ԵՐԵՎԱՆ, 9 հունիսի – Sputnik. Ադրբեջանի վերաքննիչ դատարանում, որտեղ քննվում են հայ գերիների բողոքները, այսօր մեկնարկել են կողմերի ելույթները: Այս մասին հայտնում են ադրբեջանական լրատվամիջոցները։Նշվում է, որ գերիներին տրամադրվել է ինչ-որ «փաստաթղթերի» թարգմանություն, որը նրանք պահանջել էին նախորդ նիստի ժամանակ։Արցախի ԱԺ նախկին նախագահ Դավիթ Իշխանյանը մայիսի 26-ի դատական նիստի արձանագրությանը ծանոթանալու ցանկություն է հայտնել։ Նախագահող դատավորը պատասխանել է, որ դրա համար պետք է դիմել դատարան։Ելույթների համար խոսքը տրվել է «պաշտպանական կողմին»։ Բայց բացի Արցախի նախկին նախագահ Արայիկ Հարությունյանի «պաշտպանից», մյուս փաստաբանները, ըստ ադրբեջանական լրատվամիջոցների, դատարանին խնդրել են «դատավարությունը» հետաձգել ելույթներին նախապատրաստվելու համար:Իշխանյանն ու Արցախի ՊԲ նախկին փոխհրամանատար Դավիթ Մանուկյանը դատարանին խնդրել են շարունակել «դատավարությունը»:Հայտարարվել է ընդմիջում, որի ընթացքում որոշ գերիներ «կոնֆիդենցիալ հանդիպումներ» են ունեցել իրենց «պաշտպանների» հետ։Այնուհետև նախագահող դատավորը հայտարարել է, որ պայմաններ կստեղծվեն այն անձանց համար, որոնք ցանկանում են ելույթ ունենալ նիստի ընթացքում: Մյուսներին ելույթներ նախապատրաստելու համար ժամանակ կտրվի:Դրանից հետո ելույթ է ունեցել Արայիկ Հարությունյանի «պաշտպան» Անար Մամեդովը։ Նա դատարանին միջնորդել է արդարացնել իր պաշտպանյալին։ Արցախի նախկին նախագահը պաշտպանել է «փաստաբանի» դիրքորոշումը։Վերաքննիչ դատարանի հաջորդ նիստը տեղի կունենա հունիսի 16-ին:Հիշեցնենք` պաշտոնական տվյալներով` Ադրբեջանում 19 հայ գերի կա։ Արցախի նախկին ռազմաքաղաքական առաջնորդների գործով «դատավարությունը», որը Բաքվում սկսվել էր 2025 թվականի հունվարին, ավարտվեց այս տարվա փետրվարի 5–ին, և հրապարակվեցին դատավճիռները` ցմահ ազատազրկման դատապարտվեցին Արցախի Հանրապետության նախկին նախագահ Արայիկ Հարությունյանը, ՊԲ նախկին հրամանատար Լևոն Մնացականյանը և ՊԲ հրամանատարի նախկին տեղակալ Դավիթ Մանուկյանը։ Արցախի նախկին նախագահներ Արկադի Ղուկասյանն ու Բակո Սահակյանը դատապարտվեցին 20 տարվա ազատազրկման։Քաղաքացիական գերիներ Մադաթ Բաբայանը և Մելքիսեթ Փաշայանը դատապարտվեցին 19 տարվա ազատազրկման, Գարիկ Մարտիրոսյանը՝ 18, Դավիթ Ալահվերդյանը և Լևոն Բալայանը՝ 16, Էրիկ Ղազարյանը, Գուրգեն Ստեփանյանը, Վասիլ Բեգլարյանը՝ 15 տարվա ազատազրկման։Արցախի նախկին պետնախարար Ռուբեն Վարդանյանի «գործը» քննվում էր առանձնացված վարույթով։ Փետրվարի 17-ին Բաքվի դատարանը Ռուբեն Վարդանյանին 20 տարվա ազատազրկման դատապարտեց: Ապրիլի 28-ին հայտնի դարձավ, որ նրան այլ հայ գերիների հետ տեղափոխել են Բաքվի Ղարադաղի շրջանի Ումբակի բանտային համալիր:
Վերաքննիչ դատարանի հաջորդ նիստը տեղի կունենա հունիսի 16-ին:
ԵՐԵՎԱՆ, 9 հունիսի – Sputnik. Ադրբեջանի վերաքննիչ դատարանում, որտեղ քննվում են հայ գերիների բողոքները, այսօր մեկնարկել են կողմերի ելույթները: Այս մասին հայտնում են ադրբեջանական լրատվամիջոցները։
Նշվում է, որ գերիներին տրամադրվել է ինչ-որ «փաստաթղթերի» թարգմանություն, որը նրանք պահանջել էին նախորդ նիստի ժամանակ։
Արցախի ԱԺ նախկին նախագահ Դավիթ Իշխանյանը մայիսի 26-ի դատական նիստի արձանագրությանը ծանոթանալու ցանկություն է հայտնել։ Նախագահող դատավորը պատասխանել է, որ դրա համար պետք է դիմել դատարան։
Ելույթների համար խոսքը տրվել է «պաշտպանական կողմին»։ Բայց բացի Արցախի նախկին նախագահ Արայիկ Հարությունյանի «պաշտպանից», մյուս փաստաբանները, ըստ ադրբեջանական լրատվամիջոցների, դատարանին խնդրել են «դատավարությունը» հետաձգել ելույթներին նախապատրաստվելու համար:
Իշխանյանն ու Արցախի ՊԲ նախկին փոխհրամանատար Դավիթ Մանուկյանը դատարանին խնդրել են շարունակել «դատավարությունը»:
Հայտարարվել է ընդմիջում, որի ընթացքում որոշ գերիներ «կոնֆիդենցիալ հանդիպումներ» են ունեցել իրենց «պաշտպանների» հետ։
Այնուհետև նախագահող դատավորը հայտարարել է, որ պայմաններ կստեղծվեն այն անձանց համար, որոնք ցանկանում են ելույթ ունենալ նիստի ընթացքում: Մյուսներին ելույթներ նախապատրաստելու համար ժամանակ կտրվի:
Դրանից հետո ելույթ է ունեցել Արայիկ Հարությունյանի «պաշտպան» Անար Մամեդովը։ Նա դատարանին միջնորդել է արդարացնել իր պաշտպանյալին։ Արցախի նախկին նախագահը պաշտպանել է «փաստաբանի» դիրքորոշումը։
Վերաքննիչ դատարանի հաջորդ նիստը տեղի կունենա հունիսի 16-ին:
Հիշեցնենք` պաշտոնական տվյալներով` Ադրբեջանում 19 հայ գերի կա։ Արցախի նախկին ռազմաքաղաքական առաջնորդների գործով «դատավարությունը», որը Բաքվում սկսվել էր 2025 թվականի հունվարին, ավարտվեց այս տարվա փետրվարի 5–ին, և հրապարակվեցին դատավճիռները` ցմահ ազատազրկման դատապարտվեցին Արցախի Հանրապետության նախկին նախագահ Արայիկ Հարությունյանը, ՊԲ նախկին հրամանատար Լևոն Մնացականյանը և ՊԲ հրամանատարի նախկին տեղակալ Դավիթ Մանուկյանը։ Արցախի նախկին նախագահներ Արկադի Ղուկասյանն ու Բակո Սահակյանը դատապարտվեցին 20 տարվա ազատազրկման։
Քաղաքացիական գերիներ Մադաթ Բաբայանը և Մելքիսեթ Փաշայանը դատապարտվեցին 19 տարվա ազատազրկման, Գարիկ Մարտիրոսյանը՝ 18, Դավիթ Ալահվերդյանը և Լևոն Բալայանը՝ 16, Էրիկ Ղազարյանը, Գուրգեն Ստեփանյանը, Վասիլ Բեգլարյանը՝ 15 տարվա ազատազրկման։
