https://arm.sputniknews.ru/20260511/inchu-pashinjany-chardzaganqec-zelensku-hajtararutjunnerin-102049105.html
Ինչո՞ւ Փաշինյանը չարձագանքեց Զելենսկու հայտարարություններին
Ինչո՞ւ Փաշինյանը չարձագանքեց Զելենսկու հայտարարություններին
Sputnik Արմենիա
Փաշինյանն ընդգծեց` Եվրոպական քաղաքական համայնքի գագաթնաժողովը բազմակողմ հարթակ է, և մարդիկ այդ հարթակում պետք է արտահայտվեն։ 11.05.2026, Sputnik Արմենիա
2026-05-11T15:20+0400
2026-05-11T15:20+0400
2026-05-11T15:38+0400
հայաստան
նիկոլ փաշինյան
վլադիմիր զելենսկի
ռուսաստան
https://cdn.am.sputniknews.ru/img/07ea/05/04/101748998_0:87:1670:1026_1920x0_80_0_0_b41e0e1218251a57a5eb851c82149dff.jpg
ԵՐԵՎԱՆ, 11 մայիսի – Sputnik. ՀՀ վարչապետ Նիկոլ Փաշինյանը կարծում է, որ հյուրընկալ երկրի ղեկավարի կարգավիճակում չպետք է արձագանքի իր երկրում հնչեցված ամեն խոսքի։ «Քաղաքացիական պայմանագիր» կուսակցության վարչապետի թեկնածուն այդ մասին ասաց լրագրողների հետ զրույցի ժամանակ` պատասխանելով հարցին, թե ինչու պաշտոնական Երևանը չարձագանքեց Ուկրաինայի առաջնորդ Վլադիմիր Զելենսկու սպառանալիքներին։Երևանում Եվրոպական քաղաքական համայնքի 8–րդ գագաթնաժողովի բացման ժամանակ Զելենսկին հայտարարել էր, որ ուկրաինական անօդաչու թռչող սարքերը կարող են նաև թռչել այդ շքերթի ժամանակ՝ մեկնաբանելով այն տեղեկությունը, որ այս տարի Մոսկվայում շքերթը նախատեսվում է անցկացնել առանց ծանր ռազմական տեխնիկայի:Նա նշեց, որ իր ներկայությամբ Ռուսաստանի Դաշնության նախագահն էլ է հայտարարություններ արել տարբեր երկրների վերաբերյալ։«Բայց ես չեմ հիշում, որ նրանք ակնկալեին, որ ես արձագանքեի այդ հայտարարություններին։ Մենք եվրոպական քաղաքական համայնքի անդամ երկիր ենք, ԵԱՏՄ անդամ երկիր ենք, բայց դա չի նշանակում, որ մենք հավակնում ենք համաշխարհային բոլոր գործերին խառնվել, և, կներեք, մենք փոքր երկիր ենք մեր փոքր օրակարգով։ Մե՞նք պիտի Ռուսաստանի ու Ուկրաինայի հարաբերությունները կարգավորենք»,– ասաց Փաշինյանը։Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան հայտնել էր, որ Երևանը խախտել է նախկինում Ռուսաստանի դեմ ուղղված քայլեր չձեռնարկելու իր պարտավորությունները։ Նա ասել էր` այն երկիրը, որին Մոսկվայում բարեկամ էին համարում, ամբիոն տրամադրեց ահաբեկչին՝ նեոնացիստական ռեժիմի պարագլխին (նկատի ունի Վլադիմիր Զելենսկուն)։Մայիսի 7-ին հայտնի դարձավ, որ ՌԴ-ում Հայաստանի դեսպան Գուրգեն Արսենյանը կանչվել է Ռուսաստանի ԱԳՆ։Գուրգեն Արսենյանը լսել ու Երևանին է փոխանցել ՌԴ ԱԳՆ–ի հնչեցրած հարցերը
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, նիկոլ փաշինյան, վլադիմիր զելենսկի, ռուսաստան
հայաստան, նիկոլ փաշինյան, վլադիմիր զելենսկի, ռուսաստան
Ինչո՞ւ Փաշինյանը չարձագանքեց Զելենսկու հայտարարություններին
15:20 11.05.2026 (Թարմացված է: 15:38 11.05.2026) Փաշինյանն ընդգծեց` Եվրոպական քաղաքական համայնքի գագաթնաժողովը բազմակողմ հարթակ է, և մարդիկ այդ հարթակում պետք է արտահայտվեն։
ԵՐԵՎԱՆ, 11 մայիսի – Sputnik. ՀՀ վարչապետ Նիկոլ Փաշինյանը կարծում է, որ հյուրընկալ երկրի ղեկավարի կարգավիճակում չպետք է արձագանքի իր երկրում հնչեցված ամեն խոսքի։ «Քաղաքացիական պայմանագիր» կուսակցության վարչապետի թեկնածուն այդ մասին ասաց լրագրողների հետ զրույցի ժամանակ` պատասխանելով հարցին, թե ինչու պաշտոնական Երևանը չարձագանքեց Ուկրաինայի առաջնորդ Վլադիմիր Զելենսկու սպառանալիքներին։
Երևանում Եվրոպական քաղաքական համայնքի 8–րդ գագաթնաժողովի բացման ժամանակ Զելենսկին հայտարարել էր, որ ուկրաինական անօդաչու թռչող սարքերը կարող են նաև թռչել այդ շքերթի ժամանակ՝ մեկնաբանելով այն տեղեկությունը, որ այս տարի Մոսկվայում շքերթը նախատեսվում է անցկացնել առանց ծանր ռազմական տեխնիկայի:
«Եվրոպական քաղաքական համայնքի գագաթնաժողովը բազմակողմ հարթակ է, անցկացման վայրը կապ չունի, այդ միջոցառումը ինչքան իմ միջոցառումն է, այնքան էլ մյուս մեր գործընկերների միջոցառումն է։ Ես չեմ կարծում` հյուրընկալ երկրի ղեկավարի կարգավիճակում պետք է գրաքննեմ կամ պարտադիր ամեն ինչին արձագանքեմ։ Դա բազմակողմ հարթակ է, և մարդիկ այդ հարթակում պետք է արտահայտվեն»,– ասաց Փաշինյանը։
Նա նշեց, որ իր ներկայությամբ Ռուսաստանի Դաշնության նախագահն էլ է հայտարարություններ արել տարբեր երկրների վերաբերյալ։
«Բայց ես չեմ հիշում, որ նրանք ակնկալեին, որ ես արձագանքեի այդ հայտարարություններին։ Մենք եվրոպական քաղաքական համայնքի անդամ երկիր ենք, ԵԱՏՄ անդամ երկիր ենք, բայց դա չի նշանակում, որ մենք հավակնում ենք համաշխարհային բոլոր գործերին խառնվել, և, կներեք, մենք փոքր երկիր ենք մեր փոքր օրակարգով։ Մե՞նք պիտի Ռուսաստանի ու Ուկրաինայի հարաբերությունները կարգավորենք»,– ասաց Փաշինյանը։
Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան հայտնել էր, որ Երևանը խախտել է նախկինում Ռուսաստանի դեմ ուղղված քայլեր չձեռնարկելու իր պարտավորությունները։ Նա ասել էր` այն երկիրը, որին Մոսկվայում բարեկամ էին համարում, ամբիոն տրամադրեց ահաբեկչին՝ նեոնացիստական ռեժիմի պարագլխին (նկատի ունի Վլադիմիր Զելենսկուն)։
Մայիսի 7-ին
հայտնի դարձավ, որ ՌԴ-ում Հայաստանի դեսպան Գուրգեն Արսենյանը կանչվել է Ռուսաստանի ԱԳՆ։
