ՄԱԿ–ի կենտրոնակայանում բացվել է Սովինֆորմբյուրոյի 85-ամյակին նվիրված ցուցահանդես
18:53 29.05.2026 (Թարմացված է: 18:54 29.05.2026)
© Sputnik / Роман Махмутов
/ Բաժանորդագրվել
Ցուցահանդեսում ներկայացված են Սովինֆորմբյուրոյի իրավահաջորդ «Ռոսիա սեգոդնյա» մեդիախմբի արխիվներից լուսանկարներ, որոնք արվել են 1940-ականներից մինչև 2020-ական թվականները։
ԵՐԵՎԱՆ, 29 մայիսի – Sputnik. Նյու Յորքում գտնվող ՄԱԿ-ի կենտրոնակայանում բացվել է «Սովինֆորմբյուրոյի 85 տարին։ Կենդանացած պատմություն։ Արձանագրված դարաշրջան» ցուցահանդեսը։
Ցուցահանդեսում ներկայացված են ՌԻԱ Նովոստիի արխիվից 30 նշանակալի լուսանկարներ, որոնք արվել են1940-ական և 2020-ական թվականներին։ Լուսանկարների թվում են Ստալինգրադի ճակատամարտի, 1945 թվականի Հաղթանակի շքերթի, Յուրի Գագարինի առաջին թռիչքի, Մոսկվայի, Սոչիի և Միլանի օլիմպիական խաղերի, ինչպես նաև խաղաղապահ ուժերի աշխատանքի և համաշխարհային առաջնորդների հանդիպումների կադրերը։
«Սովինֆորմբյուրոյի 85 տարին։ Կենդանացած պատմություն։ Արձանագրված դարաշրջան» ցուցահանդեսում ներկայացված լուսանկարներից
© Sputnik
Ցուցահանդեսին ներկայացված լուսանկարների շարքում կարելի է տեսնել հայտնի լուսանկարիչների, այդ թվում՝ առաջնագծի ֆոտոթղթակիցների լուսանկարները։ Ցուցանմուշների թվում են Գեորգի Զելմայի, Եվգենի Խալդեի, Վլադիմիր Գրեբնևի, Միխայիլ Օզյորսկու, Իգոր Կոստինի և այլ հայտնի ֆոտոլուսանկարիչների աշխատանքները։
Ցուցահանդեսը բացել է ՄԱԿ-ում Ռուսաստանի մշտական ներկայացուցիչ Վասիլի Նեբենզյան, իսկ բուն միջոցառմանը ներկա են եղել տասնյակ հյուրեր, այդ թվում՝ դիվանագետներ և ՄԱԿ-ի քարտուղարության աշխատակիցներ։
«Սրանք բոլորը պարզապես լուսանկարներ չեն։ Սա երկրի տարեգրությունն է, որն արձանագրել են մարդիկ, որոնք կարող էին տեսնել կարևորը», – ասել է նա՝ դիմելով ցուցահանդեսի հյուրերին։
«Սովինֆորմբյուրոյի 85 տարին։ Կենդանացած պատմություն։ Արձանագրված դարաշրջան» ցուցահանդեսում ներկայացված լուսանկարներից
© Sputnik
«Մենք հարգում ենք մեր գործընկերների հիշատակը։ Նրանք մինչև վերջ կատարել են իրենց պարտքը, որպեսզի տեղի ունեցողի մասին ճշմարտությունը արձանագրվի և լսելի լինի։ Ահա թե ինչու է լրագրողների աշխատանքը տեղում նաև այսօր պահպանում իր հատուկ նշանակությունը», – շարունակել է Նեբենզյան։
Ցուցահանդեսի գլխավոր առանձնահատկությունը մուլտիմեդիոն բաղադրիչն է, որի շնորհիվ պատմական կադրերը կենդանանում են. այցելուները ոչ միայն ստատիկ պատկերներ են տեսնում, այլև շարժում, դեմքի արտահայտություններ և դիտանկյունների փոփոխում. անցյալի արձանագրված պահերը դադարում են սառած պահեր մնալ։
«Սովինֆորմբյուրոյի 85 տարին։ Կենդանացած պատմություն։ Արձանագրված դարաշրջան» ցուցահանդեսում ներկայացված լուսանկարներից
© Sputnik
Ներկայացված նյութերն անբաժանելիորեն կապված են 1941 թվականին հիմնադրված Սովինֆորմբյուրոյի պատմության հետ։ Ավելի ուշ այն վերափոխվեց «Նովոստի» մամուլի գործակալության, ապա ՌԻԱ Նովոստիի, որի ավանդույթներն այսօր շարունակում է «Ռոսիա սեգոդնյա» մեդիախումբը։ 85 տարվա ընթացքում հավաքված արխիվը դարձավ ցուցահանդեսի հիմքը։
«Մեզ համար կարևոր է հարգել այդ ժառանգությանը։ Ցուցահանդեսը ոչ միայն հարգանքի տուրք է ֆոտոլրագրության վետերաններին, այլև հրավեր դիտողին՝ տեսնելու, թե ինչպես են ճշմարտության, հուզական և խորը ռեպորտաժի ավանդույթներն ապրում նաև այսօր։ Մենք հպարտ ենք, որ հնարավորություն ունենք այս կադրերը ցուցադրել համաշխարհային հանրությանը», – նշել է «Ռոսիա սեգոդնյա» մեդիախմբի գլխավոր տնօրենի տեղակալ Դմիտրի Գորնոստաևը։
ՄԱԿ-ի կենտրոնակայանում ցուցահանդեսը լայնածավալ միջազգային նախագծի սկիզբ դարձավ: Սկսած հունիսի 24-ից՝ լեգենդար Խորհրդային ինֆորմբյուրոյի հոբելյանի օրվանից, և հետագա օրերին ցուցահանդեսը կներկայացվի մի շարք երկրներում՝ ինչպես առցանց, այնպես էլ դասական ցուցադրությունների տեսքով:
