Կասկածյալը կարող է կալանավորվել. մանրամասներ Սևանում հղի կնոջ մահվան դեպքից
16:47 24.05.2026 (Թարմացված է: 16:48 24.05.2026)
© Sputnik / Табылды Кадырбеков
/ Բաժանորդագրվել
Նշվում է, որ իրավապահները միանգամից 2 վարկածի ուղղությամբ են աշխատում:
ԵՐԵՎԱՆ, 24 մայիսի - Sputnik. Սևանում 22-ամյա հղի կնոջ մահվան դեպքի մեջ կասկածվողին կալանավորելու միջնորդություն կարող է ներկայացվել: Տեղեկությունը հայտնում է shamshyan.com-ը:
Մայիսի 21-ին հայտնի դարձավ, որ Երևան–Սևան–Իջևան ավտոճանապարհին կայանված «Մերսեդես» մակնիշի ավտոմեքենայի հետևի հատվածում կնոջ դի է հայտնաբերվել։ Վարորդը իրավապահներին պատմել էր, որ Ճամբարակից վերադառնալիս վիճել են հղի կնոջ հետ, և նա նետվել է ավտոմեքենայից։ Ավելի ուշ ոստիկանությունը հայտնեց, որ հղի կնոջ 21-ամյա ամուսինը ձերբակալվել է։
«Մայիսի 24-ին քննիչը միջնորդություն է ներկայացնելու Գեղարքունիքի մարզի ընդհանուր իրավասության Սևանի դատարան, որպեսզի դատարանը որպես խափանման միջոց երկամսյա կալանքի որոշում կայացնի Երևանի բնակիչ 21-ամյա Հայկ Ղ․-ի նկատմամբ, ով քննիչի որոշմամբ ձերբակալվել է»,- գրում է կայքը:
Հաստատվել է տեղեկությունը, որ վարորդ Հայկ Ղ․-ն չի ունեցել ավտոմեքենա վարելու իրավունք և եղել է ոչ սթափ (խմած)։ Նա հաշվառված է եղել ոստիկանության Կենտրոնականի բաժնում՝ ընտանեկան բռնություն կատարելու համար։
Ֆոտոլրագրողի տեղեկություններով՝ ստացվել են նաև օպերատիվ տեղեկություններ, որ նա հարվածներ է հասցրել մահացածին, և նրա ձեռքում եղել են մահացածի մազերը։ Նա պատճառաբանել է, թե երբ իր հղի կինը իրեն դուրս է նետել ավտոմեքենայից, ինքը մազերից բռնել է, սակայն չի կարողացել կանխել դա։
Ֆոտոլրագրողի տեղեկություններով՝ ստացվել են նաև օպերատիվ տեղեկություններ, որ նա հարվածներ է հասցրել մահացածին, և նրա ձեռքում եղել են մահացածի մազերը։ Նա պատճառաբանել է, թե երբ իր հղի կինը իրեն դուրս է նետել ավտոմեքենայից, ինքը մազերից բռնել է, սակայն չի կարողացել կանխել դա։
Նշվում է, որ իրավապահները միանգամից 2 վարկածի ուղղությամբ են աշխատում:
