ՀՀ ԱԱԾ–ն ձերբակալել է «գող Բջեին» և «Տեցիկին»
15:02 06.06.2026 (Թարմացված է: 15:10 06.06.2026)
© Sputnik / Табылды Кадырбеков
/ Բաժանորդագրվել
«Գող Բջեին» և «Տեցիկին» կալանավորելու միջնորդություններ են ներկայացվել դատարան:
ԵՐԵՎԱՆ, 6 հունիսի – Sputnik. ՀՀ ազգային անվտանգության ծառայության աշխատակիցները ձերբակալել են քրեական աստիճանակարգության բարձրագույն կարգավիճակ ունեցող «գող Բջեին»։ Տեղեկությունը հայտնում է ՀՀ քննչական կոմիտեն։ Նույն գործով ձերբակալվել է նաև «Տեցիկ» կեղծանունով հայտնի Ա.Հ.-ն։
Ըստ ՔԿ–ի` «Տեցիկ» կեղծանունով հայտնի Ա.Հ.–ն դիմել է քրեական աստիճանակարգության բարձրագույն կարգավիճակ ունեցող Վ.Հ.–ին (Վարդան Հարությունյան. «գող Բջե»), որպեսզի լուծի իր և և «Գոջո» կեղծանունով հայտնի Ս.Պ.-ի միջև առաջացած մասնավոր հարցը։
«Գող Բջեն» «Տեցիկին» հրահանգել է նախկինում քրեական վարույթների շրջանակում քրեական ենթամշակույթ կրող անձանց վրա ցուցմունքներ տալու համար «Գոջոյին» ճանաչել որպես վարկաբեկված, պատվազուրկ անձ և պատժել:
Վ.Հ.-ի նկատմամբ հանրային քրեական հետապնդում է հարուցվել ՔՕ 322-րդ հոդվածի 1-ին մասով (քրեական աստիճանակարգության բարձրագույն կարգավիճակ տալը կամ ստանալը կամ պահպանելը), Ա.Հ.-ի նկատմամբ՝ 324-րդ հոդվածի 1-ին մասով (քրեական ենթամշակույթ կրող խմբավորմանը մասնակցելը կամ ներգրավելը):
«Գող Բջեն» «Տեցիկին» հրահանգել է նախկինում քրեական վարույթների շրջանակում քրեական ենթամշակույթ կրող անձանց վրա ցուցմունքներ տալու համար «Գոջոյին» ճանաչել որպես վարկաբեկված, պատվազուրկ անձ և պատժել:
Վ.Հ.-ի նկատմամբ հանրային քրեական հետապնդում է հարուցվել ՔՕ 322-րդ հոդվածի 1-ին մասով (քրեական աստիճանակարգության բարձրագույն կարգավիճակ տալը կամ ստանալը կամ պահպանելը), Ա.Հ.-ի նկատմամբ՝ 324-րդ հոդվածի 1-ին մասով (քրեական ենթամշակույթ կրող խմբավորմանը մասնակցելը կամ ներգրավելը):
Վ.Հ.-ի և Ա.Հ.-ի նկատմամբ կալանքը որպես խափանման միջոց կիրառելու վերաբերյալ միջնորդություններ են ներկայացվել դատարան:
