https://arm.sputniknews.ru/20260404/mi-khrvovveq-mi-husahatveq-mi-vakheceq-miajn-havataceq-aram-ai-patgamy-100650847.html
Մի՛ խռովվեք, մի՛ հուսահատվեք, մի՛ վախեցեք, միայն հավատացե՛ք. Արամ Ա–ի պատգամը
Մի՛ խռովվեք, մի՛ հուսահատվեք, մի՛ վախեցեք, միայն հավատացե՛ք. Արամ Ա–ի պատգամը
Sputnik Արմենիա
Արամ Ա–ն նշել է, որ Մերձավոր Արևելքի հայ համայնքներին այս օրերին տագնապի մեջ են։ 04.04.2026, Sputnik Արմենիա
2026-04-04T19:50+0400
2026-04-04T19:50+0400
2026-04-04T20:41+0400
արամ առաջին կաթողիկոս
մերձավոր արևելք
սուրբ հարություն
սուրբ զատիկ
հայ առաքելական եկեղեցի
https://cdn.am.sputniknews.ru/img/07e9/0c/03/96504993_0:12:1142:654_1920x0_80_0_0_0a9939b8c953d2c2a68da603e8b68f0b.jpg
ԵՐԵՎԱՆ, 4 ապրիլի – Sputnik. Մեծի Տանն Կիլիկիո կաթողիկոս Արամ Առաջինը շնորհավորել է հայ քրիստոնյաներին` Տիրոջ հրաշափառ Հարության տոնի հետ կապված։ Այս մասին տեղեկանում ենք վեհափառի ֆեյսբուքյան էջից։ Նա նկատել է, որ Քրիստոսն իր հաղթական հարությամբ վերահաստատել է առաքելության հիմքը կազմող պատգամը։Մեծի Տանն Կիլիկիո կաթողիկոսն ուղերձ է հղել նաև Մերձավոր Արևելքի հայ համայնքներին` նկատելով, որ այս օրերին նրանք տագնապի մեջ են, քանի որ պատերազմն ավերածություններ է գործում տարածաշրջանում՝ թե՛ մարդկային, թե՛ նյութական, և թե՛ տնտեսական առումներով:«Հայ համայնքները, բնականաբար, ենթակա են պատերազմի ահավոր հետևանքներին: Մեր համայնքների անվտանգությունը մեզ համար բացարձակ առաջնահերթություն է: Արդարև, ապրելով քաղաքական, կրոնական, մշակութային, տնտեսական ու սոցիալական տարբեր միջավայրերում՝ անհրաժեշտ ենք համարում, որ մեր հայրենակիցները, տեղական պայմաններին հարմարվելուն զուգահեռ, հավատարիմ մնան հետևյալ սկզբունքներին։ Մասնավորապես` հավատարիմ լինեն իրենց պետության որդեգրած ուղղությանն ու որոշումներին։ Մեր ժողովրդի զավակներն իրենց ապրած երկրներում միշտ եղել են օրինակելի քաղաքացիներ: Ներկա տագնապալից պայմաններում մեր համայնքները պետք է գործնականում ապացուցեն իրենց հավատարմությունը»,– ասել է վեհափառը։Քրիստոս հարյավ ի մեռելոց. Հայ առաքելական եկեղեցիներում Ճրագալույցի սուրբ պատարագ էԱրամ Ա–ն կարևորել է եկեղեցիների, համայնքային կազմակերպությունների և կենտրոնների շուրջ համախմբվածությունը։ Նա հավելել է, որ իրենք մշտական կապի մեջ են կրոնական ու համայնքային պատասխանատուների հետ:Արամ Ա–ն նշել է, որ տագնապները միասին դիմագրավելու և միմյանց օգնության ձեռք մեկնելու պատրաստակամությունը հայ ժողովրդի զավակների համար միշտ եղել է անշեղ սկզբունք և ամուր հանձնառություն:Հիշեցնենք, որ ամսից ավելի է` շարունակվում է ԱՄՆ–ի և Իսրայելի` Իրան դեմ սանձազերծած պատերազմը։ Իսրայելի բանակը մարտի 16-ին պաշտոնապես հայտարարեց, որ Լիբանանի հարավում ցամաքային գործողություն է սկսում, ինչին զուգահեռ մեծացավ Իսրայելի ՌՕՈւ-ի հարվածների ինտենսիվությունը Լիբանանի հարավային և արևելյան շրջանների, ինչպես նաև Բեյրութի հարավային արվարձանների և կենտրոնական թաղամասերի ուղղությամբ։Գերիշխանությունը խորթ է Քրիստոսի ուղուն. Հռոմի պապը` ԱՄՆ պատերազմի նախարարին
մերձավոր արևելք
Sputnik Արմենիա
media@sputniknews.com
+74956456601
MIA „Rossiya Segodnya“
2026
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արամ առաջին կաթողիկոս, մերձավոր արևելք, սուրբ հարություն, սուրբ զատիկ, հայ առաքելական եկեղեցի
արամ առաջին կաթողիկոս, մերձավոր արևելք, սուրբ հարություն, սուրբ զատիկ, հայ առաքելական եկեղեցի
Մի՛ խռովվեք, մի՛ հուսահատվեք, մի՛ վախեցեք, միայն հավատացե՛ք. Արամ Ա–ի պատգամը
19:50 04.04.2026 (Թարմացված է: 20:41 04.04.2026) Արամ Ա–ն նշել է, որ Մերձավոր Արևելքի հայ համայնքներին այս օրերին տագնապի մեջ են։
ԵՐԵՎԱՆ, 4 ապրիլի – Sputnik. Մեծի Տանն Կիլիկիո կաթողիկոս Արամ Առաջինը շնորհավորել է հայ քրիստոնյաներին` Տիրոջ հրաշափառ Հարության տոնի հետ կապված։ Այս մասին տեղեկանում ենք վեհափառի
ֆեյսբուքյան էջից։ Նա նկատել է, որ Քրիստոսն իր հաղթական հարությամբ վերահաստատել է առաքելության հիմքը կազմող պատգամը։
«Մի՛ խռովվեք, մի՛ հուսահատվեք, մի՛ վախեցեք, միայն հավատացե՛ք։ Արդ, եկե՛ք դառնանք Քրիստոսին, որին իր հրաշափառ հարությամբ մեզ հավատք պարգևեց՝ տագնապը վերանորոգված հույսով, վախը՝ ամուր կամքով և մահը՝ հարության շնչով նվաճելու համար։ Եկե՛ք հարության հավատքով շաղախենք մեր կյանքը և հավատքի զորությամբ դիմագրավենք մեր շուրջը ծառացած տագնապները»,– գրել է Արամ առաջինը։
Մեծի Տանն Կիլիկիո կաթողիկոսն ուղերձ է հղել նաև Մերձավոր Արևելքի հայ համայնքներին` նկատելով, որ այս օրերին նրանք տագնապի մեջ են, քանի որ պատերազմն ավերածություններ է գործում տարածաշրջանում՝ թե՛ մարդկային, թե՛ նյութական, և թե՛ տնտեսական առումներով:
«Հայ համայնքները, բնականաբար, ենթակա են պատերազմի ահավոր հետևանքներին: Մեր համայնքների անվտանգությունը մեզ համար բացարձակ առաջնահերթություն է: Արդարև, ապրելով քաղաքական, կրոնական, մշակութային, տնտեսական ու սոցիալական տարբեր միջավայրերում՝ անհրաժեշտ ենք համարում, որ մեր հայրենակիցները, տեղական պայմաններին հարմարվելուն զուգահեռ, հավատարիմ մնան հետևյալ սկզբունքներին։ Մասնավորապես` հավատարիմ լինեն իրենց պետության որդեգրած ուղղությանն ու որոշումներին։ Մեր ժողովրդի զավակներն իրենց ապրած երկրներում միշտ եղել են օրինակելի քաղաքացիներ: Ներկա տագնապալից պայմաններում մեր համայնքները պետք է գործնականում ապացուցեն իրենց հավատարմությունը»,– ասել է վեհափառը։
Արամ Ա–ն կարևորել է եկեղեցիների, համայնքային կազմակերպությունների և կենտրոնների շուրջ համախմբվածությունը։ Նա հավելել է, որ իրենք մշտական կապի մեջ են կրոնական ու համայնքային պատասխանատուների հետ:
«Խորապես մտահոգված ենք տագնապի ստեղծած անկանխատեսելի հետևանքներով: Աղոթում ենք, որ Աստծո օրհնությամբ և քաղաքական ղեկավարների խոհեմ ու հեռատես մոտեցմամբ Մերձավոր Արևելքում շուտով խաղաղություն հաստատվի: Ուզում եմ հիշեցնել մեր ժողովրդի զավակներին, որ իրենք մենակ չեն այս տագնապալից օրերին,– շարունակել է նա:
Արամ Ա–ն նշել է, որ տագնապները միասին դիմագրավելու և միմյանց օգնության ձեռք մեկնելու պատրաստակամությունը հայ ժողովրդի զավակների համար միշտ եղել է անշեղ սկզբունք և ամուր հանձնառություն:
Հիշեցնենք, որ ամսից ավելի է` շարունակվում է ԱՄՆ–ի և Իսրայելի` Իրան դեմ սանձազերծած պատերազմը։ Իսրայելի բանակը մարտի 16-ին պաշտոնապես հայտարարեց, որ Լիբանանի հարավում ցամաքային գործողություն է սկսում, ինչին զուգահեռ մեծացավ Իսրայելի ՌՕՈւ-ի հարվածների ինտենսիվությունը Լիբանանի հարավային և արևելյան շրջանների, ինչպես նաև Բեյրութի հարավային արվարձանների և կենտրոնական թաղամասերի ուղղությամբ։
