https://arm.sputniknews.ru/20260610/hhi-sparvoghakan-mvotecumn-anynduneli-e-zakharvovan-emeatm-yntrutjan-masin-103333009.html

ՀՀ–ի սպառողական մոտեցումն անընդունելի է. Զախարովան՝ ԵՄ–ԵԱՏՄ ընտրության մասին

ՀՀ–ի սպառողական մոտեցումն անընդունելի է. Զախարովան՝ ԵՄ–ԵԱՏՄ ընտրության մասին

Sputnik Արմենիա

ՌԴ արտգործնախարարության ներկայացուցիչն ընդգծել է` հնարավոր չէ օգտվել ԵԱՏՄ արտոնություններից և միաժամանակ պատրաստվել ԵՄ անդամակցությանը։ 10.06.2026, Sputnik Արմենիա

2026-06-10T14:58+0400

2026-06-10T14:58+0400

2026-06-10T15:00+0400

ռուսաստան

հայաստան

եվրասիական տնտեսական միություն (եատմ)

եվրամիություն

մարիա զախարովա

տեսանյութ

տեսանյութեր

https://cdn.am.sputniknews.ru/img/07ea/06/0a/103331201_0:0:1920:1080_1920x0_80_0_0_f30d22782e1fad626f138bc460b2b8e0.jpg

ԵՐԵՎԱՆ, 10 հունիսի – Sputnik. Ռուսաստանի համար անընդունելի է Երևանի սպառողական մոտեցումը ԵԱՏՄ-ի և Եվրամիության միջև ընտրության հարցում, երբ երկիրը հույս ունի միաժամանակ օգտվել Եվրասիական ինտեգրման առավելություններից և պատրաստվել ԵՄ անդամակցությանը: Այսօրվա ճեպազրույցի ժամանակ այս հայտարարությունն արեց ՌԴ ԱԳՆ պաշտոնական ներկայացուցիչ Մարիա Զախարովան։Նրա խոսքով՝ Հայաստանի իշխանությունները փորձում են համոզել քաղաքացիներին, որ առայժմ պետք չէ ընտրություն կատարել ԵԱՏՄ-ի և ԵՄ-ի միջև։Ավելի վաղ Կրեմլում հայտարարել էին, որ Եվրամիության հետ ինտեգրվելու ձգտումը Հայաստանի ինքնիշխան իրավունքն է, սակայն Երևանը չի կարող և չպետք է իրականացնի այդ գիծը ԵԱՏՄ երկրների հաշվին:Մայիսի 29-ին Աստանայում կայացած գագաթնաժողովի ժամանակ ԵԱՏՄ անդամ երկրների ղեկավարները Հայաստանի վերաբերյալ հայտարարություն ընդունեցին, որում խոսվում է ԵՄ–ին անդամակցելու կամ ԵԱՏՄ–ում մնալու հարցով հնարավորինս շուտ հանրաքվե անցկացնելու մասին։ ՌԴ նախագահ Վլադիմիր Պուտինն Աստանայում կայացած գագաթնաժողովից հետո հայտարարեց, որ Հայաստանը ԵԱՏՄ-ից դուրս գալու դեպքում կարող է կորցնել ՀՆԱ-ի 14 տոկոսը:ՀՀ վարչապետ Նիկոլ Փաշինյանն ավելի վաղ հայտարարել էր, որ Հայաստանը երջանիկ կլինի, եթե իրեն ընդունեն Եվրամիություն, բայց միևնույն ժամանակ նշել էր, որ Հայաստանը շարունակում է մնալ ԵԱՏՄ լիիրավ անդամ, և երկու միավորումների միջև ընտրության հարցը որոշելու է ժողովուրդը, ոչ թե երկրի ղեկավարությունը:Մայիսի 9-ին Ռուսաստանի նախագահ Վլադիմիր Պուտինն ասուլիսի ժամանակ ասաց՝ կարծում է, որ թե՛ ՀՀ քաղաքացիների, թե՛ Մոսկվայի՝ գլխավոր տնտեսական գործընկերոջ հանդեպ ճիշտ կլիներ, որ պաշտոնական Երևանը հնարավորինս արագ կողմնորոշվեր ԵՄ-ին անդամակցելու հարցում։Փաշինյանը մայիսի 11-ին հայտարարեց, որ Հայաստանը մնում է ԵԱՏՄ լիարժեք անդամ, իսկ այդ հարցով հանրաքվեի անցկացումը հնարավոր է միայն «օբյեկտիվ անհրաժեշտության» դեպքում: Դրանից հետո ՌԴ փոխվարչապետ Ալեքսեյ Օվերչուկը հայտարարեց, որ Հայաստանում ինչ-որ աշխատանք է տարվում ԵՄ չափանիշներին անցնելու ուղղությամբ, և եթե ՀՀ–ն սկսի փոփոխություններ մտցնել տեխնիկական կանոնակարգերում, դա արդեն որոշակի սպառնալիքներ կստեղծի ԵԱՏՄ-ի համար:Եվրասիական տնտեսական միությունը ստեղծվել է 12 տարի առաջ։ Միավորման անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը։ Ստեղծումից ի վեր ԵԱՏՄ անդամ պետությունների ընդհանուր ՀՆԱ-ն 1.6 տրիլիոն դոլարից աճել է մինչև 3.01 տրիլիոն դոլար, անդամ պետությունների միջև փոխադարձ առևտրի ծավալը կրկնապատկվել է, իսկ երրորդ երկրների հետ առևտրաշրջանառությունն աճել է 72%-ով։ Մինչև 2025 թվականի ավարտը միության ՀՆԱ-ն, կանխատեսումների համաձայն, կաճի 1.7%-ով։

2026

Լուրեր

am_HY

ռուսաստան, հայաստան, եվրասիական տնտեսական միություն (եատմ), եվրամիություն, մարիա զախարովա, տեսանյութ, տեսանյութեր, видео