https://arm.sputniknews.ru/20260417/hajvoc-ekeghecu-nshanakats-ekeghecakanneri-mutqy-qkhner-argelvel-e-majr-atvory-datapartum-e-101086645.html
Հայոց եկեղեցու նշանակած եկեղեցականների մուտքը ՔԿՀ–ներ արգելվել է. Մայր աթոռը դատապարտում է
Հայոց եկեղեցու նշանակած եկեղեցականների մուտքը ՔԿՀ–ներ արգելվել է. Մայր աթոռը դատապարտում է
Sputnik Արմենիա
Սուրբ Էջմիածնից հորդորում են ՀՀ արդարադատության նախարարությանը` հարգել օրենքն ու եկեղեցական կարգը և չխոչընդոտելով եկեղեցու առաքելությունը։ 17.04.2026, Sputnik Արմենիա
2026-04-17T15:46+0400
2026-04-17T15:46+0400
2026-04-17T15:47+0400
եկեղեցի
հայ առաքելական եկեղեցի
քրեակատարողական հիմնարկ (քկհ)
https://cdn.am.sputniknews.ru/img/2279/34/22793468_0:84:1601:984_1920x0_80_0_0_bf3627754488a0b2ebbcfe86d4fb98b6.jpg
ԵՐԵՎԱՆ, 17 ապրիլի – Sputnik. Հայոց եկեղեցու կողմից նշանակված եկեղեցականների մուտքը ազատազրկման վայրեր արգելվել է։ Տեղեկությունը հայտնում է Մայր աթոռի տեղեկատվական համակարգը։Մայր աթոռից նշում են, որ Հայաստանյայց առաքելական սուրբ եկեղեցու քրեակատարողական հիմնարկների հոգևոր ծառայությունը փաստացի դադարեցվել է ՀՀ ԱՆ քրեակատարողական ծառայության պետ Ծովինար Թադևոսյանի հրամանով։Մայր աթոռի տեղեկատվական համակարգը վկայակոչել է ՀՀ օրենսդրությունը, ըստ որի` քրեակատարողական հիմնարկներում Հայ եկեղեցու հոգեխնամ առաքելությունը համարվում է որպես ազգային եկեղեցու մենաշնորհ և օրենքի ուժով երաշխավորում է պետության կողմից այդ գործունեությանը չխոչընդոտելու պարտականությունը:«Մերժելի է այն փաստը, որ քրեակատարողական ծառայության պետը, անտեսելով իր վերադաս նախարարության և Հայոց եկեղեցու միջև կնքված պայմանագիրը, քրեակատարողական հիմնարկներում հոգեխնամ ծառայության իրականացման համար կատարել է ինքնակամ տնօրինումներ։ Օրենքների, ՀՀ արդարադատության նախարարության և Հայաստանյայց առաքելական սուրբ եկեղեցու միջև կնքված պայմանագրի համաձայն` հոգեխնամ գործունեություն իրականացնող սուբյեկտը ոչ թե անհատ քահանան է, այլ՝ Հայոց եկեղեցին»,– ընդգծել են Մայր աթոռից:Հայ առաքելական սուրբ եկեղեցին նման գործելակերպը կոպիտ միջամտություն է համարում իր ներքին կյանքին, որը կազմաքանդում է եկեղեցու կանոնակարգված ու կազմակերպված հովվական ծառայությունը՝ այն դարձնելով անհատական նախաձեռնություն և վարչական կամայականություն։Մայր աթոռ սուրբ Էջմիածնից հորդորում են ՀՀ արդարադատության նախարարությանը` հարգել օրենքն ու եկեղեցական կարգը և չխոչընդոտելով եկեղեցու առաքելությունը՝ վերականգնել քրեակատարողական հիմնարկներում հոգևոր ծառայության բնականոն ընթացքը։Հիշեցնենք, որ Արգավանդի Սուրբ Սարգիս եկեղեցու հոգևոր հովիվ տեր Գրիգոր քահանա Հովհաննիսյանին, ով շուրջ 16 տարի է՝ այցելում է ՔԿՀ-ներում ազատազրկված անձանց, ապրիլի 2–ին արգելվել է մուտք գործել քրեակատարողական հիմնարկ։ ՀՀ ԱՆ քրեակատարողական ծառայությունից հայտնել էին, որ Տեր Գրիգոր քահանա Հովհաննիսյանը «Նուբարաշեն» ՔԿՀ-ում քաղաքական հայտարարություններ է արել՝ դրանով խախտելով նախկինում ՔԿՀ–ում մուտքի համար տրված թույլտվության պայմաններն ու նպատակները, ուստի նրան տրված թույլտվությունը դադարեցվել է։Նշենք, որ ՀՀ քրեակատարողական հիմնարկներում հոգևոր ծառայությունը սկսվել է դեռևս 1993 թվականից՝ այն ժամանակ Արարատյան Հայրապետական թեմի առաջնորդական փոխանորդ, ներկայիս Ամենայն հայոց կաթողիկոս Գարեգին Բ-ի նախաձեռնությամբ։2003 թ. Մայր աթոռ Սուրբ Էջմիածնում բացվեց քրեակատարողական հիմնարկների հոգևոր ծառայության բաժինը: Իսկ 2014 թ․ նոյեմբերի 25-ին Մայր Աթոռ Սուրբ Էջմիածնի և Արդարադատության նախարարության միջև կնքվեց պայմանգիր, որում սահմանված էին ծառայության գործունեության ոլորտը, կառուցվածքը, խնդիրներն ու նպատակները:
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
եկեղեցի, հայ առաքելական եկեղեցի, քրեակատարողական հիմնարկ (քկհ)
եկեղեցի, հայ առաքելական եկեղեցի, քրեակատարողական հիմնարկ (քկհ)
Հայոց եկեղեցու նշանակած եկեղեցականների մուտքը ՔԿՀ–ներ արգելվել է. Մայր աթոռը դատապարտում է
15:46 17.04.2026 (Թարմացված է: 15:47 17.04.2026) Սուրբ Էջմիածնից հորդորում են ՀՀ արդարադատության նախարարությանը` հարգել օրենքն ու եկեղեցական կարգը և չխոչընդոտելով եկեղեցու առաքելությունը։
ԵՐԵՎԱՆ, 17 ապրիլի – Sputnik. Հայոց եկեղեցու կողմից նշանակված եկեղեցականների մուտքը ազատազրկման վայրեր արգելվել է։ Տեղեկությունը հայտնում է
Մայր աթոռի տեղեկատվական համակարգը։
Մայր աթոռից նշում են, որ Հայաստանյայց առաքելական սուրբ եկեղեցու քրեակատարողական հիմնարկների հոգևոր ծառայությունը փաստացի դադարեցվել է ՀՀ ԱՆ քրեակատարողական ծառայության պետ Ծովինար Թադևոսյանի հրամանով։
«Միևնույն ժամանակ, շրջանցելով Մայր աթոռը և անտեսելով իրավական կարգավորումները, անհատ եկեղեցականների հետ կնքել է աշխատանքային պայմանագրեր: Այս քայլը իշխանությունների հերթական թիրախավորված ու հակաեկեղեցական արշավն է՝ սահմանափակելու օրենսդրությամբ երաշխավորված Հայոց եկեղեցու հոգեխնամ առաքելությունը հանրային կյանքում, ինչը դրսևորվել է նաև ՀՀ զինված ուժերում և կրթական ոլորտում»,– ասված է հայտարարության մեջ։
Մայր աթոռի տեղեկատվական համակարգը վկայակոչել է ՀՀ օրենսդրությունը, ըստ որի` քրեակատարողական հիմնարկներում Հայ եկեղեցու հոգեխնամ առաքելությունը համարվում է որպես ազգային եկեղեցու մենաշնորհ և օրենքի ուժով երաշխավորում է պետության կողմից այդ գործունեությանը չխոչընդոտելու պարտականությունը:
«Մերժելի է այն փաստը, որ քրեակատարողական ծառայության պետը, անտեսելով իր վերադաս նախարարության և Հայոց եկեղեցու միջև կնքված պայմանագիրը, քրեակատարողական հիմնարկներում հոգեխնամ ծառայության իրականացման համար կատարել է ինքնակամ տնօրինումներ։ Օրենքների, ՀՀ արդարադատության նախարարության և Հայաստանյայց առաքելական սուրբ եկեղեցու միջև կնքված պայմանագրի համաձայն` հոգեխնամ գործունեություն իրականացնող սուբյեկտը ոչ թե անհատ քահանան է, այլ՝ Հայոց եկեղեցին»,– ընդգծել են Մայր աթոռից:
Հայ առաքելական սուրբ եկեղեցին նման գործելակերպը կոպիտ միջամտություն է համարում իր ներքին կյանքին, որը կազմաքանդում է եկեղեցու կանոնակարգված ու կազմակերպված հովվական ծառայությունը՝ այն դարձնելով անհատական նախաձեռնություն և վարչական կամայականություն։
«Եկեղեցու դեմ շարունակվող այսօրինակ ապօրինի գործողությունները տարակույս չեն թողնում, որ իշխող քաղաքական ուժը հակաեկեղեցականությունը վերածել է պետական քաղաքականության, ինչը կործանարար է, որով և՝ խստագույնս դատապարտելի»,– ընդգծել են մայր աթոռից։
Մայր աթոռ սուրբ Էջմիածնից հորդորում են ՀՀ արդարադատության նախարարությանը` հարգել օրենքն ու եկեղեցական կարգը և չխոչընդոտելով եկեղեցու առաքելությունը՝ վերականգնել քրեակատարողական հիմնարկներում հոգևոր ծառայության բնականոն ընթացքը։
Հիշեցնենք, որ Արգավանդի Սուրբ Սարգիս եկեղեցու հոգևոր հովիվ տեր Գրիգոր քահանա Հովհաննիսյանին, ով շուրջ 16 տարի է՝ այցելում է ՔԿՀ-ներում ազատազրկված անձանց,
ապրիլի 2–ին արգելվել է մուտք գործել քրեակատարողական հիմնարկ։ ՀՀ ԱՆ քրեակատարողական ծառայությունից հայտնել էին, որ Տեր Գրիգոր քահանա Հովհաննիսյանը «Նուբարաշեն» ՔԿՀ-ում քաղաքական հայտարարություններ է արել՝ դրանով խախտելով նախկինում ՔԿՀ–ում մուտքի համար տրված թույլտվության պայմաններն ու նպատակները, ուստի նրան տրված թույլտվությունը դադարեցվել է։
Նշենք, որ ՀՀ քրեակատարողական հիմնարկներում հոգևոր ծառայությունը սկսվել է դեռևս 1993 թվականից՝ այն ժամանակ Արարատյան Հայրապետական թեմի առաջնորդական փոխանորդ, ներկայիս Ամենայն հայոց կաթողիկոս Գարեգին Բ-ի նախաձեռնությամբ։
2003 թ. Մայր աթոռ Սուրբ Էջմիածնում բացվեց քրեակատարողական հիմնարկների հոգևոր ծառայության բաժինը: Իսկ 2014 թ․ նոյեմբերի 25-ին Մայր Աթոռ Սուրբ Էջմիածնի և Արդարադատության նախարարության միջև կնքվեց պայմանգիր, որում սահմանված էին ծառայության գործունեության ոլորտը, կառուցվածքը, խնդիրներն ու նպատակները:
