https://arm.sputniknews.ru/20260508/shirakum-khuzarkutjunneric-hetvo-hakakvorupcivon-kvomiten-dzajnagrutjunner-e-hraparakel-101928988.html
Շիրակում խուզարկություններից հետո Հակակոռուպցիոն կոմիտեն ձայնագրություններ է հրապարակել
Շիրակում խուզարկություններից հետո Հակակոռուպցիոն կոմիտեն ձայնագրություններ է հրապարակել
Sputnik Արմենիա
Ըստ կոմիտեի հաղորդագրության՝ նյութապես շահագրգռելուց բացի նաև սպառնացել են քրեական հեղինակություններով։ 08.05.2026, Sputnik Արմենիա
2026-05-08T16:29+0400
2026-05-08T16:29+0400
2026-05-08T16:48+0400
հակակոռուպցիոն կոմիտե
«ուժեղ հայաստան» կուսակցություն
ընտրակաշառք
շիրակի մարզ
https://cdn.am.sputniknews.ru/img/07e9/02/04/85444114_0:1:901:507_1920x0_80_0_0_1f40abf64df7bf90f87204fbebed3ca6.jpg
ԵՐԵՎԱՆ, 8 մայիսի – Sputnik․ Հակակոռուպցիոն կոմիտեն ձայնագրություններ է հրապարակել, որոնցում, ըստ կոմիտեի, «Ուժեղ Հայաստան» կուսակցության համակիրներն ընտրակաշառքի հարցեր են քննարկում։Այսօր առավոտյան հայտնի էր դարձել, որ Հակակոռուպցիոն կոմիտեն Շիրակի մարզում խուզարկություններ է իրականացնում «Ուժեղ Հայաստան» դաշինքի մի շարք գրասենյակներում։ Ըստ լրատվամիջոցների ՝ խուզարկություններն իրականացվում էին Անի համայնքում, մասնավորապես՝ Մարալիկում, կան բերման ենթարկվածներ ու ձերբակալվածներ։Ձայնագրություններին կից հրապարակված հաղորդագրության համաձայն՝ կոմիտեի ծառայողների կողմից բացահայտվել են ընտրակաշառք տալու և ստանալու դեպքեր։ Մասնավորաբար, կոմիտեն փաստական տվյալներ է ստացել, որ «Ուժեղ Հայաստան» կուսակցության Շիրակի մարզի Անի համայնքի տարածքային պատասխանատուն, իր մերձավոր ազգականների և այլ անձանց հետ հունիսի 7-ին կայանալիք ԱԺ ընտրություններում իրենց կուսակցության օգտին քվեարկելու պայմանով մի շարք ընտրողների խոստացել, ինչպես նաև տվել են ընտրակաշառք`«գործընթացը քողարկելով նշված անձանց կուսակցության տարածքային գրասենյակներում որպես պատասխանատու կամ ակտիվիստ ձևակերպելու և կաշառք-գումարը աշխատավարձի տեսքով վճարելու անվան տակ»:Օրենբուրգցի հայ գործարարը կասկածվում է «Ուժեղ Հայաստանի» օգտին ընտրակաշառք առաջարկելու մեջԲացի այդ, «Ուժեղ Հայաստան»-ի անունից հանդես եկող անձը, ըստ Հակակոռուպցիոն կոմիտեի, նյութապես շահագրգռել է, ինչպես նաև քրեական հեղինակությունների անունից տրված պահանջին չենթարկվելու հետևանքներով սպառնացել է՝ այսպիսով փորձելով խոչընդոտել մի շարք ընտրողների ընտրական իրավունքի ազատ իրականացումը:Հակակոռուպցիոն կոմիտեում նախաձեռնվել է քրեական վարույթ, ձերբակալվել են մի շարք անձինք, կատարվել են խուզարկություններ և վարութային այլ գործողություններ։Հիշեցնենք` ՀՀ-ում հերթական խորհրդարանական ընտրությունները կկայանան 2026 թվականի հունիսի 7-ին։ Ընտրություններին մասնակցելու հայտ է ներկայացրել 19 քաղաքական ուժ՝ 2 դաշինք և 17 կուսակցություն։ Մայիսի 8–ին մեկնարկեց պաշտոնական քարոզարշավը։
շիրակի մարզ
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հակակոռուպցիոն կոմիտե, «ուժեղ հայաստան» կուսակցություն, ընտրակաշառք, շիրակի մարզ
հակակոռուպցիոն կոմիտե, «ուժեղ հայաստան» կուսակցություն, ընտրակաշառք, շիրակի մարզ
Շիրակում խուզարկություններից հետո Հակակոռուպցիոն կոմիտեն ձայնագրություններ է հրապարակել
16:29 08.05.2026 (Թարմացված է: 16:48 08.05.2026) Ըստ կոմիտեի հաղորդագրության՝ նյութապես շահագրգռելուց բացի նաև սպառնացել են քրեական հեղինակություններով։
ԵՐԵՎԱՆ, 8 մայիսի – Sputnik․ Հակակոռուպցիոն կոմիտեն ձայնագրություններ է հրապարակել, որոնցում, ըստ կոմիտեի, «Ուժեղ Հայաստան» կուսակցության համակիրներն ընտրակաշառքի հարցեր են քննարկում։
Այսօր առավոտյան հայտնի էր դարձել, որ
Հակակոռուպցիոն կոմիտեն Շիրակի մարզում խուզարկություններ է իրականացնում «Ուժեղ Հայաստան» դաշինքի մի շարք գրասենյակներում։ Ըստ լրատվամիջոցների ՝ խուզարկություններն իրականացվում էին Անի համայնքում, մասնավորապես՝ Մարալիկում, կան բերման ենթարկվածներ ու ձերբակալվածներ։
Ձայնագրություններին կից հրապարակված հաղորդագրության համաձայն՝ կոմիտեի ծառայողների կողմից բացահայտվել են ընտրակաշառք տալու և ստանալու դեպքեր։ Մասնավորաբար, կոմիտեն փաստական տվյալներ է ստացել, որ «Ուժեղ Հայաստան» կուսակցության Շիրակի մարզի Անի համայնքի տարածքային պատասխանատուն, իր մերձավոր ազգականների և այլ անձանց հետ հունիսի 7-ին կայանալիք ԱԺ ընտրություններում իրենց կուսակցության օգտին քվեարկելու պայմանով մի շարք ընտրողների խոստացել, ինչպես նաև տվել են ընտրակաշառք`«գործընթացը քողարկելով նշված անձանց կուսակցության տարածքային գրասենյակներում որպես պատասխանատու կամ ակտիվիստ ձևակերպելու և կաշառք-գումարը աշխատավարձի տեսքով վճարելու անվան տակ»:
Բացի այդ, «Ուժեղ Հայաստան»-ի անունից հանդես եկող անձը, ըստ Հակակոռուպցիոն կոմիտեի, նյութապես շահագրգռել է, ինչպես նաև քրեական հեղինակությունների անունից տրված պահանջին չենթարկվելու հետևանքներով սպառնացել է՝ այսպիսով փորձելով խոչընդոտել մի շարք ընտրողների ընտրական իրավունքի ազատ իրականացումը:
Հակակոռուպցիոն կոմիտեում նախաձեռնվել է քրեական վարույթ, ձերբակալվել են մի շարք անձինք, կատարվել են խուզարկություններ և վարութային այլ գործողություններ։
Հիշեցնենք` ՀՀ-ում հերթական խորհրդարանական ընտրությունները կկայանան 2026 թվականի հունիսի 7-ին։ Ընտրություններին մասնակցելու
հայտ է ներկայացրել 19 քաղաքական ուժ՝ 2 դաշինք և 17 կուսակցություն։ Մայիսի 8–ին մեկնարկեց պաշտոնական քարոզարշավը։
