https://arm.sputniknews.ru/20260601/pashinjany-mtadir-che-lutsel-eatm-andamutjan-harcy-qani-der-hhn-chi-hravirvel-em-medvedev-102868964.html

Փաշինյանը մտադիր չէ լուծել ԵԱՏՄ անդամության հարցը, քանի դեռ ՀՀ–ն չի հրավիրվել ԵՄ. Մեդվեդև

Փաշինյանը մտադիր չէ լուծել ԵԱՏՄ անդամության հարցը, քանի դեռ ՀՀ–ն չի հրավիրվել ԵՄ. Մեդվեդև

Sputnik Արմենիա

ՌԴ ԱԽ փոխնախագահը ՀՀ վարչապետի արձագանքը համեմատել է Լև Տրոցկու «ո՛չ պատերազմ, ո՛չ խաղաղություն, իսկ բանակը ցրել» ձևակերպման հետ: 01.06.2026, Sputnik Արմենիա

2026-06-01T16:59+0400

2026-06-01T16:59+0400

2026-06-01T17:02+0400

հայաստան

եվրասիական տնտեսական միություն (եատմ)

հայաստան և եատմ

եվրամիություն

դմիտրի մեդվեդև

https://cdn.am.sputniknews.ru/img/07e6/03/13/39956291_0:0:3025:1702_1920x0_80_0_0_04d816e412f4c79bc480e11f42a07fa3.jpg

ԵՐԵՎԱՆ, 1 հունիսի – Sputnik. Հայաստանի վարչապետ Նիկոլ Փաշինյանը մտադիր չէ լուծել ԵԱՏՄ անդամակցության հարցը, քանի դեռ Երևանը չի կանչվել ԵՄ: Այս հայտարարությունն արել է ՌԴ անվտանգության խորհրդի փոխնախագահ Դմիտրի Մեդվեդևը։Նրա խոսքով՝ Հայաստանի իշխանությունները ցանկանում են շարունակել օգտվել Եվրասիական տնտեսական միության արտոնություններից՝ եկամուտ ստանալով Ռուսաստանից և միավորման այլ երկրներից, մինչև Հայաստանին կկանչեն Եվրամիություն։Ռուսաստանի ԱԽ փոխնախագահը ԵԱՏՄ–ում մնալու կամ ԵՄ-ին անդամակցելու հարցով հանրաքվե անցկացնելու կոչից հետո Փաշինյանի արձագանքը համեմատել է Լև Տրոցկու «ո՛չ պատերազմ, ո՛չ խաղաղություն, իսկ բանակը ցրել» ձևակերպման հետ։Միևնույն ժամանակ նա զգուշացրել է նման դիրքորոշման հետևանքների մասին։«Բայց պետք է հիշել, որ նշված ձևակերպումը հանգեցրեց նրան, որ Բրեստի խաղաղությունը, այնուամենայնիվ, կնքվեց, բայց արդեն ավելի վատ պայմաններով։ Եվ Տրոցկու ոլորուն ուղին շատ ողբերգական ավարտ ունեցավ նրա համար... Ծնունդդ շնորհավոր, Նիկոլ Վովաևիչ»,- եզրափակել է Ռուսաստանի անվտանգության խորհրդի փոխնախագահը։Հիշեցնենք` մայիսի 29-ին Աստանայում կայացած գագաթնաժողովի ժամանակ ԵԱՏՄ անդամ երկրների ղեկավարները Հայաստանի վերաբերյալ հայտարարություն ընդունեցին, որում խոսվում է ԵՄ–ին անդամակցելու կամ ԵԱՏՄ–ում մնալու հարցով հնարավորինս շուտ հանրաքվե անցկացնելու մասին։ ՌԴ նախագահ Վլադիմիր Պուտինն Աստանայում կայացած գագաթնաժողովից հետո հայտարարեց, որ Հայաստանը ԵԱՏՄ-ից դուրս գալու դեպքում կարող է կորցնել ՀՆԱ-ի 14 տոկոսը:ՀՀ վարչապետ Նիկոլ Փաշինյանն ավելի վաղ հայտարարել էր, որ Հայաստանը երջանիկ կլինի, եթե իրեն ընդունեն Եվրամիություն, բայց միևնույն ժամանակ նշել էր, որ Հայաստանը շարունակում է մնալ ԵԱՏՄ լիիրավ անդամ, և երկու միավորումների միջև ընտրության հարցը որոշելու է ժողովուրդը, ոչ թե երկրի ղեկավարությունը:Մայիսի 9-ին Ռուսաստանի նախագահ Վլադիմիր Պուտինն ասուլիսի ժամանակ ասաց՝ կարծում է, որ թե՛ ՀՀ քաղաքացիների, թե՛ Մոսկվայի՝ գլխավոր տնտեսական գործընկերոջ հանդեպ ճիշտ կլիներ, որ պաշտոնական Երևանը հնարավորինս արագ կողմնորոշվեր ԵՄ-ին անդամակցելու հարցում։Փաշինյանը մայիսի 11-ին հայտարարեց, որ Հայաստանը մնում է ԵԱՏՄ լիարժեք անդամ, իսկ այդ հարցով հանրաքվեի անցկացումը հնարավոր է միայն «օբյեկտիվ անհրաժեշտության» դեպքում: Դրանից հետո ՌԴ փոխվարչապետ Ալեքսեյ Օվերչուկը հայտարարեց, որ Հայաստանում ինչ-որ աշխատանք է տարվում ԵՄ չափանիշներին անցնելու ուղղությամբ, և եթե ՀՀ–ն սկսի փոփոխություններ մտցնել տեխնիկական կանոնակարգերում, դա արդեն որոշակի սպառնալիքներ կստեղծի ԵԱՏՄ-ի համար:Եվրասիական տնտեսական միությունը ստեղծվել է 12 տարի առաջ։ Միավորման անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը։ Ստեղծումից ի վեր ԵԱՏՄ անդամ պետությունների ընդհանուր ՀՆԱ-ն 1.6 տրիլիոն դոլարից աճել է մինչև 3.01 տրիլիոն դոլար, անդամ պետությունների միջև փոխադարձ առևտրի ծավալը կրկնապատկվել է, իսկ երրորդ երկրների հետ առևտրաշրջանառությունն աճել է 72%-ով։ Մինչև 2025 թվականի ավարտը միության ՀՆԱ-ն, կանխատեսումների համաձայն, կաճի 1.7%-ով։

2026

Լուրեր

am_HY

հայաստան, եվրասիական տնտեսական միություն (եատմ), հայաստան և եատմ, եվրամիություն, դմիտրի մեդվեդև