելը) և 323-րդ հոդվածի 2-րդ մասի 5-րդ կետով (քրեական ենթամշակույթ կրող խմբավորում ստեղծելը կամ ղեկավարելը):
Տ․Ու.-ի նկատմամբ հարուցվել է հանրային քրեական հետապնդում՝ Քրեական օրենսգրքի 325-րդ հոդվածի 1-ին մասով (քրեական ենթամշակույթ կրող խմբավորման մասնակցին կամ քրեական աստիճանակարգության բարձրագույն կարգավիճակ ունեցող անձին դիմելը) (2 դրվագ), Ա․Փ․-ի և Ա․Ա․-ի նկատմամբ՝ 324-րդ հոդվածի 1-ին մասով (քրեական ենթամշակույթ կրող խմբավորմանը մասնակցելը կամ ներգրավելը), իսկ Ա․Կ․-ի նկատմամբ՝ 196-րդ հոդվածի 2-րդ մասի 5-րդ կետով (մի խումբ անձանց կողմից ֆիզիկական ուժեղ ցավ կամ հոգեկան ուժեղ տառապանք պատճառելը) 322-րդ հոդվածի 1-ին մասով (քրեական աստիճանակարգության բարձրագույն կարգավիճակ տալը կամ ստանալը կամ պահպանելը) և 323-րդ հոդվածի 2-րդ մասի 5-րդ կետով (քրեական ենթամշակույթ կրող խմբավորում ստեղծելը կամ ղեկավարելը):
Տ․Ու.-ի, Ա․Ա․-ի և Ա․Փ․-ի վերաբերյալ քրեական վարույթը մեղադրական եզրակացությամբ ուղարկվել է հսկող դատախազին:
