https://arm.sputniknews.ru/20260608/qveneri-hashvarki-kargy-anhimn-bardacvats-er-rd-kyh-nerkajacucichy-hh-azh-yntrutjan-masin-103248599.html

Քվեների հաշվարկի կարգը անհիմն բարդացված էր. ՌԴ ԿԸՀ ներկայացուցիչը` ՀՀ ԱԺ ընտրության մասին

Քվեների հաշվարկի կարգը անհիմն բարդացված էր. ՌԴ ԿԸՀ ներկայացուցիչը` ՀՀ ԱԺ ընտրության մասին

Sputnik Արմենիա

Դիտորդների հատուկ ուշադրությանն էր արժանացել նաև զինվորականների մեծ խմբերի կողմից քվեարկության կազմակերպումը ընտրատեղամասերում։ 08.06.2026, Sputnik Արմենիա

2026-06-08T14:02+0400

2026-06-08T14:02+0400

2026-06-08T14:22+0400

տեսանյութեր

տեսանյութ

ընտրություններ

ազգային ժողովի ընտրություններ

անկախ պետությունների համագործակցություն (ապհ)

ռուսաստան

հայաստան-ռուսաստան համագործակցություն

դիտորդ

դիտորդական առաքելություն

https://cdn.am.sputniknews.ru/img/07ea/06/08/103243366_0:0:1920:1080_1920x0_80_0_0_50606f84a2df3f12fcf5cff0e9a16955.jpg

ԵՐԵՎԱՆ, 8 հունիսի – Sputnik. Ռուսաստանի Կենտրոնական ընտրական հանձնաժողովի անդամ Լյուդմիլա Մարկինան նշել է ՀՀ–ում տեղամասային ընտրական հանձնաժողովների ներկայացուցիչների կողմից ձայների հաշվարկի ժամանակ առաջացած որոշակի դժվարություններ։ Այս մասին նա հայտարարել է հունիսի 7-ի ընտրությունների դիտարկման արդյունքներով Երևանում հրավիրված մամուլի ասուլիսի ժամանակ։Մարկինան ձայների հաշվարկի ընթացակարգը Հայաստանում համարում է բավականին բարդ և անհիմն բարդացված։Նրա խոսքով՝ դիտորդների հատուկ ուշադրությանն է արժանացել նաև զինվորականների մեծ խմբերի կողմից քվեարկության կազմակերպումը ընտրատեղամասերում։Ռուսաստանի ԿԸՀ ներկայացուցիչը կարծում է, որ բավականին դժվար է որևէ կերպ վերահսկել այդ գործընթացը։ Այնուամենայնիվ, դա խիստ զգայուն հարց է, որը կարող է կասկածներ առաջացնել տվյալ կատեգորիայի ընտրողների քվեարկության ընթացակարգերի պահպանման վերաբերյալ։ՔՊ–ի դեմ բողոքները մնացել են անպատասխան․ ԱՊՀ դիտորդՆա առանձնացրել է քվեարկելու հնարավորության բացակայությունն այն քաղաքացիների համար, որոնք առողջական կամ ֆիզիկական վիճակի պատճառով չեն կարող անձամբ ներկայանալ ընտրատեղամասեր։Դիտորդները հաղորդել են նաև Արմավիրի մարզում՝ թիվ16/25 ընտրատեղամասում գրանցված միջադեպի մասին։Մարկինայի խոսքով` այն բանից հետո, երբ դիտորդական խմբի ներկայացուցիչները տեղամասային ընտրական հանձնաժողովի աշխատանքում թերություններ են հայտնաբերել և համապատասխան արձանագրություն կազմել, նրանց են մոտեցել անհայտ անձինք՝ առանց անձը հաստատող բեյջերի և պահանջել ոչնչացնել փաստաթուղթը։Իրավիճակը հնարավոր է եղել կարգավորվել, նրանք լքել են Արմավիրի մարզը և շարունակել իրենց աշխատանքը Երևանում։Միևնույն ժամանակ ԱՊՀ դիտորդական առաքելության ներկայացուցիչ, ՌԴ Պետդումայի ԱՊՀ և եվրասիական ինտեգրման հարցերով հանձնաժողովի փոխնախագահ Արտյոմ Տուրովը կարծում է, որ ՀՀ խորհրդարանական ընտրությունների նախօրեին «լռության օրվա» ընթացքում իրականացրած ձերբակալությունների ու կալանավորումների մասին բազմաթիվ հաղորդագրությունները որոշակի հարցեր են առաջացնում։Տուրովի խոսքով՝ կուսակցությունների և դաշինքների դիտորդները բազմաթիվ հաղորդագրություններ են ստացել քրեական գործերի և ձերբակալությունների մասին, որոնք կուսակցություններն ու դաշինքները քաղաքական և վարչական ճնշում են համարում։«Իրադարձություններ են տեղի ունեցել նաև շաբաթ՝ «լռության օրը»։ Սա որոշակի հարցեր է ծնում», – նշել է դիտորդը։Տուրովը նշեր է, որ իրենք ընտրությունների օրն այցելել են 14 ընտրատեղամաս, շատ քաղաքացիներից հարցեր են ստացվել` կապված ընտրացուցակների հետ։ Նրանք, մասնավորապես, նշել են, որ իրենց հասցեներում գրանցված են անծանոթ անձինք, որոնց մասին նրանք տեղյակ չեն եղել։ Սա արտացոլվել է ընտրատեղամասերի արձանագրություններում։Հիշեցնենք` Հայաստանի կենտրոնական ընտրական հանձնաժողովն ամփոփել է 2005 տեղամասերի նախնական արդյունքները, որոնց համաձայն` «Քաղաքացիական պայմանագիր» կուսակցությանը կողմ է քվեարկել ընտրողների 49,82%–ը, «Ուժեղ Հայաստան» դաշինքին` 23,28%–ը, «Հայաստան» դաշինքին` 9,93%–ը, «Բարգավաճ Հայաստան» կուսակցությանը` 3,9%–ը։

2026

Լուրեր

am_HY

տեսանյութեր, տեսանյութ, ընտրություններ, ազգային ժողովի ընտրություններ, անկախ պետությունների համագործակցություն (ապհ), ռուսաստան, հայաստան-ռուսաստան համագործակցություն, видео, դիտորդ, դիտորդական առաքելություն