https://arm.sputniknews.ru/20260528/nikvol-pashinjany-gnacel-e-gvortsarqi-zurabjany-trampi-ajakcutjan-ev-hh-apagaji-masin-102728327.html
«Նիկոլ Փաշինյանը գնացել է գործարքի». Զուրաբյանը` Թրամփի աջակցության և ՀՀ ապագայի մասին
«Նիկոլ Փաշինյանը գնացել է գործարքի». Զուրաբյանը` Թրամփի աջակցության և ՀՀ ապագայի մասին
Sputnik Արմենիա
Լևոն Զուրաբյանի խոսքով` Նիկոլ Փաշինյանին ԱՄՆ նախագահի աջակցությունը ժողովրդավարական սկզբունքների ոտնահարում է ու հայ ժողովրդին օտարի կամքը պարտադրել։ 28.05.2026, Sputnik Արմենիա
2026-05-28T15:44+0400
2026-05-28T15:44+0400
2026-05-28T16:09+0400
լևոն զուրաբյան
նիկոլ փաշինյան
հայ ազգային կոնգրես (հակ)
քարոզարշավ
ընտրություններ
ազգային ժողովի ընտրություններ
https://cdn.am.sputniknews.ru/img/07ea/05/07/101868863_0:0:1600:901_1920x0_80_0_0_139fe17a9893c3dfa2c530ad29f192b8.jpg
ԵՐԵՎԱՆ, 28 մայիսի – Sputnik․ Ամերիկայի Միացյալ Նահանգների աջակցությունը ՀՀ գործող վարչապետին ունի զուտ տնտեսական և ռազմավարական դրդապատճառներ։ Այս մասին ֆեյսբուքյան էջում գրել է խորհրդարանական ընտրություններին առաջադրված ՀԱԿ վարչապետի թեկնածու Լևոն Զուրաբյանը` անդրադառնալով ԱՄՆ նախագահ Դոնալդ Թրամփի հայտարարությանը։ Ինչպես հայտնել ենք, Թրամփը գրել էր, որ հունիսի 7-ին ընտրություններում լիովին աջակցում է Փաշինյանին, ու որ Փաշինյանը լիարժեքորեն կիսում է իր տեսլականը Հարավային Կովկասի խաղաղության և բարգավաճման հարցում։Ըստ Զուրաբյանի` առաջին անգամ է, որ ժողովրդավարական սկզբունքների ոտնահարումն ու հայ ժողովրդին օտարի կամքը պարտադրելը բացահայտորեն արդարացվում են ամերիկյան նավթային ընկերությունների գերշահույթներով և աշխարհաքաղաքական նպատակներով։Քաղաքական գործիչն ուղղակիորեն մեղադրում է ՀՀ վարչապետ Նիկոլ Փաշինյանին արտաքին ուժերի հետ գործակցության մեջ։ՀԱԿ վարչապետի թեկնածուի կանխատեսմամբ՝ ստեղծված իրավիճակում Հայաստանին սպառնում են միայն ավերածություններ, կորուստներ և բռնապետության հաստատում։Նրահամոզմամբ՝ նման քաղաքականության արդյունքում երկիրը լավագույն դեպքում կվերածվի համաշխարհային տնտեսության հումքային կցորդի, որտեղ, իր ձևակերպմամբ, «տերն ու տիրակալը լինելու է Ադրբեջանը»՝ դրանից բխող բոլոր ազգային վտանգներով։ Որպես ստեղծված ճգնաժամից դուրս գալու ելք՝ Լևոն Զուրաբյանը մատնանշում է սեփական ռազմավարական մոտեցումը։ Նա շեշտում է, որ Հայաստանը պետք է մերժի ցանկացած կողմի, այդ թվում՝ Ռուսաստանի կցորդը դառնալու հեռանկարը և հանդես գա որպես ինքնիշխան ու անկախ պետություն։«Մեր խաղաղության և զարգացման բանաձևը ԹՐԻՓՓ+ԲՐԻԿՍ գերտերությունների շահերի ներդաշնակեցման ծրագիրն է, որը կայուն և հարատև խաղաղություն ու զարգացում կբերի մեր երկրին»,– եզրափակել է Զուրաբյանը։Հիշեցնենք, որ ՀՀ-ում հերթական խորհրդարանական ընտրությունները կկայանան 2026 թվականի հունիսի 7-ին։ Ընտրություններին մասնակցելու հայտ էր ներկայացրել 19 քաղաքական ուժ՝ 2 դաշինք և 17 կուսակցություն։ Մայիսի 8–ին մեկնարկել է պաշտոնական քարոզարշավը, որը կտևի մինչև հունիսի 5-ը ներառյալ։ Մայիսի 25–ին հայտնի դարձավ, որ «Ալյանս» առաջադիմական ցենտրիստական կուսակցություն, որը քվեաթերթիկում 13-րդ համարն է, ինքնաբացարկի դիմում է ներկայացրել։ Մայիսի 26-ին ԿԸՀ-ն ուժը կորցրած ճանաչեց «Ալյանս» կուսակցության ընտրական ցուցակի գրանցումը։ Առաջիկա ընտրություններին 13 համարի քվեաթերթիկ չի լինի։
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
լևոն զուրաբյան, նիկոլ փաշինյան, հայ ազգային կոնգրես (հակ), քարոզարշավ, ընտրություններ, ազգային ժողովի ընտրություններ
լևոն զուրաբյան, նիկոլ փաշինյան, հայ ազգային կոնգրես (հակ), քարոզարշավ, ընտրություններ, ազգային ժողովի ընտրություններ
«Նիկոլ Փաշինյանը գնացել է գործարքի». Զուրաբյանը` Թրամփի աջակցության և ՀՀ ապագայի մասին
15:44 28.05.2026 (Թարմացված է: 16:09 28.05.2026) Լևոն Զուրաբյանի խոսքով` Նիկոլ Փաշինյանին ԱՄՆ նախագահի աջակցությունը ժողովրդավարական սկզբունքների ոտնահարում է ու հայ ժողովրդին օտարի կամքը պարտադրել։
ԵՐԵՎԱՆ, 28 մայիսի – Sputnik․ Ամերիկայի Միացյալ Նահանգների աջակցությունը ՀՀ գործող վարչապետին ունի զուտ տնտեսական և ռազմավարական դրդապատճառներ։ Այս մասին
ֆեյսբուքյան էջում գրել է խորհրդարանական ընտրություններին առաջադրված ՀԱԿ վարչապետի թեկնածու Լևոն Զուրաբյանը` անդրադառնալով ԱՄՆ նախագահ Դոնալդ Թրամփի հայտարարությանը։
Ինչպես հայտնել ենք,
Թրամփը գրել էր, որ հունիսի 7-ին ընտրություններում լիովին աջակցում է Փաշինյանին, ու որ Փաշինյանը լիարժեքորեն կիսում է իր տեսլականը Հարավային Կովկասի խաղաղության և բարգավաճման հարցում։
Ըստ Զուրաբյանի` առաջին անգամ է, որ ժողովրդավարական սկզբունքների ոտնահարումն ու հայ ժողովրդին օտարի կամքը պարտադրելը բացահայտորեն արդարացվում են ամերիկյան նավթային ընկերությունների գերշահույթներով և աշխարհաքաղաքական նպատակներով։
Քաղաքական գործիչն ուղղակիորեն մեղադրում է ՀՀ վարչապետ Նիկոլ Փաշինյանին արտաքին ուժերի հետ գործակցության մեջ։
«Նիկոլ Փաշինյանը փաստորեն գնացել է գործարքի. նա կառուցում է TRIP–ը` ներքաշելով Հայաստանը Արևմուտքի և Ռուսաստանի ու Իրանի միջև աշխարհաքաղաքական հակամարտության մեջ, որում մենք կարող ենք բառիս բուն իմաստով ոտնատակ ընկնել` փոխարենը ստանալով Արևմուտքի հակադեմոկրատական աջակցությունը Հայաստանում կառավարող հակաժողովրդական անիրավ ռեժիմին»,– գրել է նա։
ՀԱԿ վարչապետի թեկնածուի կանխատեսմամբ՝ ստեղծված իրավիճակում Հայաստանին սպառնում են միայն ավերածություններ, կորուստներ և բռնապետության հաստատում։
Նրահամոզմամբ՝ նման քաղաքականության արդյունքում երկիրը լավագույն դեպքում կվերածվի համաշխարհային տնտեսության հումքային կցորդի, որտեղ, իր ձևակերպմամբ, «տերն ու տիրակալը լինելու է Ադրբեջանը»՝ դրանից բխող բոլոր ազգային վտանգներով։ Որպես ստեղծված ճգնաժամից դուրս գալու ելք՝ Լևոն Զուրաբյանը մատնանշում է սեփական ռազմավարական մոտեցումը։ Նա շեշտում է, որ Հայաստանը պետք է մերժի ցանկացած կողմի, այդ թվում՝ Ռուսաստանի կցորդը դառնալու հեռանկարը և հանդես գա որպես ինքնիշխան ու անկախ պետություն։
«Մեր խաղաղության և զարգացման բանաձևը ԹՐԻՓՓ+ԲՐԻԿՍ գերտերությունների շահերի ներդաշնակեցման ծրագիրն է, որը կայուն և հարատև խաղաղություն ու զարգացում կբերի մեր երկրին»,– եզրափակել է Զուրաբյանը։
Հիշեցնենք, որ ՀՀ-ում հերթական խորհրդարանական ընտրությունները կկայանան 2026 թվականի հունիսի 7-ին։ Ընտրություններին մասնակցելու
հայտ էր ներկայացրել 19 քաղաքական ուժ՝ 2 դաշինք և 17 կուսակցություն։ Մայիսի 8–ին մեկնարկել է պաշտոնական քարոզարշավը, որը կտևի մինչև հունիսի 5-ը ներառյալ։ Մայիսի 25–ին հայտնի դարձավ, որ «Ալյանս» առաջադիմական ցենտրիստական կուսակցություն, որը քվեաթերթիկում 13-րդ համարն է,
ինքնաբացարկի դիմում է ներկայացրել։ Մայիսի 26-ին
ԿԸՀ-ն ուժը կորցրած ճանաչեց «Ալյանս» կուսակցության ընտրական ցուցակի գրանցումը։ Առաջիկա ընտրություններին 13 համարի քվեաթերթիկ չի լինի։
