Շաբաթների ընթացքում կստորագրվի TRIPP–ի համաձայնագիրը. Միրզոյան
18:21 26.05.2026 (Թարմացված է: 19:01 26.05.2026)
© Photo
Բաժանորդագրվել
ՀՀ արտգործնախարարի խոսքով` համաձայնագրի տեքստն ամբողջությամբ համաձայնեցված է` քաղաքական ընկալումները կան, սակայն տեխնիկական ընթացակարգեր կան, որոնք երկու երկրներում էլ պետք է անցնեն։
ԵՐԵՎԱՆ, 26 մայիսի – Sputnik. «ՀՀ և ԱՄՆ միջև Թրամփի ուղի հանուն միջազգային խաղաղությանև բարգավաճման վերաբերյալ ռազմավարական համագործակցության» շրջանակային համաձայնագիրը, որն այսօր նախաստորագրվեց, շաբաթների ընթացքում կստորագրվի։ Այս մասին այսօր «Զվարթնոց» օդանավակայանում ասաց ՀՀ արտաքին գործերի նախարար Արարատ Միրզոյանը` ամփոփելով ԱՄՆ պետքարտուղար Մարկո Ռուբիոյի հետ հանդիպումը։
««Թրամփի ուղու» վերաբերյալ վերջին փաստաթղթից ընդամենը չորս ամիս անց ունեցանք արդեն միջպետական համաձայնագրի նախաստորագրում, որն իր կարգավիճակով շատ ավելի բարձր ու սոլիդ է, քան հուշագիրը։ Ավելին` այդ նախաստորագրումը, ես համոզված եմ, շատ արագ կվերածվի ստորագրման»,– հայտարարեց նախարարը։
Նա նշեց, թե որն է պատճառը, որ այսօր այն ոչ թե ստորագրվեց, այլ նախաստորագրվեց։ Ըստ Միրզոյանի` տեքստն ամբողջությամբ համաձայնեցված է` քաղաքական ընկալումները կան, սակայն տեխնիկական ընթացակարգեր կան, որոնք երկու երկրներում էլ պետք է անցնեն։
«Ես նույնիսկ չեմ վարանի ու ժամկետներ կնշեմ, որ այդ ընթացակարգերը շաբաթների ընթացքում կլինեն ու կունենանք արդեն իսկ ստորագրում»,– ասաց նա։
Նախարարն ավելացրեց, որ փաստաթղթերի աստիճանակագի մեջ կան թեև նվազ կարևոր, սակայն անհրաժեշտ փաստաթղթեր, որոնք դեռ կարիք ունեն ստորագրման, օրինակ` TRIPP ընկերության կանոնադրությունը։
Միրզոյանի խոսքով` որքան էլ լարված կամ աշխույժ լինեն արտաքին կամ ներքին քաղաքական իրավիճակները, ՀՀ կառավարությունը շատ կենտրոնացած և կարևորություն հաղորդելով աշխատում է TRIPP–ի կենսագործունեության վրա։
Նա տեղեկացրեց, որ կան երկրներ, ընկերություններ, որոնք հետաքրքրված են TRIPP–ով։
«Կան տարբեր կողմեր, որոնք հետաքրքրվածություն են ցուցաբերել այս կամ այն բաղադրիչի այս կամ այն կտորի մասով` ապրանքների մատակարարում, ռելսերի մատակարարում, շինարարություն, համկարգչային ծրագրավորում։ Մենք նախնական քննարկումներ ու մտքերի փոխանակումներ ունեցել ենք մի շարք գործընկերների հետ, սակայն չէի ուզենա որևէ ամփոփում անել կամ անուններ հնչեցնել»,– ընդգծեց նա։
«Կան տարբեր կողմեր, որոնք հետաքրքրվածություն են ցուցաբերել այս կամ այն բաղադրիչի այս կամ այն կտորի մասով` ապրանքների մատակարարում, ռելսերի մատակարարում, շինարարություն, համկարգչային ծրագրավորում։ Մենք նախնական քննարկումներ ու մտքերի փոխանակումներ ունեցել ենք մի շարք գործընկերների հետ, սակայն չէի ուզենա որևէ ամփոփում անել կամ անուններ հնչեցնել»,– ընդգծեց նա։
Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը 2025 թվականի օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան:
Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։
Փաշինյանը սեպտեմբերի 11-ին հայտարարեց, որ ՀՀ–ն ոչ թե 99 տարով հողը վարձակալության է տալիս ամերիկյան կողմին, այլ տալիս է կառուցապատման իրավունք։
2026 թվականի հունվարի 14-ին հրապարակվեց «Թրամփի ուղի՝ հանուն միջազգային խաղաղության և բարգավաճման» նախագծի (TRIPP) իրականացման շրջանակը։
